الموضوع: تحذير واجب من قناة الملاعين بتاعة زفت الطين...

يَا أَيُّهَا الَّذِينَ آمَنُوا إِن جَاءكُمْ فَاسِقٌ بِنَبَأٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَى مَا فَعَلْتُمْ نَادِمِينَ


طبعا قناة القراعين معروف توجهها من زمااان إنها الراعي الرسمي للثورة المضادة , ولكن إتجاه القناة بقي بجح زيادة عن اللزوم ولازم له وقفة بجد لأن أمثال القنوات دي بتأثر علي عوام الناس..والعيار اللي مايصيبش, يدوش !

في تغطيته لأحداث العباسية الأخيرة جاب "شهود عيان" ماعرفش جايبهم من أي داهية إتهموا الثوار بالإتهامات التالية

1- بيحششوا وبيضربوا "بورشام"!ء
2 - جايين معاهم طوب سنج ومطاوي ومولوتوف وبيقولوا هايولعوا في المجلس
3 -بيكسروا أبواب الشقق وبيدخلوها بالقوة ويكسروها - ده اللي هو إحنا يعني -!!!!!!!!!!!!!!ء
4- كان في بنات بيوزعوا دولارت
5-كانوا بيكسروا ويحرقوا العربيات الموجوده في الشارع

ده غير بقي إفادات الناس (الرائعين) اللي إستضافوهم بالمرة..الثوار دول عربجية وعيال صغيرة مابتفهمش حاجه ومخربين واللي بيحب البلد يشتغل مش يثور والمشير ده هو اللي حامينا وإحنا آسفين يامشمش وهلم جرجر

يخرج بعدها توفيق عكاشة بسحنته المستفزة ليتحدث بكل برود عن أمجاد الجيش المصري في حرب أكتوبر , واللي بيحصل ده مخطط ضد القوات المسلحة إنتقاما من نصر إكتوبر!!!ء

وده طبعا فيه خلط للأوراق بشكل عجيب بين دور الجيش التاريخي ودور المجلس المشبوه لكن مش أي حد هايعرف يفرق كويس لما حد من عامة الشعب يسمع الكلام الفارغ ده مرة واتنين وتلاته وعشرة وألف علي مدار 24/7 .... يبقي طبيعي جدااا يتعمله غسيل مخ...وطبيعي جداا نلاقي الإنقلاب الغريب اللي علي الثورة والثوار من عامة الشعب وده في منتهي الخطورة

طبعا تفنيد التهم دي - إن كانت محتاجه لتفنيد - ممكن نلاقيها في شهادات" العدول" من أبناء العباسية

http://www.shorouknews.com/.......data.aspx?id=511356

Log In | Facebook

وطبعا دول أكيد أصدق من اللي شفناه كلنا "بيلطع الكريمة" بتاعة سيده صفوت الشريف

[youtube]http://www.youtube.com/watch?v=gMS6teRifAY&feature=player_detailpage[/youtube]



ياريت ماحدش يستهتر بقناة زي دي لأن انا شايف الصراحة إن لولا الشحن اللي عملته قناة الرأي والجزيرة مكانتش الثورة هاتاخد الإجماع الشعبي ده كله وتنجح فالعكس ممكن يحصل دلوقتي بسبب قناة الملاعين دي

المفروض نعمل إيه بقي عشان نواجه القنوات دي ؟ كل واحد يعمل اللي عليه من توعيه ونشر حملات مضادة للقناة

وفضح المفضوح...عكاشة



-------------------------------------------------------------------------------------------------------------

كاتب النوت دي انا اعرفه شخصيا و اللي يقول انه من ستة ابريل يبقى مفتري و ربنا هايحاسبه, ماشي ؟؟؟؟؟؟؟؟؟؟