الموضوع: تعالى ... ارجع ... حااااسب... طااااااااااااااخ

جربت الاحساس دا قبل كدا .. تبقى بتركن والسايس فله وشمعه منوره كدا وانت ماتعرفش وفى حجر او اى بلوه منيله فى الارض انت مش شايفها ... تفضل مصدقه لحد ما تلبس يا معلم .. وساعتها يا اما هيقولك جت سليمه حتى لو كارتيرة الزيت خيشت فى البلاعه ... او هيقولك مش تاخد بالك يا باشا ما انا قلتلك حاسب.

اسف للمقدمه الطويله دى بس هو نفس الاحساس اللى معظمنا جربناه ولكن الموقف مختلف

انا كنت ببيع عربيى النوبيرا .. من فتره طويله وكنت بفكر اشترى بدالها افيو (عارف انى كدا فى فرق فى الحجم والثبات وفى وفى ..) بس انا كنت عاوز اغير فى حدود الفلوس اللى معايا - المهم قعدت ابيع فتره وبعدين نسيت الموضوع وقلت اهى قاعده فى البيت طالما ما جبتش السعر اللى انا عاوزه

فى يوم وفجاه لقيت نسيبى جايب واحد هووب بيتفرج هوووب بيفاصل هوووووب وافق على السعر ديييييب اتباعت العربيه - ماتقوليش بقى زى السايس اللى حكينا عنه ما انا قلتلك بلاش - عشان هاقولك نصيبها كدا

المهم انا قلت هشترى الافيو وهنا الغلطه عشان انا ما تعمقتش فى الافيو قبل ما ابيع النوبيرا - المهم عرفت ان الافيو عربيه مش قد كدا - ياريتها حتى عربيه على ما تفرج

قلت حصل خير - زى السايس ماقال برضه - نجيب حاجه اعلى شويه ..... بس حصل معايا شوية لغبطه ومش هينفع ازود فوق الـ 55 الف جنيه بمليم دا لو تحت الخمسين كمان يبقى احسن - ومش هينفع ادخل فى قسط قبل سنه من دلوقتى (شوية التزامات وعقبال ما تخلص بقى)

المشكله ان الافيو هى الوحيده المناسبه فى السعر دا ... وكل الناس بتقول عربيه ما تتركبش
البديل بقى (فيرنا - لانوس - استرا - اسبرانزا - كورسا - نوبيرا)
فيرنا: ضيقه وثبات فى الحلاوه
لانوس: شبعت منها
استرا وكورسا: قطع غيار نار
اسبرانزا: ما تتخيرش عن الافيو
نوبيرا: العربيه اكتر من ممتازه فى سعرها بس انا فعلا عاوز اغير

ماذا تفعل لو كنت مكانى - اريد حلا

اسف انى طولت عليكم جدا - بس الموضوع ملعبك حبتين

ودمتم زى الفل

المشاركة الأصلية كتبت بواسطة sonasteel

طيب ما تشوفلك صني 2003 ولا 2004 .... 1600 كده
وقطع غيارها عسل ويااباني والعربية عالية وو1600 وتكييف تلاجة ماشاء الله
وهتلاقي حالتها كويسة ومش متهانة ان شاء الله
انا اللي كل اللي اعرفهم كان معاهم نوبيرا ... كان التطور الطبيعي ليهم الصني ههههههههه
ومتنساش الاستخارة وربنا ييسرلك الخير :))

كلام منطقى وزى العسل - اللى فى الصنى تحت الستين اخره 2002 وهتلاقى العداد عامل اقل ما فيها 150 الف كيلو منورين - يعنى هاشترى انا عشان ابدا اصلح اللى استهلكه استمتع بيه غيرى

لو قدامك صنى 2004 عامله فى حدود الـ 50 الف كيلو و ماكسيمام 55 الف جنيه - انا شارى
وشكرا طبعا على نصيحة الاستخاره