البومة بتجمع السرعة ببطء شديد ايه الحل؟

**boma** · 25-07-2011 06:49 PM

السلام عليكم
الاخوة الخبراء فى البومة
انا معايا بومة اتوماتيك 2006 سبورت كاملة
العربية تجميع السرعه فيها بقى بطىء اوى يعنى من 0 الى 100 ياخدله 20 ثانيه مثلا ويمكن اكثر ومكنتش كده
الميكانيكى قالى غير البوجيهات وانفخ فلتر الهوا
نفخنا فلتر الهواء وغيرت لبوجيهات يابانى ان جى كى ب 45 جنيه
ونفس الموضوع ركبت عربيه اخويا فرنا 1600 ماشاء الله بتجمع بسرعه خرافية تلمس بنزين تلاقى مؤشر السرعه بيطير
انا فى البومة بحط بنزين 92 ومغير البوجيهات والفلتر بتاع الهواء كويس ومغير زيت موبيل اكس اتش بى
هل دى بوجيهات ولا ايه
واجيب بوجيهات نوعها ايه
علما بانى جايب البوجيهات على انها اليابانى زى اللى فى التوكيل .... ويسلام لما تشغل التكييف التجميع بيتقل اكتر ومش بعرف اجرى براحتى وعربيات كتير بتسبق والعربية مكنتش كده
ومش عارف اعمل ايه

**mohammedabdallh** · 25-07-2011 08:00 PM

طب اخبار ايه زيت الفتيس
فلتر البنزين برده
البوجيهات اى نوع بتمشى هى بتفرق بس الفرق مبيكونشى واحض اوى للسواقه العاديه
شوف كدا واحنا معاك
واستنى برده راى الاعضاء

**boma** · 26-07-2011 03:44 PM

زيت الفتيس ممتاز والفتيس مفهوش مشكلة
فلتر البنزين بقاله فترة وطلعته ونظفته

**ahmedsaiad** · 26-07-2011 05:26 PM

والله عندى نفس المشكله لانسر 2007 1600ccمانيوال عملت اللالى ومفيش فايده غيرت فلتر بنزين وفلتر هوا وبوجيهات وجبت منظف رشاشات والله واخر حاجه عملتها غير ت اسطوانه وديسكوالتجميع بطىء جدا واخر لما زهقت سيبتها زى ماهى ولحد دلوقتى مش لاقى المشكله لو حد عنده استفسار يفيدنى واسف للاطاله

**eng.m7md.ali** · 26-07-2011 05:49 PM

السر كله في طلمبة البنزين يامعلم

اي خدمة

**mohamedway** · 26-07-2011 07:31 PM

المشاركة الأصلية كتبت بواسطة eng f3lix

السر كله في طلمبة البنزين يامعلم

اي خدمة

تمام كده و احب أضيف لطلمبة البنزين ان ممكن يكون الشكمان مسدود و بالأخص علبة البيئة

بس قبل دول لازم تتأكد ان سير الكاتينة مضبوط (مش مقدم او مأخر) حتى لو معملتش فيه صيانه قريب ممكن يكون فوت سنة أو اتنين من نفسه كبداية لإنقطاعة فلازم تتأكد منه لأنه لو اتقطع هيدمرلك المكنة.....ولو انت مغيره قريب و العيب ده ظهر بعد تغيير سير الكتينه يبقه أكيد الميكانيكى مركبه مرحل.

**mohammedabdallh** · 26-07-2011 10:57 PM

اتاكد فعلا من الشكمان

**mohamedway** · 27-07-2011 08:01 AM

المشاركة الأصلية كتبت بواسطة ahmedsaiad

طيب ولو علبه البيئه مسدوده اعمل ايه وازاى اتكد ان طلمبه البنزين فيها مشكله اغيرها والا ممكن الميكانيكى يركبلى واحده واجرب ولو المشكله اتحلت يبقى كدا اتاكد انها طلمبه البنزين

سير الكاتينة أولا