اوعى تشترى وكيل

**MMMERO** · 02-08-2011 03:25 PM

السلام عليكم
انا احب انقل تجربتى انا معايا كارينز اتو وكيل وكان عندى مشكلة فى الطنابير وسير المجموعة بعد حوالى 10000 كيلو بالنسبة للطانبير كنت لما بدوس فرامل الدريكسيون بيرجرج بس كانت الفرامل عادية وبالنسبة للسير كان بيطلع صوت بس مش اكتر روحت التوكيل فرع القطامية وبصراحة على طول غيرلو لى الطنابير من غير كلام فى ساعتها اما بالنسبة للسير فجربوا حاجة كدة الاول علشان هما قالوا ان السيور ملهاش ضمان بس بعد يومين الصوت رجع تانى وبمساعدة الاستاذة نهلة (ربنا يجعلة فى ميزان حسناتها) كان عندى اختيارين اما اغيرة على حسابى وبعدين يعملولى تغيير الزيت على حسابهم وهى تقريبا بنفس السعر اما اغيرة ببلاش دلوقتى ودة طبعا بمساعدة الاستاذة نهلة وتم التغيير والحمد لله
خلاصة الكلام لا التوكيل لو فية عيب صناعة بيغير وبيقف جانب المستهلك ودى امانة لازم انقلها عن تجربة شخصية منى

**mohamed_adel76** · 25-09-2011 03:56 AM

المشكلة مش فى التجار المشكلة فى الجمارك اللى بتزييد على الكماليات بمنطق مش عايزيين يتمتعوا يبقوا يدفعوا بقى وعلى ذلك التاجر بيفضى العربية من الكماليات المحترمة وميمنعش كمان يبدل حاجات اصلى فى العربية فى البلد المصنع ويحط حاجات ارخص اصله بيبيع لمصريين بيرضوا باى حاجة

**اسلام درويش** · 22-01-2012 01:54 AM

انا اؤيد هذا الرأى تماما لو هناك بديلين التوكيل والخليجى اختار الخليجى فورا كماليات أعلى سعر اقل تقفيل فوق الممتاز والضامن هو الله واعتقد أن ميزة الوكيل الوحيدة لو وجد عيب صناعه فى السيارة مع العلم بأن هذا الاحتمال واحد فى العشرة الاف لأن هذه المصانع لديها رقابه جودة عالية جدا
ثم ما هو الشئ المهم الذى يتم تنفيذة اثناء الصيانات الالف والعشرة والعشرين والخمسين أعمال صيانات عادية

**moha4tec** · 22-01-2012 11:59 AM

المشاركة الأصلية كتبت بواسطة mmmero

السلام عليكم
انا احب انقل تجربتى انا معايا كارينز اتو وكيل وكان عندى مشكلة فى الطنابير وسير المجموعة بعد حوالى 10000 كيلو بالنسبة للطانبير كنت لما بدوس فرامل الدريكسيون بيرجرج بس كانت الفرامل عادية وبالنسبة للسير كان بيطلع صوت بس مش اكتر روحت التوكيل فرع القطامية وبصراحة على طول غيرلو لى الطنابير من غير كلام فى ساعتها اما بالنسبة للسير فجربوا حاجة كدة الاول علشان هما قالوا ان السيور ملهاش ضمان بس بعد يومين الصوت رجع تانى وبمساعدة الاستاذة نهلة (ربنا يجعلة فى ميزان حسناتها) كان عندى اختيارين اما اغيرة على حسابى وبعدين يعملولى تغيير الزيت على حسابهم وهى تقريبا بنفس السعر اما اغيرة ببلاش دلوقتى ودة طبعا بمساعدة الاستاذة نهلة وتم التغيير والحمد لله
خلاصة الكلام لا التوكيل لو فية عيب صناعة بيغير وبيقف جانب المستهلك ودى امانة لازم انقلها عن تجربة شخصية منى

فعلا الاستاذه نهله قدمت خدمات كتير لناس كتير من المنتدى فى التوكيل فى فرع القطاميه و فرع السبع . و هى فعلا انسانه محترمه جدا .و الخدمات دى بدون مقابل و الله .و الله ب 100 راجل .

**rockeromda** · 23-01-2012 09:03 PM

انا هاقول تجربتي الشخصية مع كيا: انا كانت عندي مشكلة في الكلاكس ورحتلهم ظبطوه في الضمان طبعا وبعدين المشكلة تكررت ورحت تاني (فرع روكسي) وغيروا الكلاكس في الضمان بدون كلام ولا مشاكل