بسبب زيادة البنزين.لو غيرت لعربيتى من 90 ل 80.ايه ممكن يحصل

**medohai510** · 06-05-2008 12:57 PM

يا جماعة عن خبرة شخصية أنا كان معايا سيارة دايو موديل 2000 وكانت فيها بنزين 90 وكنت مسافر وقطعت بنزين ولكن مفيش حد سأل فيا إلا سيارة 124 قديمة جداً وقام الرجل الطيب بتفريغ البنين من تنك سيارتة الي سيارتي وبعد ذلك دورت العربية فلاقتها صوتها عالي شوية فقالي أنه بنزين 80 بس متخافش بشهيعمل حاجة غلط ومشيت بالعربية لمسافة طويلة وبعد ذلك دخلت محطة بنزين وفولت المتنك علي 80.
العربية كانت ماشية لكن العزم قليل والسحب بطيء لكن في السرعات العالية العربية ماشية كويس أو طبيعي لكنها تقريباً بتستهلك بنزين أكثر من الــ90.
ولكن أنا لم أستطع أن أتحمل هذه الطريق في القيادة وبعد ذلك غيرت الفلتر وفولت التانك بـ90 أوكتان ودلوقتي معايا الكليو بحط 92 ومجربتش حاجة غيرة.

**dr.hany** · 06-05-2008 01:18 PM

طب الفليشيا يتحطلها ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

**medohai510** · 06-05-2008 01:27 PM

في رأي جرب مرة وحط 80 بس كمية بسيطة حوالي 5 لتر لما التنك يكون قرب علي الأنتهاء وأمشي بالعربية شوية وشوف هيجري أية ولو لقتها ماشية كويس كمل بالــ80 وأهو هيكون أوفر بكتييييييير والله الموفق.

**MMamdouh** · 06-05-2008 01:29 PM

5 لتر مش حتفرق فى حاجة

ممكن تجرب 20 لتر و خللى معاك علبة octane booster احتياطى... لو العربية خرفت حط الoctane booster و متحطش 80 تانى

MMamdouh

**fahd_628** · 06-05-2008 02:05 PM

مفيش حاجة اسمها عودت الموتور يا جماعة عادى جدا ممكن تكون طول عمرك بتحط 95 فى 128 و بعدين تحط 80 مش حيحصل اى حاجة خالص غير انك بس حتظبط الكهرباء

**bee** · 06-05-2008 02:06 PM

السلام عليكم أولاً

يا جماعة اعتقد ان خير الامور الوسط يعني 90
ده لاسباب في رأيي أهمها :
*البنزين الـ 80 لو موجود دلوقتي في بعض الاماكن دي مسألة وقت وهيختفي وهيحل الــ 90 مكانه
*ان الـ 80 ممكن تحطه في اي عربية وهتمشي بس الفكرة مش في كده الفكرة في السحب والنظافة والعزم وده مش بيحصل في العربية دي ، واعتقد ان العربيات الناعمة زي الهوندا واللانوس والدايو مينفعش البنزين الـ 80 ، لكن العربيات اللادا والشاهين والفيات اعتقد مش هتفرق كتير غير في علو الصوت شوية ، لأن العربيات الناعمة حقيقي الـ 92 فيها بيفرق كتيرررررررر يعني يا دوب بتحط رجلك ع البنزين العربية بتطير ، وانا عن تجرية الـ 92 هفضل عليه والامر لله لان الفرق بينه وبين الـ 90 مش معضلة ده حتى مش نص العمى ده العمى كله وربنا يتولانا ..

تحياتي

**MMamdouh** · 06-05-2008 02:13 PM

يا جدعان ال80 لا له علاقة بالانجكشن و لا بالنعومة و لا باى حاجة فى الدنيا غير نسبة الانضغاط بتاعت الموتور

كل ما نسبة الانضغاط تزيد لازم تحط بنزين باوكتين اعلى

واحد صاحب والدى معاه 405 كربراتير و لما حط 80 العربية اتبهدلت

MMamdouh

**MMamdouh** · 06-05-2008 02:41 PM

فورد فوكاس === 95
فولكس فاجن بسات === 95
سوبارو امبريزا === 95
اوبل فكترا === 92
لادا 2105 === 80
هيونداى اكسنت === 90

MMamdouh

-

الموضوع: بسبب زيادة البنزين.لو غيرت لعربيتى من 90 ل 80.ايه ممكن يحصل

LinkBack

أدوات الموضوع

عرض

-

-

-

-

-

-

المواضيع المتشابهه

زيادة استهلاك البنزين هل بسبب البوجيها ت ضبط الخلوص بتاعها ؟

ممكن حصر لاسباب زيادة استهلاك البنزين

عايز اعرف سبب زيادة معدل استهلاك البنزين لعربيتى 128؟؟؟؟

هو لو التكيف مشحون زيادة تفتكروا ممكن يحصل كدة ؟؟؟؟؟؟؟؟

ايه اللي ممكن يحصل لو مستوى زيت المحرك زيادة

الكلمات الدلالية لهذا الموضوع

المفضلات

المفضلات

ضوابط المشاركة