السلام عليكم
يا جماعة عندى بكره مشوار العاشر من رمضان من مدينة نصر
وتحديدا
ازاى اروحه ارجوكم بالتفصيل الممل ان امكن
لانى بتوووووووووووووه خلقة فى اى حته :8954[1]:
ربنا يجازيكم خير
ملحوظة انا معايا عربية
السلام عليكم
يا جماعة عندى بكره مشوار العاشر من رمضان من مدينة نصر
وتحديدا
ازاى اروحه ارجوكم بالتفصيل الممل ان امكن
لانى بتوووووووووووووه خلقة فى اى حته :8954[1]:
ربنا يجازيكم خير
ملحوظة انا معايا عربية
بص يا سيدي
اول حاجة من مدينة نصر تاخد الاوتو ستراد في اتجاه الشيراتون هتفضل مااااااااااشي هتلاقي بنزينة كالتكس على ايدك اليمين وتاخد يمينكك مع الطريق وفي اقصى الشمال تكمل طريقك هتلاقي الكلية الحربية على ايدك الشمال تفضل ماشي ماشي هتلاقي الطريق واخد كيرف ناحية اليمين هتاخد الكيرف ده وبعد كدة هتلاقي السندباد على ايدك الشمال
تفضل ماشي علطول بتاع 3 كيلو كدة لحد ماتلاقي كوبري اسمه كوبري الحرفيين تطلع عليه وتنزل وتعيش حياتك بقى وتجهز بنزينك اوي ماتنزل على ايدك اليمين هتلاقي بنزينة موبيل ومتنساش الساقع
تخرج من البنزينة تفضل ماشي علطول هتلاقي زحمة شوية اعرف انك في موقف العاشر
تكمل علطول علطول وبعد 2 كيلو كدة هتلاقي الهايكستب على ايدك اليمين وتكمل تكمل تكمل حوالي 2 كيلو كمان هتلاقي جامعة مصر الدولية والمدرسة الامريكيا والكلام ده كله على ايدك الشمال
تكمل في طريقك حوالي 40 كيلو كمان هتلاقي كوبري
هتطلع على الكوبري وتكمل لحد ماتلاقي كوبري تاني مش هتطلع عليه لا انت هتنزل من تحتيه وتدخل يمين او شمال على حسب المنطقة اللي انت تحب تروحها
اليمين بيودي على المنطقة الصناعية والمصانع
اقتباس:
المشاركة الأصلية كتبت بواسطة eng f3lix
اصلى الاصلى :plusone2:
اقتباس:
المشاركة الأصلية كتبت بواسطة eng f3lix
جزاك الله كل خير
ومش هنسى الساقع متقلقش :E_braces[1]:
و فيه طريق تاني برضه ممكن تروح منه
هتاخد الاوتوستراد في نفس الاتجاه و بعد النادي الأهلي متطلعش الكوبري و خد يمين من تحت الكوبري و هتفضل ماشي لحد ما تلاقي مدينتي على يمينك و الشروق على شمالك هتاخد اليوتيرن و تدخل الشروق و تفضل ماشي في نفس الشارع لحد طريق اسماعيلية و يمين فيه هتلاقي نفسك في نفس الطريق اللي فوق ...
بس الفرق انك هتوفر على نفسك الزحمة الرهيبة من عند كالتكس لحد العبور و دي ممكن توصل لأكتر من ساعة و نص لو معاد تغيير وردية في المصانع ...
او ممكن من صلاح سالم فى اتجاه المطار على طووووووووووووول لحاد ما تلاقى كوبرى ع الشمال تطلعه وتاخد النزلة الشمال (كدة الكلية الحربية على ايدك الشمال) وتكمل زى ما eng f3lix كاتب بالظبط.
لو انت قريب من الدائرى (دائرى المعادى) تطلع على الدائرى اتجاة عكس المعادى وتفضل على الدائرى لحد ماتلاقى لافتة طريق مصر اسماعيلية الصحراوى تنزل من المنزل دا وتمسك الشمال اول كوبرى اطلعة تانى كوبرى تنزل من تحتية (العاشر من رمضان )
افضل طريق من مدينة نصر هو الاوتوستراد و من جنب الكوبرى على طريق السويس لحد الشروق