الموضوع: التكييف بيفصل والعربية بتعوم والريموت مش شغال

المشاركة الأصلية كتبت بواسطة essa

وكان فى حاجه كمان كنت عايز اسألكم فيها بس بصراحه نسيت لانها مش حاجه متكررة بـ استمرار
ليه العربيه مش بتجيب اكتر من 160 , بمعنى وانا ماشى بيها الغيار الخامس بيجي عند ال 110 تقريباّ , حاولت اعمل كيك داون علشان السرعه تزيد لقيت العربيه بتجيب الرابع فى الخامس علاطول فى خلال ثانيه ويفضل ماشى الخامس لحد 160 اخر دواسه البنزين وبيبقى الار بي ام تقريبا على 4
هل ده بسبب ان العربيه عامله 4000 ك م ولسه ما عدتش ال 5000 ولا مش شرط فى نيسان لان انا كان معايا فيرنا زيرو وبعد صيانه ال 1000 مشيت بيها 200 حوالى 7 دقايق تقريبا اينعم كانت بتحرق بس بتجيب والفيرنا 1600 والنيسان بردو 1600 !

حضرتك اوتو ولا مانيوال ؟؟؟

الاوتو 4 غيارات بس قدام ! ازاى بتاخد الخامس والكيك داون يديها الرابع ؟؟

هى بتاخد الرابع وترجع للتالت.

ومتقارنش الفيرنا بالنيسان
فى فرق وزن لصالح الفيرنا بيساعدها كتير.
انا لما بسوق صنى بتاعة حد من صحابى بلاقى فرق فى السحب ملحوظ فمتقارنش

المشاركة الأصلية كتبت بواسطة beckeryahia

يعني في النيسان لو اخدت مطب بعجلة ورا لازم ياثر علي الجنب التاني علي العكس مثلا الهوندا او الفيرنا كل عجلة لوحديها , باختصار لازم وحتما ولابد هاتحس ان العربية بتيجي ورا شمال ويمين بسيط زي الشاهين وتقل الحكاية دي مع ضبط الهوا الصح اللي هو مكتوب علي القائم عندك ومع التحميل في العربية يعني لو العربية مليانة مش هاتحس بحاجة بس لو لوحدك هاتحس انها بتيجي يمين وشمال شوية مع المطبات والغرز ,, المشكلة عندك دلوقت ان انت لسة مش متعود علي العربية بس انا بقلك ماتقلقش واجري وخد غرز وخد ملفات بسرعة لانها ثابتة 100%

* انا فعلا لما باخد نقرة مثلا بحس انها بتسمع فى الجنب التانى غير الفيرنا والسيفيك خالص ! بس بصراحه بعد ماجيت من التوكيل المره دي حسيت بفرق رهيب فى العفشه حتى لما بعدي مطب بحس اني لسه ماعدتوش حتى كان قاعد واحد صاحبى النهاردة بيقولى هو انت عديت المطب ولا لسه ! قولتله عديته قالى ان العفشه عندي بقت حاجه تانيه مش زى الاول خاااااالص وبصراحه كنت مبسوط جداا
* وفعلا لما بيبقى معايا الييت كله مش بحس بيها انما لما ببقى لوحدي بتبقى ملحوظه جداا !
* كمان موضوع السحب ده انا حاسس انه هيجي لوحده لما الماتور بس يفتح شويه لأني لاحظت انها كل مره بتختلف عن المره اللى قبلها
* انا بس كل اللى ناقصنى اظبت زوايا واظبط ضغط العجل ومتهيقلى اني مش مكتوب عندي على القايم يتظبت على كام
* شكراااا اووى على ردك الجميل اووى وشكرا لكل الناس اللى تعبت معايا وردت عليا ورمضان كريم وكل سنه وانتم طيبين :d