انا ان شاء الله معروض عليا كيا سيراتو 2005 عدادها 70 الف كيلو ورحت لبنزينة وكشف عن كفائة الماتور بالكمبيوتر وطلعت 74 % هل هذة النسبة كويسة
فى حين انى كشفت على كيا سبكترا فى نفس البنزينة وكانت عاملة 110 الف كيلو وكانت كفائتة 75 %
فهل الراجل دة لاعب فى العداد ,,, ولا لو غيرت الزيت وفلتر الهواء والبوجيهات وكشفت عن حالة الماتور هلاقيها افضل
وهل 74 % نسبق قليلة ولا كويسة
كنت عايز اعرف ايضا اراء الاعضاء فى سيراتو 2005 الشكل القديم
وشكرا الاعضاء المنتدى مقدما
معروضة علي حضرتك بكام؟؟؟؟ عشان انامعروض علياوحدة 2006 و محتار بس لسة مكشفتش عليها
ولو ممكن حضرتك تقولي كشفت عليها فين و بكام..,,؟
انا معايا واحده موديل 2006 كاملة اوتوماتك خليجى بسم الله ماشاء الله عربيه جميله جدا وانصح اى حد انوا يجيبها ولو فكرت ابيعها هديها لاخويا مش هطلعها بره لانها فعلا عربيه كويسه
انا كشفت عليها فى بنزينة ....l الى عند نادى السكة
الكشف ب 100 جنيه
رينج العربية لو فابريكة كاملة و manual من 60 الى 65
و لو رشة من 57 الى 61 بردة حسب الحالة
ولو اوتوماتيك زود 5 الاف كمان
و ربنا يباركلك فيها فيها يا faytom
ربنا يبارك فيك ياباشا ويرزقك باللى احسن منها قول امين
مش شرط يا باشا ممكن ال77 كيلو دي استخدمها شاق شويه عن ال75 يز ام في موتير بتفوت بعد 30 الف في موتير بتعد 300 الف حسب الاستخدام
ربنا يوفقك ان شاء الله يا باشا
بحكم اني مالك لسيراتو 2005 من الزيرو... اقدر اقولك انها عربية ممتازه و محترمة جدااا
موضوع كفائة الموتور ده مش طبيعي اطلاقاً في رأي, و مش عايزين نظلم الراجل, بس اظن
اما العداد ده ملعوب فيه و العربية عاملة اكتر, او انه كان طاااااااحن الموتور و بيحرق كتيير بغباء.
عموماً اكشف تاني على الموتور في مكان مختلف و اتأكد, و ارفع العربية و شيك على كل مسمار فيها كويس...
و ربنا يوفقك للخير ان شاء الله...
امين يا faytom
والحمد لله اشتريتها والعربية ممتازة الحمد لله
وانا ناوى اغير طقم السرفيس ان شاء الله و هكشف تانى
بس العربية عندى حطيت 25 لتر بنزين و عملت 125 كيلو فقط بالتكييف
ناوى اقيس استخدامها بدون
كنت عايز اعرف انا عندى كاوتش bridgestone و حالتة وحشة اوى ,, هو دة كاوتش الفابريكة ولا لا
مبروك اولاً, و ربنا يديك خيرها و يكفيك شرها...
الكوتش ده مش الفابريكا لان العربية بتنزل بكوتش (كومو), و طبيعي هو غير الكوتش مع الاستخدام...
لو حالة الكوتش سيئة, و نصيحتي تغيرة حتى لو حالتة معقولة بردو, هات هانكوك, او كومو او نيكسن,
دول اسعارهم معقولة, و كوتش كويس جدااا, عايز اعلى و احسن, يبقى بريدجستون بردو او ميشلان...
نصيحة طويلة لوجه الله و قد تكون رخمة شوية, بس ده لمصلحتك و علشان تبقى مطمن...
شيك على تيل الفرامل و الزيت و الطنابير.. زيت الموتور يفضل تنزله و تحط غيره بنفسك و يفضل
يكون شيل هيليكس الـ 10000, و تغير فيلتر زيت.. شيك على البوجيهات... تغير طقم سيور كامل
و كده كده المفروض انك هتغيره بالكاتينة على الـ80 ألف, بس احتياطي لان سير الكاتينة مهم جداااا...
بعد كل ده و بعد تغيير الكوتش تحديدا... تروح تظبط زوايا, و طبعاً ترصص كده كده هيتعمل لما تشتري الكوتش,
و تربط عفشة عند اللي هيظبطلك زوايا, و هنا انصحك و بشدة بمركز بريدجستون, و تحديداً فرع عمارات العبور,
في واحد هناك اسمه محمد حسني, ده بتاع عفشة بس استااااااااااااذ بجد, و هيقوم بكل اللازم, و طبعاً
لو معاك ستيكر المنتدى بيكون ليك نسبة خصم على كل حاجه بتعلمها عنهم في عربيتك...
اللي بقولهولك ده اللي انا عملته في عربيتي, و كانت عاملة 12000 كم بس !!!!!! و لقيت بلااااوي :))
هو مكلف شوية, و رخم شويتين, بس والله بعد ما تخلص هتحس براااحة غير طبيعية, و هتحس انها عربيتك
انت فعلاً و مطمن من كل حاجه فيها, و ان شاء الله هتدعيلي... يا رب ماتدعيش عليا :)) ههههههههههه
تحيــاتي, و ألف مبروك مرة تانية...
مشكور اخى ghazy لإهتمام
وانا انهارة الحمد لله عملت صيانة شاملة للسيارة غيرت جميع السيور و الفلاتر بس ناقصنى فلتر البنزين عشان انا كنت جايب جميع قطع الغيار Ellentra 2006 وده كان مختلف
بس قطغ غيار الالنترا الاصلى ارخص من السيراتو الاصلى و المركز قلى كللهم واحد
بس هو ممكن يكون سبب سحب البنزين ايه انا حاطط 50 لتر وعامل 250 كيلو حاسس انى بسوق علابية 3000cc
ممكن اخى ghazy تبعتلى رقم موبايلك كنت عايز اسئلك كام سؤال كدة
مبروك يا باشا ...... وبصراحة العربية زي الفل والحمد لله
ألف مبروك ياباشا ونصيحه منى ليك روح التوكيل اول مره اعمل صيانة 100000 مثلا هيغيرلك زيت ماتور وفلتر زيت وفلتر هوا وبوجيهات وهتلاقيها مش غاليه اوى يعنى مش هتعدى 600 جنيه انا بقولك كده علشان التوكيل مينفعش يخرج العربيه من عنده غير لما يكتبلك ريبورت كامل باللى فيها بس متعملش الحاجات دى فى التوكيل خد الريبورت تبقى انتى كده عرفت عربيتك فيها ايه شوف انتى بقى اى حد ميكانيكى بيفهم كويس فى هيونداى وكيا واعمل الحاجات دى وفى واحد بتاع قطع غيار كيا فى شارع رمسيس هتلاقيه قدام سنترال رمسيس تقريبا اسمه حسن مش فاكر ايه بس عنده كل قطع غيارها , وبالنسبه للبنزين انا عربيتى اوتوماتك بس عاوز اقولك العربيه بتسحب بنزين قليل جدا ما شاء الله