الموضوع: سوال الى خبراء البايك المحترامين

بص يا استاذ جو
انا شفت كذا موتوسيكل ومنهم الموتوسيكل بتاعي
الصبح لازم ادوره وامسك بنزين شوية وبعدين بسيبه بيفكرني بالعربية ال 128
ومعظم الموتوسيكلات اللي شفتها كده
يا اما تعلي الموتوسيكل شوية وده ما انصحش بيه علشان في الاشارات هاتلاقي الموتوسيكل بيسحب بنزين وصوته عالي
يا سيدي امسك البنزين دقيقتين مش هاتخسر حاجة

الطبيعي في المواتير الكربيراتير أنك تشد الشوك (الشفاط) و هي باردة حتي يسخن الموتور ثم ترجعه لوضعه الطبيعي
المشكلة أن الميكانيكي لمل يضبط السلانسيه بيضبطه علي أقل من 1000لفة في الدقيقة (و الموتور ساخن)
مواصفات المصنع عادة بتحدد سرعة دوران السلانسيه من 1200 حتي 1500 لفة في الدقيقة

طبعا الضبطة بتاعة الميكانيكي الجاهل تؤدي لعدم أنتظام الدوران و المحرك بارد
بس الحق يقال أن كل ما السلانسيه يقل بالتالي أستهلاك البنزين بيقل بس الأعراض الجانبية هي أنك لازم تسند مقبض البنزين لحد ما الموتور يسخن

المشاركة الأصلية كتبت بواسطة johnghaly

شكرا اوى للعضو تيتو زو الخبره الواسعه فى هذا المجال انا طبعا مش فاهم اوى بس باجى اشد الشفاط عشان اسخنه تقوم فاصله على طول اه الحل لازم ميكانيكى ولا ايه وشكرا بجد يا تيتو

لما تشد الشوك (الشفاط) المفروض أن بوابة الهواء تقفل جزئيا مما يقلل نسبة الهواء في الخليط (ما هو الكربيراتير عبارة عن خلاط هواء علي بنزين) و بالتالي يساعد علي الأشتعال في حالة الموتور البارد

معني أن البايك يطفي لما تشد الشوك أن بوبة الهواء بتقفل تماما مما يؤدي الي أن الخليط يكون بنزين زيادة و قد يؤدي الي شوية دخنة سوداء أول لما تعيد التشغيل و ممكن برضه يشرق البايك

الحل بسيط جدا و هو أنك تضبط سلك الشفاط بحيث أن بوبة الهواء تكون مقفولة 75% عند الشد الكامل لسلك الشفاط (و برضه أستعين بالورك شوب مانيوال لأن مش كل موتوسيكل زي التاني)
و بعد التسخين أضبط السلانسيه طبقا لتوصيات المصنع (دائما في رنج 1200 ألي 1500 لفة)
و أدعيلي

ممكن تكون بك السلانسيه يكون مسدود جرب سائل تنظيف الراديتير
و جرب تغير فلتر البنزين

المشاركة الأصلية كتبت بواسطة yascro

ممكن تكون بك السلانسيه يكون مسدود جرب سائل تنظيف الراديتير
و جرب تغير فلتر البنزين

صباح الفل يا عمدتنا

لو بك السلانسيه مسدود كان البايك ما دارش سلانسيه منتظم بعد ما يسخن
و أعتقد أن حضرتك تقصد سائل تنظيف الكربيراتير و ليس الرادياتير