اخيرا جددت الترخيص - والاسعار غليت والامور اتعقدت
بسم الله الرحمن الرحيم
السلام عليكم ورحمة الله وبركاته
انهاردة الحمدلله رخصت بحمدلله ووصلت المرور الساعة التاسعة مع اني صاحي 7 بس منة لله الكاوتش نزلت لقيتة نايم ومش عايز يروح المشوار ولا كانة حاسس ...
المكان : مرور فيصل
الزمان : الساعة التاسعة حتي الساعة الثانية عشر
الحدث : تجديد رخصة التسيير
اول حاجة عملتها صورت الرخصة ... والبطاقة كنت مصورها قبل كدا .. بس اتنصب عليا 4 نسخ وقلم فرنساوي بـ 3 جنية ؟؟
قلنا من اولها كدا .. لاء والي غاظني اكتر الي بتصور بتقول لواحد تعالي بكرا هات الرخصة واحنا هانزلك الفامية عليها lol
هانعملك ملف جديد .. ما علينا ..
طبعا اول حاجة روحت اجيب براءة الذمة .. روحت ووقفت في الطابور .. واتفاجيء الست بتقولي روح هات شهادة بيانات واملاها واختمها ..
اية يا جماعة شهادة البيانات دي .. اجراء جديد .. حاضر .. روحت جبتة من الكشك جوا المرور بـجنية ... روحت مليتة ..
روحت اختمة .. لاء يا باشا احنا الي بنملها ولا تزعل نفسك اجبلك واحد جديد .. ملاه الراجل بعد كدا قالي امسك روح اختمة
من رئيس الوحدة .. .. بعد كدا روحت اطلع براءة الذمة او شهادة المخالفات .. الحمدلله وقفت ساعة .. تلت ساعة في الطابور
والباقي مستني الباشا يطلع لي المخالفات .. في الوقت ده روحت جبت بقية الاوراق ..
1. التامين .. كان بـ 80 دلوقتي بقي ـ 107 ؛؛ سنة واحدة
2.جبت الملف ..
رجعت تاني علشان اخدت براءة الذمة ( خمسة جنية الحمدلله يظهر المخالفات لسة ماتسجلتش ) .. وحطيتهم كلهم في الملف .. وسلمتهم .. روح هات مش عارفة اية من الكشك روحت جبتة .. رجعت اداني ادفع ضريبة سنة واحدة بــ 235 !!!!
وقفت في الخزنة دفعت الضريبة .. والناس بقي مضايقة من ان الاسعار غليت والي يقولك مش عارف اية التامين الاجباري ده انا عملت 20 حادثة وانا الي بصلحها .. :) وكلام من ده ..
دفعت ورجعت وقفت في الشباك ... روحت لواحدة شكلها رايق وعمالة تهزر .. بس مادفعتش :)
تقولي فين الحديدة الي كانت في الملف اقولها رميتها تقولي كنت محتاجها ولاء واية تطلع ملف من جمبها وتاخد الحديدة قال يعني ممكن ادفع نص جنية حتي ..
وقفت حوالي نص ساعة وطلعت الرخصة بسلام في تمام الثانية عشر ..
وربنا يريحنا منهم سنة .. ونشوفهم السنة الي جاية ...
والحمدلله مادفعتش نص جنية رشوة .. بس اتنصب عليا في الماية والتصوير :angry26:
وانا خارج بقي الحمدلله انا راكن بعيد بحوالي نص كيلوا علشان القرف بتوع السايسة دولت ( جمع سايس )
واحد راكن غلط وساب عربيتة وقافل علي كذا عربية .. السايس فاتح الابواب والشبابيك وعمال يطنطط ويشتم في صاحب العربية ؟؟