الموضوع: ♥ساعدونى فى اختيار عربيتى♥

المازدا أختيار لا يعلي عليه
لكن رجعنا لنفس الوكيل تاني و هو غبور و التعامل معاه في المازدا قاسي لأبعد الحدود

بالنسبه للغلنترا هاتلاقي فيها الأتي
توكيل عنده أستعداد يغير أي شئ في العربيه لو حصله حاجه علي حساب الضمان
قطع غيارها شهرين تلاته و بتبقي موجوده في جميع محلات قطع الغيار حتي اللي مبتشتغلش في الكوري و قطع الغيار رخيصه جدا أرخص من البريليانس الصيني
إعادة البيع سهله و سريعه و خسارتها قليله
العربيه شكل جديد موتور قوي (أقوي موتور في فئتها تقريبا)
ودي مواصفات و فئات العربيه
الفئة سيدان
منظومة الدفع أمامي
طراز عام 2012

الأبعادالطول 4530 مم
العرض 1775 مم
الإرتفاع 1435 مم
قاعدة العجلات 2700 مم
الوزن الصافى 1190 كجم – 1225 كجم
سعة خزان الوقود 48.5 لتر
المحرك الأول 4 / 1.6 / 130
متوسط الإستهلاك 6.1 – 7.0
ناقل الحركةآلى متوفر / 6 نسب
يدوى متوفر / 6 نسب

الفئات

الطراز الأول 114.900 m/t
الطراز الثانى 121.900 m/t ab + abs
الطراز الثالث a/t gl 122.900
الطراز الرابع 129.900 a/t gl ab + abs
الطراز الخامس 130.900 a/t gl highline
الطراز السادس 132.900 a/t gl 2ab + abs
الطراز السابع 136.900 a/t gls
الطراز الثامن 139.900 gls a/t + ab
الطراز التاسع 142.900 gls a/t + abs
الطراز العاشر 154.900 fully loaded

الضمان
عدد السنوات 3
الكيلومترات 100.000

التجهيزات
التجهيزات الأساسيةباور ستيرينج متوفر
التحكم فى النوافذ كهربائى
مكيف هواء متوفر – أوتوماتيك
قفل مركزى متوفر / تحكم عن بعد
النظام السمعى راديو cd + mp3 + aux + usb + sd
الجنوط رياضية
abs متوفر
وسائد هوائية متوفر / 2

و لو العربيه حضرتك قلقانه من حجمها متقلقيش فيه سيدات كتير بتركب عربيات كبيره (دودج رام_ تويوتا fj cruiser و بي إم الفئه الخامسه و غيرها كتير )
و لو موضوع الحجم ده صعب علي حضرتك هيونداي منزله فلويستر 2012 دي بقي تحفه فنيه
نتمني لك التوفيق

طيب يبقى الاختيارات كالتالي
مازدا 3
كروز كسر زيرو
فيات ايفو
فورد فيستا
سيات ابيزا
سيات ليون كسر زيرو (تحفة)
فيات 500 بناتي اوي اوي

المشاركة الأصلية كتبت بواسطة tmlly

عليكم السلام...
اولا .. ميرسى مقابلتك الهادئة والعطرة...
ثانيا كل الموضوع ان فعلا انا محتارة لو انت فعلا ركزت معايا بين العربيه كشكل بناتى زى الهاتش باك ....
او السيدان العائليه اللى عجبتنى زى الالنترا2012
دى من جهه
الجهه التانيه انا حدد السعر اللى هددفعه وقلت 135
الجهه التاثه انا المشكله لو عجبتنى عربية من امكانيات ميعجبنيش شكلها وان عجبنى شكلها تبقى مفيش امكانيات!!
الوحيدة اللى لقيتها الى حد ما متكامله بالرغم لكرهى للهونداى اصلا كشركة... لكن الصراحة هى تألقت السنه دى بكل المقايس سواء شكل او امكانيات.. وتستحق نرفعلها القبعه..
وكمان انا زى ماسبق وقلت حلمى زمان كان البيجو وهى بمتناول يدى حاليا بالسعر ... لكن موضوع قطع غيارها وتصليحها كتوكيل قلقنى داخل مصر من كزا حد عن تجااارب
فانا بشوف الناس اللى عندها خبرة اكترمنى استشيرهم يجوز يكونو سبب فى هدايتى لعربيه معينه تكون مش ع البال اصلا

السلام عليكم
أشكرك يافندم وده من ذوق حضرتك بس....وشرف لينا إننا نشارك معاكوا
أولاً: بالنسبه للإلنترا تفضل أحد الأعضاء الكرام(وهو من ملاكها)وقال لحضرتك هتدفعى أكتر ماهتاخدى بكتيييييييييير.
ثانياً:مستحيل هتلاقى كل حاجه فى عربيه واحده من الفئات اللى حضرتك بتتكلمى عليها لازم تعجبك حاجه وحاجه لأ
ثالثاً:أقدر أقول لحضرتك مع إنك محددتيش متطلباتك بالظبط لكن خلينى أقول
لوجديد وأظن إن ده طلبك: يبقى لانسر بومه 130 ألف
بالنسبه للمازدا في 3 فئات أعلاهم ب 160 أوتو فول أوبشن وفئه مانويل ب132 وأوتو 138 تقريباً
نيسان تيدا عربيه فى منتهى الجمال وشخصياً مبيعجبنيش شكلها بنسبة100%(مسألة أذواق)لكن لوحضرتك بتحبى الجرى(إحتمال كبير لأ)مش هتنفع معاكى لأنها مش عربيه سبور يعنى عربيه عاليه عائليه
أما لوكسر زيرو ممكن الإختيارات ده
هوندا سيفيك وده طبعاً حاجه تانى خالص لوركبيتيها هتعرفى كدا.
ثم تويوتا كورورلا وده بردو عربيه جميله جداً
ومع كل ماتقدم بطلب من حضرتك إنك تضحى ب200جنيه وتركبى أى عربيه من اللى حضرتك هتقررى تشتريها إن شاء الله فضلاً عن صلاة الإستخاره وإن شاء الله ربنا يرزقك الرضا والقناعه وبكدا أى عربيه هتشتريها هتكون فى نظرك أجمل عربيه فى العالم
ومازلت بقول لحضرتك ياريت تجربى البى ام 318 موديل من 2002 وطاااااالع وتعرفى على متعة القياده
دمتم فى حفظ الله وأمنه.....والسلام عليكم ورحمة الله