سلسلة سلوكيات القيادة - الحلقة الخامسة (حق المارة في العبور)

السلام عليكم ورحمة الله وبركاته

هل تعلم حضرتك ان المارة (المشاة) احق بالعبور من السيارات وأن الطريق حق لهم وليس للسيارات

كتير منا بيبقي ماشي بالعربية ولو لقي حد بيعدي قدامه بيتجنن ويا اما بيقلب النور او بيضرب الكلاكس واحيانا الأتنين مع بعض

واحيانا بيبقي الي بيعدي دة راجل مسن او سيدة عجوز
فكرت تحط ابوك او أمك مكان الراجل او الست الي بيعدوا !!!!!

فكرت لو كان ابوك ورجليه بتوجعه (بحكم السن) والي ماشي ضربله كلاكس او قلبله نور حالته حتبقي ازاي ؟؟؟ وموقفه ايه يا أما يضغط علي نفسه يا أما يموت نفسه ؟؟؟

حاول تدقق في وش الي سايق وانت بتعدي الشارع (بس مادققش اوي) هتلاحظ انه بيبصلك بغيظ ولو دققت اكتر هتلاقيه بيدوس بنزين اكتر وكأنه عايز يشيلك من طريقه

الحياة سلف ودين
لو وقفت لست كبيرة في السن ولا شايلة عيل علي كتفها وهي بتعدي، صدقني والله ربنا هيبعت الي يقف لوالدتك او لمراتك او لأختك وهي بتعدي ويمكن يقفولك انت شخصيا وانت بتعدي

في شوارع كتير اوي في مصر التعدية فيها اشبه بالمهمة المستحيلة علي سبيل المثال لا الحصر شارع جسر السويس من بعد التجنيد شارع الطيران - طريق الأوتو ستراد - شارع الهرم - كورنيش النيل - شارع القصر العيني

صدقني لو محدش فينا وقف للناس في الشوارع دي محدش هيقفلهم ولو احنا مارحمناش بعض ربنا مش هيرحمنا وهيبعت لنا الي مايرحمناش

اتمني يا جماعة نخلي في قلوبنا رحمة للناس الي بتعدي الشارع وماتبصش للي بيعدي انه احقر منك اكمنه ماشي علي رجله وانت راكب عربية

انا معاك ان في ناس بتشل الواحد وهو راكب والي يشل اكتر لو شاب وبيعدي علي اقل من مهلة ومش بيبصلك اساسا ببقي نفسي اطلع امريكاني واخده قدامي علي الكبوت بس بقول اعوذ بالله من الشيطان الرجيم وبصبر عليه

ياريت يا جماعة نصبر علي بعض ونستحمل بعض

Best Practice

- لو لقيت حد بيعدي، شغل الفلاشر وهدي وحاول تشاورله عشان يعرف انك وقفتله
- لو عرفت تطلع ايدك من الشباك وتشاور للي وراك انه كمان يقف (عشان يقف جمبك وبالتالي الي هيعدي يعرف يعدي الشارع كله مش نصه)
- لو للأسف ماعرفتش تقف لحد حاول ترفع ايدك اعتذارا منك انك اغتصبت حقه في الطريق

والله المستعان
،
،

أقرأ ايضاً
http://www.nilemotors.net/Nile/23432...post3873673040
http://www.nilemotors.net/Nile/22676...post3873583122
http://www.nilemotors.net/Nile/23092...post3873631012
http://www.nilemotors.net/Nile/23395...post3873668353

كلامك مظبوط
للأسف الحقوق والواجبات هنا ضايعه
الطريق مش للمارة لوحدهم ومش للسيارات لوحدهم
المفروض فيه اماكن لعبور المشاه
وفيه كبارى وانفاق للمشاه
وللأسف مش منتشرة ومش واضحه
ولكن اللى يغيظك ان حتى المكان اللى فيه كوبرى أو نفق
تلاقى الناس بتستسهل وتعدى بين العربيات وعلى الطرق السريعه
ولا الناس اللى بتعدى بظهرها ولا كإنها هنا
وعلى الطرق الزراعيه تلاقى فلاحبيعدى راكب حمار
وساحب جاموستين وراه
وملوش دعوه بالعربيات

البلد كل حاجه فيها تثير الجنون

لو في طريق جوه المدينة ماشي
بس لازم مراعاة سير الطريق نفسه
ومراعاة سرعتي وسرعة اللي وراية عاملة إزاي

بس اللي بيقطعوا الدائري دول بيبقى هاين عليَّ أسيب الطريق وأطلع وراهم وساعات بيعملوا الحركة دي بالليل
ساعتها ممكن يودوا طقم بني آدمين في داهية أصلا

اقتباس:

---

المشاركة الأصلية كتبت بواسطة elawany13

كلامك مظبوط
للأسف الحقوق والواجبات هنا ضايعه
الطريق مش للمارة لوحدهم ومش للسيارات لوحدهم
المفروض فيه اماكن لعبور المشاه
وفيه كبارى وانفاق للمشاه
وللأسف مش منتشرة ومش واضحه
ولكن اللى يغيظك ان حتى المكان اللى فيه كوبرى أو نفق
تلاقى الناس بتستسهل وتعدى بين العربيات وعلى الطرق السريعه
ولا الناس اللى بتعدى بظهرها ولا كإنها هنا
وعلى الطرق الزراعيه تلاقى فلاحبيعدى راكب حمار
وساحب جاموستين وراه
وملوش دعوه بالعربيات

البلد كل حاجه فيها تثير الجنون

---

حضرتك كلامك صح بس انا اقصد الشوارع الي بيكون فيها مارة وسيارات وبالتالي هو احق مني بالمرور

شكرا علي مرورك

والله المستعان
،
،

اقتباس:

---

المشاركة الأصلية كتبت بواسطة mailo

لو في طريق جوه المدينة ماشي
بس لازم مراعاة سير الطريق نفسه
ومراعاة سرعتي وسرعة اللي وراية عاملة إزاي

بس اللي بيقطعوا الدائري دول بيبقى هاين عليَّ أسيب الطريق وأطلع وراهم وساعات بيعملوا الحركة دي بالليل
ساعتها ممكن يودوا طقم بني آدمين في داهية أصلا

---

الدائري اساسا كان غير مصمم للأفعال الي بنشوفها عليه
يعني ماكنش معمول في الحسبان ومش هيتعمل في الحسبان اماكن لعبور المشاة لأن الغرض منه يكون طريق سريع والسلالم والفتحات الي بنشوفها المفروض معمولة عشان لو هيتعمل عليه صيانة او حاجة من هذا القبيل والناس استخدمتها بشكل خاطئ وبيحصل الي بنشوفوا دة

ربك الستار

والله المستعان
،
،

عمري مالقيت واحد كبير اوشاب حتي عاوز يعدي وماوقفتش لازم اقف هو صح مش ملتزم بس انا كمان اكيد مش ملتزم في حاجه عادي والواحد سعات بيركن العربيه ويمشي وبيكون عاوز يعدي (كمان تدين تدان)بالنسبه للدائري هو غلطان انه بيعدي واحنا كمان غلطانين اننا بنمشي بسرعه علي الدائري

العتب على النظام السيء في المرور وتنظيم الشوارع
المفروض مثلا يعملو مطب و بعديه طريق طريق لعبور المشاه
انما هنا تلاقيهم داخلين فيك برجليهم و بجسمهم وبايعين نفسهم
واللي يعدي في طريق سريع وبيقى بين عربييتن ماشيين بسرعة في تالت حارات ويجي واحد يعمل غرزة يميين ويتفاجىء بيه ويخبطه , امته يا ترى يتحقق الحلم وبتبقى شوارع مصر متسفلته صح وفيها نظام

اقتباس:

---

المشاركة الأصلية كتبت بواسطة rompo10

عمري مالقيت واحد كبير اوشاب حتي عاوز يعدي وماوقفتش لازم اقف هو صح مش ملتزم بس انا كمان اكيد مش ملتزم في حاجه عادي والواحد سعات بيركن العربيه ويمشي وبيكون عاوز يعدي (كمان تدين تدان)بالنسبه للدائري هو غلطان انه بيعدي واحنا كمان غلطانين اننا بنمشي بسرعه علي الدائري

---

يعني لو إنت ماشي على الدائري مش هاقول 120 بس خليها 80 وواحد طلعلك من ورا عربية قدامك وبيعدي الطريق ده عادي برده

مهما كانت سرعتك حتى لو 60 إنت بتتكلم في واحد بيجري بعرض الطريق ومش عارف هو هيقف امتى عشان هو أصلا سرعته محسوبة على العربيات اللي وراك واللي جنبك فـفي أي لحظة ممكن يجري أو يقف في إنت فيالاول وال آخر تحت رحمته

اقتباس:

---

المشاركة الأصلية كتبت بواسطة rompo10

عمري مالقيت واحد كبير اوشاب حتي عاوز يعدي وماوقفتش لازم اقف هو صح مش ملتزم بس انا كمان اكيد مش ملتزم في حاجه عادي والواحد سعات بيركن العربيه ويمشي وبيكون عاوز يعدي (كمان تدين تدان)بالنسبه للدائري هو غلطان انه بيعدي واحنا كمان غلطانين اننا بنمشي بسرعه علي الدائري

---

بارك الله فيك
بس احنا مش غلطنين اننا بنمشي بسرعة علي الدائري

والله المستعان
،
،

اقتباس:

---

المشاركة الأصلية كتبت بواسطة ahmedb1

العتب على النظام السيء في المرور وتنظيم الشوارع
المفروض مثلا يعملو مطب و بعديه طريق طريق لعبور المشاه
انما هنا تلاقيهم داخلين فيك برجليهم و بجسمهم وبايعين نفسهم
واللي يعدي في طريق سريع وبيقى بين عربييتن ماشيين بسرعة في تالت حارات ويجي واحد يعمل غرزة يميين ويتفاجىء بيه ويخبطه , امته يا ترى يتحقق الحلم وبتبقى شوارع مصر متسفلته صح وفيها نظام

---

مش هينفع مطبات عمال علي بطال
وبردو مش هينفع اهدي كل ما اشوف واحد عايز يعدي
لكن الصح ان لو الطريق فعلا يسمح اني اعدي حد يبقي واجب عليا اقف علشان اعديه

يعني تخيل لو انت وقفت علي الدائري تعدي حد هيبقي ازي الحال ؟؟؟

والله المستعان
،
،

اقتباس:

---

المشاركة الأصلية كتبت بواسطة mailo

يعني لو إنت ماشي على الدائري مش هاقول 120 بس خليها 80 وواحد طلعلك من ورا عربية قدامك وبيعدي الطريق ده عادي برده

مهما كانت سرعتك حتى لو 60 إنت بتتكلم في واحد بيجري بعرض الطريق ومش عارف هو هيقف امتى عشان هو أصلا سرعته محسوبة على العربيات اللي وراك واللي جنبك فـفي أي لحظة ممكن يجري أو يقف في إنت فيالاول وال آخر تحت رحمته

---

شكرا علي مرورك

والله المستعان
،
،

كلامك سليم جدا
بس لازم نخلي بالنا من السرعة اللي احنا ماشيين عليها والمسافة بينا وبين اللي ورانا
لو سرعتي تسمحلي اني اقف والمسافة اللي بيني وبين اللي ورايا كافية انه يقف بدون ما يئذيني يبقا ايه المانع اين اقف للي بيعدي ولكن لو العكس يبقا بضطر آسفا اني استعمل الكلاكس او اني افاديه لأن الوقوف هيبقا مشكلة ليا وللي ورايا
في العادة لابد نحترم المشاة لأن فعلا الطريق حق ليهم مش للسيارات مطلقا
عملا بمبدا الرسول صلى الله عليه وسلم حين قال:-
الراحمون يرحمهم الرحمن تبارك وتعالى... ارحموا من في الأرض يرحمكم من في السماء
صدق رسول الله صلى الله عليه وسلم
وربنا يحفظنا جميعا يا رب
جزاكم الله خيرا

اقتباس:

---

المشاركة الأصلية كتبت بواسطة syd

شكرا علي مرورك

والله المستعان
،
،

---

أنا كده بصراحة مش فاهمك
يعني مهما كان هابقى أنا اللي غلط
يعني هو عشان مايعديش من تحت الكوبري أو ميمشيش 300 متر أبقى أنا غلطان برده

الدائري من حقي إني أمشي عليه 90 وأنا اراهن أي حد يقدر يفادي واحد في يوم زحمة الا بستر ربنا

زي ما هو ليه حق في المرور قدامي من جوه المدينة وال حق ده أنا بديهوله أنا ليَّ حق إنه ميعديش من قدامي على طريق سريع

و الله كلامك صح و بحاول ع قدر الامكان اعمل كدة بس فى حالتين بيستفزونى جداااااااااااااااااااا

اولا عندنا ع البحر ف اشارة عند سان استيفانو تمام اوى نلاقى اللى بيعدى و الاشارة خضرا للعربيات بذمتك مش عايز الحرق و بالنسبة ليا و انا سايق عند نفس الاشارة لو الاشارة حمرا و انا بهدى بقفلوا بعد م اتاكد ان الوقوف مفيش خطر عليا و اخلية يعدى.

ثانيا اللى يبقى واقف ف الجزيرة اللى ف النص و ليكن شارع ابوقير (فية مواصلات و طريق رئيسى) اجى اعدى واحد و ابقى واقف و ميرضاش يعدى و لسة حطلع يقوم موقف تاكسى و معدى مش حرام بذمتك

ya man ,
this is exactly wt Im talkin about

طالما على طريق مش سريع لازم اقف للمشاة وفعلا باعتذرلهم لو مالحقتش اقف لهم اما على الطرق السريعة فاببص بصة على الطريق ورايا لو مافيهوش عربيات باقف للمشاة عشان اعديهم اما لو في عربيات ورايا فمابقفش لان اللى ورايا دا لو على نفس حارتى ممكن يلبس فيا لانه مش متوقع انى ممكن اقف فى وسط حارتى اما لو اللى ورايامش فى حارتى فبردو الخوف على المشاة اللى مابيصدق حد يقفله ويروح جارى من قدامك ومايخدش باله من العربيات اللى جمبك وتحصل ارتباكات و حوادث
فعالطرق السريعة حسب الموف مش لازم تقف دايما
وربنا مايحوجكوا للوقوف للبنات اللى بتمشى تتنك وتخليكوا ندمتوا عاللحظة اللى وقفتولهم فيها

المشكله انك بتقف تلاقيه بدل ما يعدي الشارع يقف قدام عربيتك

ولو راجل كبير لازم تقفله

لكن لما يكون شاب او بنت بيعدي الشارع يحسسك انه طالع من اوضه النوم داخل الحمام

ده حتما ولابد لازم المرايه تسلم عليه او تزقه بطرف الكبوت بعيد عن الشارع

اقتباس:

---

المشاركة الأصلية كتبت بواسطة m.alaa92

و الله كلامك صح و بحاول ع قدر الامكان اعمل كدة بس فى حالتين بيستفزونى جداااااااااااااااااااا

اولا عندنا ع البحر ف اشارة عند سان استيفانو تمام اوى نلاقى اللى بيعدى و الاشارة خضرا للعربيات بذمتك مش عايز الحرق و بالنسبة ليا و انا سايق عند نفس الاشارة لو الاشارة حمرا و انا بهدى بقفلوا بعد م اتاكد ان الوقوف مفيش خطر عليا و اخلية يعدى.

ثانيا اللى يبقى واقف ف الجزيرة اللى ف النص و ليكن شارع ابوقير (فية مواصلات و طريق رئيسى) اجى اعدى واحد و ابقى واقف و ميرضاش يعدى و لسة حطلع يقوم موقف تاكسى و معدى مش حرام بذمتك

---

طب هنعمل ايه؟؟؟
للأسف احنا ممكن نتكلم علي ثقافة حق المرور في العبور هنا علي المنتدي لكن ازاي هنغير في ثقافة الناس كلها انهم بردو يراعوا سائقي السيارات

وانا مش بلقي الحمل كله علينا لكن قدر المستطاع بنحاول نعطي الطريق حقه

والله المستعان
،
،

اقتباس:

---

المشاركة الأصلية كتبت بواسطة mailo

ya man ,
this is exactly wt Im talkin about

---

شكرا علي مرورك

اقتباس:

---

المشاركة الأصلية كتبت بواسطة car's sniper

طالما على طريق مش سريع لازم اقف للمشاة وفعلا باعتذرلهم لو مالحقتش اقف لهم اما على الطرق السريعة فاببص بصة على الطريق ورايا لو مافيهوش عربيات باقف للمشاة عشان اعديهم اما لو في عربيات ورايا فمابقفش لان اللى ورايا دا لو على نفس حارتى ممكن يلبس فيا لانه مش متوقع انى ممكن اقف فى وسط حارتى اما لو اللى ورايامش فى حارتى فبردو الخوف على المشاة اللى مابيصدق حد يقفله ويروح جارى من قدامك ومايخدش باله من العربيات اللى جمبك وتحصل ارتباكات و حوادث
فعالطرق السريعة حسب الموف مش لازم تقف دايما
وربنا مايحوجكوا للوقوف للبنات اللى بتمشى تتنك وتخليكوا ندمتوا عاللحظة اللى وقفتولهم فيها

---

محدش قال علي الطريق السريع اقف

لكن فعلا علي حسب حالة الطريق

انا احيانا بشغل الانتظار وبهدي لكن مش بقف تماما (لا ضرر ولا ضرار)

وكمان لما بتبقي حالة جماعية مش فرد واحد يعني لما يكون جروب كبير هيعدي

والله المستعان
،
،

اقتباس:

---

المشاركة الأصلية كتبت بواسطة ahmed_mido1889

المشكله انك بتقف تلاقيه بدل ما يعدي الشارع يقف قدام عربيتك

ولو راجل كبير لازم تقفله

لكن لما يكون شاب او بنت بيعدي الشارع يحسسك انه طالع من اوضه النوم داخل الحمام

ده حتما ولابد لازم المرايه تسلم عليه او تزقه بطرف الكبوت بعيد عن الشارع

---

انا فعلا الغرض الرئيسي من الموضوع كان لكبار السن لكن لا مانع من تعميمه علي كمان ضغار السن والشباب والبنات كمان لأن خلي بالك بفضل الله في مجتمعنا في بنات كتير اوي مش بتعرف حتي تعدي الشارع

احنا بنحاول وبنعمل الي نقدر عليه

والله المستعان
،
،

جزاكم الله خيرا