انا عندى ازاز البربريز عايز يتغير فكنت عايز الاعرف لازم اجيب الاوريجينال ولا عادى وهل بتفرق فى حاجة واجيبو منين و بكام و شكرا
عرض للطباعة
انا عندى ازاز البربريز عايز يتغير فكنت عايز الاعرف لازم اجيب الاوريجينال ولا عادى وهل بتفرق فى حاجة واجيبو منين و بكام و شكرا
في 3 حلول..
الحل الاول.. دكتور جريش.. و ده ارخص حاجة هيكون تمنه بتاع 500 جنيه بالكتير.. و بالتركيب.. و افضل مكان تركب عنده هو المصنع في العاشر من رمضان.. و تركيبهم في منتهي النضافة.. و القصة كلها ان الزجاج مهما كان مش ضد الكسر.. يعني ممكن تجيب الاصلي و انت خارج من عند الراجل ياخد طوبة يتكسر..
الحل التاني ممكن تجيبه استيراد. بس مش عارف تمنه هيكون كام.. بس اعتقد في حدود الف جنيه ولا حاجة.. و هتركبه برة.. و ده هيكون اوريجينال تماما..
الحل التالت انك تركبه في التوكيل.. او مركز معتمد.. و سعره مش هيقل عن 4 الاف جنيه..
حضرتك شوف بقي انت ايه ظروفك..
بالمناسبة.. التأمين بيشيل الزجاج.. يعني لو مأمن ممكن تركبه في التوكيل علي حسابهم..