تركيب فلتر تكييف لكيا كارنيز --- 20 جم

**ehab_osman** · 25-07-2011 02:36 PM

الاخوة الاعزاء كيف حالكم .... عارفين ان العربية كيا كارنيز ... نازلة بدون فلتر تكييف ؟؟؟؟؟ ولما سألت عن السبب مهندس في تكنو وان .... قال العربية من الداخل كبيرة جدا .... ووضع فلتر تكييف حيأثر علي كفاءة التكييف ؟؟؟؟ خطأ ترك التكييف بدون فلتر ...................... وتركيب فلتر تكييف حيأثر علي قوة التكييف ؟
فقلت كحل وسط اشترى فلتر تكييف بلاستيك من بتوع تكييف البيوت ... معمول من خيوط النيلون وسهل الغسيل والتنظيف ..... ومش حيأثر كثيرا علي قوة التكييف .... وهذا الفلتر بـ 20 جم تقريبا .
فما رايكم دام فضلكم .

**moha4tec** · 25-07-2011 02:45 PM

طب و يا ترى المقاس مظبوط مع العربيه بالظبط و الا اه
و خلى بالك انه ممكن يتحشر او يتسحب ناحية تلاجة التكييف و يبوظه
و هل فى اصلا ليها فلتر تكييف يركب عليها من التوكيل و الا لا
بس لو نفعت الفكره تبقى دماغك عاليه اوى اوى

**IsmailIbrahim** · 25-07-2011 04:16 PM

استاذ ايهاب ازي حضرتك، انا عربيتي كان فيها فلتر تكيف وبالفعل قومت بتغير فلتر التكييف في صيانة 20000 في توكيل ابورواش (السعر حوالي 140 جنية) وكان في فرق شاسع جدا في اداء التكييف بعد التغيير بس موضوع ان مايكونش فيه فلتر من اساسه مش عارف صراحة بس اكيد اكيد هيبقى افضل من ناحية الاداء

**mohammadrashee** · 25-07-2011 04:34 PM

عدم وجود فلتر هيؤدي الى اتساخ السربنتينه الداخليه وتقليل قدرتها على التبادل الحراري
وهتبقى مشكله اكبر انك تنضفها على الأقل لو فلتر راكب هتجيب واحد غيره
هات الأصلي بتاع العربيه احسن

**Khaled_Nowaihy** · 25-07-2011 08:53 PM

المشاركة الأصلية كتبت بواسطة ismailibrahim

استاذ ايهاب ازي حضرتك، انا عربيتي كان فيها فلتر تكيف وبالفعل قومت بتغير فلتر التكييف في صيانة 20000 في توكيل ابورواش (السعر حوالي 140 جنية) وكان في فرق شاسع جدا في اداء التكييف بعد التغيير بس موضوع ان مايكونش فيه فلتر من اساسه مش عارف صراحة بس اكيد اكيد هيبقى افضل من ناحية الاداء

عربيتك توكيل يا أ. اسماعيل مش كده ؟
وعربية استاذ ايهاب خليجى

هل معنى كده ان ك عربيات التوكيل فيها فلتر تكييف وللا ايه ؟

أعتقد ان الفلتر ضرورى لحماية الجهاز