عرض للطباعة
فى البدايه بحمد ربنا وبشكره لأنه الهمنى الصبر
والتوفيق فى انى اخلص الموضوع ده على خير
من غير ما ارتكب ولا جريمه واحده...
بجد يا جماعه الموضوع مرهق ومتعب لأقصى حد ممكن
وللأسف كان فكرى ان كل حاجه اتغيرت بعد اللى البلد
مرت بيه فى الايام اللى فاتت لكن للأسف مفيش جديد
بل بالعكس فيه مواضيع زادت اكتر من الاول بكتيييير
الرشوه والواسطه وزى ماتقول قول..
نيجى الاول لرخصة المكنه:
بصراحه اللى اجبرنى ارخصها ان سمعت ان الافراجات
اتحرقت ايام الثوره وكل اللى عنده مكنه افراج لازم يلحق
يرخصها الايام دى عشان الموضوع هيبقى صعب اوى
وفعلا روحت مرور العجمى عندنا فى اسكندريه وكل اللى
عملوه ادونى رخصه 3 شهور لحد ما اجيب الافراج من بورسعيد
بالرغم انى مقدم على سنه وفعلا روحت بورسعيد ولقيت الورق
راح مرور رابعه العدويه فى مدينة نصر وملقتش اى حاجه اقدر اعملها
بس بصراحه احسن حاجه حصلتلى اليوم ده انى قابلت اخويا وحبيبى
محمد الفاتح اللى وقف معايا اليوم ده وقفه مش هاقدر انساها..
واستكمالا لبقيت المشوار استغليت فترة وجودى فى القاهره وروحت
مدينة نصر مرتين مره عشان استعلم عن الورق وارسله لمرور العجمى
والمره التانيه لما روحت العجمى ولقيته لسه ماوصلش اضطريت اروح تانى
بعد ما الموظفه سخنتنى وقالتلى روح اشتكيهم واعملهم فضيحه عشان
هما مش هايبعتو حاجه غير لما تدفع وفعلا روحت اشتكيت للمدير على طول
لقيت الورق وصل بعدها بحوالى اسبوع لما نزلت الاجازه والحمد لله
قدرت بعد عناء طويييل انى استكمل ملف المكنه وارخص لمدة سنه..
بالنسبه للرخصه بتاعتى:
بصراحه كان الموضوع كوميدى من اول مره روحت فيها
كنت مذاكر الاشارات كويس ورحت لقيت الناس خايفه
قمت وقفت بينهم وخطبت فيهم وقعدت اراجع معاهم واشرحلهم الاشارات
واحطلهم قواعد يمشوا عليها ههههههههههه والمصيبه بعد كل ده اطلع
انا الوحيد اللى سقط من المجموعه كلها هههههههههه والكمبيوتر بتاع
الامتحان كان يوميها عطلان والعبد لله عمل فيها عنتر راح مصلحه
وريتنى ما صلحته هههههههههههه المهم اخدت تاجيل 3 شهور
وروحت اول امبارح امتحن تانى ونجحت المره دى والحمد لله
ورحت على طول السواقه ولفت نظرى حاجه غريبه فى حياتى مشفتهاش
تخيلوا امتحان سواقة العربيات عندنا فى محرم بك بيخلوا الناس تسوق
عربيه نقل كبيره ههههههههه اه والله عربيه man التريللا بس من غير
مقطوره الحمد لله قدر ولطف ههههههههه المهم الراجل قاللى روح وتعالى
بالموتوسيكل بتاعى قام مدينى لائق على طول وطلعت الرخصه فى نفس اليوم
ودى كانت اسهل حاجه حصلتلى فى حوارات المرور دى....
باقى بس حاجه عاوز اضيفها ان القدر والنصيب خلانى اخلص اخر
خطوه فى الرخصتين فى يوم واحد روحت العجمى ومحرم بك وسبحان الله
خلصوا الاتنين فى يوم واحد هو اول امبارح السبت وطبعا الحمد والشكر كله لله
اللى وفقنى فى كل المشاوير دى باقى بس ابيع المكنه بقه بعد ماخلصت ورقها
وابدا افكر فى حاجه جديد باذن الله...باركولى بقه ياجماعه
الف مبروووووووووووووووووووووو ووووووووووك يا شاددددددددددددى
فرحتلك يا كبيييييير
ربنا يكون فى عونك والله..بس هو ده حال البلد
واشوفك قريب بأذن الله
اقتباس:
المشاركة الأصلية كتبت بواسطة hassan_gost
الله يبارك فيك يابو على ومشكر جدا
على تفاعلك السريع وباذن الله
نتقابل عن قريب وتكون المقابله
فى ايام رمضان المباركه ان شاء الله..
مبروك وخلي بالك من نفسك
وبعد كده لما تروح المرور وحد يقولك كل سنه وانت طيب قوله روح شوف شغلك يا ... وبطل شغل ال ... ده
اكيد انت فاهمني ههههههههههههه
بأذن الله وايه اخبار البطاريه معاك؟
الف مبروك يا شادي ، في حاجات في حياتنا لازم تكون موجودة علشان تجيبلنا الضغط والسكر والنرفزة
مبروووك وياااه كل ده عذاب عشان الرخصه
انا يدوب رحت اتصورت وجاتلي تاني يوم d:
الف مبوك يا bronzzzzzz
مبروك يا شادى
اقتباس:
المشاركة الأصلية كتبت بواسطة zago
ههههههههه لا برضه لازم ارد عليه واقوله وحضرتك طيب
هعمل زى احمد حلمى لما كان بيقوله هتشربنى شاى هههههههههه
اقتباس:
المشاركة الأصلية كتبت بواسطة hassan_gost
البطاريه شحنتها واشتغلت معايا بس لما ارجع كمان اسبوعين
معتقدش انها هتدور معايا على طول...
اقتباس:
المشاركة الأصلية كتبت بواسطة tafa17
الله يبارك فيك يادرش وربنا يبعد عننا كل سوء
وباذن الله لو فى خروجه الخميس
ده أنا معاكم باذن الله..
اقتباس:
المشاركة الأصلية كتبت بواسطة gmc
ما شاء الله .. جاتلك تانى يوم؟؟ ده لو بابا مبارك لسه موجود كنت قولت
ان حضرتك تبقى جمال ابنه هههههههههههه
اقتباس:
المشاركة الأصلية كتبت بواسطة me5emr
الله يبارك فيك يا مخ
اقتباس:
المشاركة الأصلية كتبت بواسطة yascro
الله يبارك فيك ياديبو :hrm_prv:
مبروك و ربنا يحميك
مبروووووك
ولو هتبيع ياريت تعرفنى شوية تفاصيل عن البايك
وهل هتبقى فى القاهرة ولا الاسكندرية
الف مبروك يا شادى وان والله بأعتبرك اخويا فعلا وانا معملتش معاك غير الواجب والله والحمد لله ان الموضوع خلص على قد كده يلا بقى يا بطل عايزين نشوف 400 فاير ان شاء الله
الف مبروك يا شادي....
مشكله موضوع انك تخلص ورق سواء رخصه او اي حاجه...
تلاقي كل ورقه عايزه اربع ورقات من كذا جهه عشان تطلع وابقي عدي بكره ...
ده انا شفت الويل ايام ما كنت برخص صيدليتي وللاسف كان لازم ادفع وامشي حالي عشان اخلص ...
اقتباس:
المشاركة الأصلية كتبت بواسطة ahmed_911_98
الله يبارك فيك يابو حميد وترجعلنا بألف سلامه بإذن الله...
اقتباس:
المشاركة الأصلية كتبت بواسطة osama.ghamry
الله يبارك فيك يا أسامه وبإذن الله ناوى أعمل موضوع
عن البيع فيه كافة التفاصيل فى قسم البيع بس مشغول شويه
اليومين دول وغالبا البيع فى الاسكندريه باذن الله..
اقتباس:
المشاركة الأصلية كتبت بواسطة alfath8
الله يبارك فيك ياجميل وباذن الله فيه زياره تانيه بس ليك انتا بس
مش لاى حاجه تانيه..
اقتباس:
المشاركة الأصلية كتبت بواسطة nktis
الله يبارك فيك يا دكتور بس عايز اقولك انا كنت ممكن ادفع
وكان معايا تليفون مدير وحدة المرور وممكن اخلص
بس انا من اول يوم كان عندى مبدأ انى لازم اتغير
زى ما نفسى كل الناس تتغير..
مبرررررررررررروووووووك
الف الف مبروك يا معلم عقبال ما تطلع رخصه الدوكاتى
تماااام والله انك قررت تتغير بس ايامينا كان الفساد استفحل لدرجه الموظفه طلبت مني عشان اخلص في وقت قصير والحل البديل عدي علينا بكره واستني لما الورق ياخد دوره وقصه فكان لازم ادفع واخلص...اقتباس:
المشاركة الأصلية كتبت بواسطة shady_mas2000
مبروووووك يا شادي بك :)
معلش جاية متأخر قوي بس لسه شايفها :)