الرينو عامه انا لو فكرت اجيبها هيجب الداستر لانى بجازف مع قطع غيارها... وعن تجربه لاحد اصدقائى...
وعلى فكرة ناقل السرعه بتاعها اربعه بس فى الهاى لاين
لكن الالنترا 6... يعنى العربيه فى السحب هتكون مرتاحة
عرض للطباعة
الرينو عامه انا لو فكرت اجيبها هيجب الداستر لانى بجازف مع قطع غيارها... وعن تجربه لاحد اصدقائى...
وعلى فكرة ناقل السرعه بتاعها اربعه بس فى الهاى لاين
لكن الالنترا 6... يعنى العربيه فى السحب هتكون مرتاحة
السول حلوة اوى من جوا... بس من برا عايزة ولد مش بنت ودى ازواق... وعلى فكرة هى من العربيات اللى لفتت نظرى من جوا
طيب اى رئيكم فى الاوبل كروس.. او الفورد..؟!!
السلام عليكم
أولاً تحياتى لحضرتك وأهلاً بيكى معانا فى المنتدى وكل عام وأنتم بخير
ثانياً انا قريت موضوع حضرتك ويبدو إن فيه تشتت كبير جداً وحضرتك عماله تتنقلى مابين إختيار والتانى
وده فى رأيى المتواضع إن حضرتك للأسف محددتيش متطلباتك من العربيه اللى عايزه تشتريها وسبتى أفكارك لينا وده مش صح
الصح من وجهة نظرى إن حضرتك تحددى انتى عايزه أيه يعنى هل حضرتك عايزه عربية مدينه ولا بتسافرى هل بيفرق معاكى موضوع قطع الغيار ومصاريف العربيه هل عايزه عربيه هاتشباك ولاسيدان صغيره ولاكبيره وبالطبع ماتنسيش حضرتك تكتبى أخرك تدفعى كام
بناءً على ماتقدم هيقدر كل واحد من وحوش المنتدى اللى هيشاركوا يقول رأيه ومعاه مبرراته
...............................
بصراحه أنا شايف حرااااااااااااااااااااام ندفع 150 ألف فى النترا وكمان حرام يتقال انها أفضل من الأوكتافيا
وبما إنى استشفيت من كلام حضرتك شوية حاجات قد تكون صح أو غلط فأنصحك إنك تجربى البى إم 318 حاجه من 2002 وطالع
وأنا متأكد إن حضرتك هتنسى نفسك بجد بما إنك بروفيشنال سواقه وكمان متسمعيش كلام عربيه مستعمله ومش عارف أيه
ده بى إم يعنى اللى راكبها بيعمل صيانتها فى التوكيل وحضرتك هتشترى حاجه نضيفه جداً بعد الكشف عليها
أتمتنى إن أكون قدرت أفيدك....وطبعاً لاتنسى صلاة الإستخاره والله المستعان
دمتم فى حفظ الله والسلام عليكم
عليكم السلام...
اولا .. ميرسى مقابلتك الهادئة والعطرة...
ثانيا كل الموضوع ان فعلا انا محتارة لو انت فعلا ركزت معايا بين العربيه كشكل بناتى زى الهاتش باك ....
او السيدان العائليه اللى عجبتنى زى الالنترا2012
دى من جهه
الجهه التانيه انا حدد السعر اللى هددفعه وقلت 135
الجهه التاثه انا المشكله لو عجبتنى عربية من امكانيات ميعجبنيش شكلها وان عجبنى شكلها تبقى مفيش امكانيات!!
الوحيدة اللى لقيتها الى حد ما متكامله بالرغم لكرهى للهونداى اصلا كشركة... لكن الصراحة هى تألقت السنه دى بكل المقايس سواء شكل او امكانيات.. وتستحق نرفعلها القبعه..
وكمان انا زى ماسبق وقلت حلمى زمان كان البيجو وهى بمتناول يدى حاليا بالسعر ... لكن موضوع قطع غيارها وتصليحها كتوكيل قلقنى داخل مصر من كزا حد عن تجااارب
فانا بشوف الناس اللى عندها خبرة اكترمنى استشيرهم يجوز يكونو سبب فى هدايتى لعربيه معينه تكون مش ع البال اصلا
اهلا بيكي يا تملي
منورانا والله
انا من ملاك هيونداي
مش بمتلك الفئة العليا ولكن وصلني انطباع عام عن هيونداي وعن غبور ونتيجة الانطباع دا اقدر اقلك بلاش اي عربية من غبور لأن للأسف هتدفعي اكتر من اللي العربية تستاهله فعلا وهيكون فيه خيارات تانية افضل من غبور !
للأسف معرفش العربيات اللي في الفئة السعرية اللي بتتكلمي فيها دي !
لكن لو تقدري تجمعي العربيات كلها انا ممكن افيدك واقلك مين فيهم الافضل وليه !
قدام حضرتك كذا اختيار وان شاء الله هتعجبك اوي
المازدا 3 سعرها 135الف نازل عليها عرض
فيات بونتو ايفو اعلى كاتجوري تقريبا ب 115 الف
ممكن تشوفي كروز توب لاين كسر زيرو في الحدود اللي طلبها
فورد فيستا عربية بجد تحفة اوي وجميلة
فعلا المازدا شيك اوى.. بس عايزة اعرف نظامها اى فى قطع الغيار والتوكيل؟؟!!
عليكي وعلى منتدى مازدا تسألي فيه عن قطع الغيار والوكيل وكل دا !
وهيفيدوكي اكتر من اي حد فينا هنا
وبالتوفيق ان شاء الله