اللى عايز يعرف مصاريف نقل ملكية و فحص و تجديد رخصة كيا برايد 1300 cc
الحمد لله اشتريت عربية كيا برايد سيدان مو 98 1300 سي سي
اولا سجلتها على طول في الشهر العقارى ب 455 جنية و عشان نسجل العربية احتاجو مننا شهادة بيانات من المرور موجهة للشهر العقاري عشان العربية كانت من غير رخصة لكن كان فية تصريح مؤقت عشان كدا بيحتاجو شهادة بيانات لزوم التسجيل بالشهر العقارى و تكلفة شهادة البيانات 15 جنية.
و كمان بالمرة و انا في المرور القديم بتاع العربية مع البايع عملت شهادة بيانات موجهة لمرور مدينة نصر اللى انا هانقل علية الملف و الرخصة و تكلفة شهادة البيانات 15 جنية.
بعد كدا رحت مرور مدينة نصر بدرى الساعة 8 كنت هناك
و معايا الأوراق المطلوبة اللى هيا:
1- التصريح المؤقت. + صورة
2- شهادة المخالفات. ( صلاحيتها 15 يوم من تاريخ اصدارها )
3- شهادة بيانات موجهه لمرور مدينة نصر ( صلاحيتها شهر من تاريخ اصدارها )
4- عقد البيع اللى اتعمل في الشهر العقارى و انا ماكنتش ماضى مشترى + صورة
5- البطاقة الشخصية + صورة.
بعد ما دخلت المرور لقيت واحد قالى افك النمر قولتلو فك و اديته 5 جنية
و بعد كدا رحت اشتريت و رق فحص و تجديد و وصل طفاية ب 25 جنية
و بعد كدا جبت اللى بياخد بصمة العربية و اخد رقم الماتور و الشاسية
و بعد كدا مهندس الفحص فحص العربية و ختم الورق
و رحت دفعت التامين 148 جنية عشان العربية مكتوبة 1339 سي سي
و اخدت الطفاية معايا لشباك كدا و اتاكد منها و ختم الإيصال بتاعها
و بعد كدا اخدت النمر و الورق كلة بعد ما اشتريت ملف ب 1 جنية و دخلت على الشباك مش فاكر اسمة و اديتة الورق كلة + النمر و الموظف رتب الورق و خد النمر و عمل ايصال كدا و قالى ادفع 374 جنية ضريبة سنة واحدة + تامين النمر الجديدة مع العلم ان اصلا النمر اللى عندى كانت جديدة و لما سألتة لية ادفع تامين نمر تانى قالى عشان النمر اللى على العربية مش باسمك طبعا نصب فى نصب :17:.
و بعد ما دفعت اديتة الإيصال اللى دفعت بية و قالي كدا خلاص مبروك استنا الرخصة برة هايندهوا عليك
و استنيت حوالى ربع ساعة و ندهو عليا و اخدت الرخصة و كمان بعد الرخصة فى شباك كدا اسمة شباك استلام اللوحات الجديدة.
و خلاص على كدا شكرا انتهى المشوار.
و كنت خلصت و طلعت من المرور على الساعة 9.15 يعنى ساعة و ربع والحمد لله كل حاجة خلصت.:E_braces[1]:
