ماهى الطريقه السليمة لتغير مياه الرداتير؟؟

**hossam_elwani** · 25-07-2011 07:05 PM

ماهى الطريقه السليمة لتغير مياه الرداتير؟؟

**hossam_elwani** · 26-07-2011 04:33 PM

مفسيش رد ليه ياشباب

**Ashraf_Ibrahim** · 26-07-2011 05:02 PM

اعتقد!
ان العربية يفضل انها تكون باردة لتفادي اي مشاكل مع وش السلندر
بتفك الطبة تفضي المياه كلها من الردياتير
ومن ثم بخرطوم ماء تحطه في فتحة الردياتير عشان تغسله كويسة
ومن ثم لما يفضي ميته كلها تط شوية مياه خضراء تغسل بيهم مكان مياه الحنفية
ومن ثم تقفل الطبة
وتحط مياه في الردياتير نفسه وتحط مياه في الاربة
ومن ثم تشغل العربية وتاخد هواء الردياتير
وتطفيها وتكمل زيادة المياه للمستوى المطلوب
بس كدة

*دا مجرد اجتهاد شخصي على فكرة وفي انتظار تعديلات الاعضاء على كلامي

**dr.hazem** · 26-07-2011 06:28 PM

مش لازم تفك الطبه
انا غيرتها من اسبوع
فكيت الخرطوم الخارج من الخرطوم وداخل عالريداتير
وشغلت العربية وفكيت غطا الريداتير وحطيت خرطوم الميه فيه وفتحته بقوة
ابتدت العربية تسخن وكل ما تعلى الحراره شويه هتلاقي الخرطوم بينزل الميه
هتفضل كده لحد اما المية اللي نازله من الخرطوم ميه صافيه مفيهاش مية خضروبكده انت خرجت كل الميه الخضرا

هنا هتشيل الخرطوم وخلي العربية دايره وهتبتدي تزود مية خضرا لحد اما الخارج يبقى اخضراول متوصل للمرحله دي اقفل الخرطوم خلاص وكمل زياده في الريداتير لحد اما المروحه تشتغل وفنفس الوقت تتأكد ان الريداتير مفيهوش هوا وده عن طريق انك هتفضل تزود وتستنى المروحه تشتغل وتتأكد ان مفيش فقاعات هوا خارجه من فوهة الريداتير واقفل على كده وألف مبروك

ده لو بس هتستبدل الميه

لو عايز تنضف الريداتير نفسه
هتحتاج انك تفك الطبه وتفضي كل الميه وهتقفل الطبه وتجيب مادة فلاش (بتتباع الزجاجه في كارفور ب 6 جنيه) هتفضيها في الريداتير وتملاه ميه عاديه وتدور لمدة تلت ساعه (او الافضل تعملك مشوار حلو كده) ومن ثم هتستنى العربية لما تبرد وترجع تفضي الميه من الطبه وتملاه ميه خضرا

تحياتي