-
فيشة الاوكتان لانوس 2
السلام عليكم
انا عارف ان الموضوع قتل بحثا بس انا قلبت العربية مش لاقي فيشه الاوكتان خالص لا جنب الكمبيوتر و لا تحت الكرسي اللي جنب السواق كل اللي لقيته تحت كرسي السواق الفيشة بتاعت الحزام و لقيت تحت الكرسي اللي جنب السواق فيشه كبيرة وصله في الضفيرة و فيشة تانيه كبيره برضه حوالي 4 -5 سم لونها اورانج مش وصله في حاجه.
انا فعلا تعبت:8954[1]: و تقريبا خلعت الموكيت كله فياريت حد يفيدني. و شكرا.
-
لو شاري عربيتك مستعملة ممكن الي قبلك يكون فاككها خاص اصلاً وكدا تبقي مظبوطة علي 91 اوكتين وممكن كدا تمون 90 او 92 اوكتين براحتك
-
شكرا على سرعة ردك
هو انا فعلا شاريها مستعملة بس على الاقل مش كنت المفروض الاقي الجزي التاني منها اللي راكب في الضفيرة
انا مش لاقي حاجه خالص ولا حتى قطع في الضفيرة
كانهم نسيوا يعملوها
كل اللي لقيته فرده سوده واصله ارضي في جسم العربية تحت الكرسي اللي جنب السواق
-
الفيشه تحت موكيت الكرسى اللى جنب السواق
الفيشه بيضاء 3 طرف ذكر
المفروض يركب فيها فيشه نتايه 3 طرف برضو يكون فيها كوبرى واصل بين أى طرفين من الثلاثه
الفيشه الأولى لازم تكون موجوده لكن ممكن الثانيه تكون متشاله من المالك الأول
-
احتمال الفيشة الي في الضفيرة يكون مخبيها داخل الكمر الي فيه مسامير الكرسي دور عليها بداخله
-
الف شكر
هو انا لسه موصلتلهاش لاني مش عارف اخلع الكرسي
لو حد يعرف الكرسي بيتخلع ازاي ياريت يقول
و شكرا
-
الكرسي مربوط باربع مسامير 12 مم اثنين من الامام واثنين من الخلف بتفكهم الكرسي بحاله هيبقي في ايديك
-
شكرا جدا م/ أحمد عزت
شكرا جدا يا استاذ tarek_2005
انا اسف لو كنت تعبتكوا معايا
هحاول اني افكهم و ربنا يسهل و الاقي الفيشة السحرية دي
-
يا جماعة انا خلاص قربت انتحر
فكيت الكرسي خالص و رفعت الموكيت و بصيت على الضفيرة سليمه مفهاش قطوعات و مفيش فيش خالص لما قربت اتجنن
-
متابع بأهتمام لاني عندي نفس المشكلة
Content Relevant URLs by
vBSEO 3.6.0 PL2