سؤال لكل المدافعين عمن تلقو تدريب في الخارج!!!!!!!!

**Curbis** · 25-07-2011 07:10 PM

طبعا كلنا شفنا ازاي الجيش اتهم بعض النشطاء بتلقي تدريب في صربيا و تمويل أجنبي

في الأول الناس دي قعدت تنفي

لكن بعدما ظهرت الحقيقة وثبت بالدليل اتهام الجيش لهم

وجدنا من يدافع عن هؤلاء بدعوى أن الغاية تبرر الوسيلة

وأنا أوجه لهم السؤال

لنفرض أن مصر أصبحت دولة ديموقراطية

وبعدين ظهر بعض الشيوعيين اللي شايفين ان الديموقراطية نظام فاسد وان الدين افيون الشعوب ويؤمنوا بسيطرة الحزب الواحد

فسافرو للصين عشان يتدربو على اسقاط النظام الديموقراطي الفاسد وتلقو تمويل أجنبي من روسيا

وظهر بعض الوهابيين اللي شايفين ان الديموقراطية كفر وان من تحزب فقد تزندق وان الحكم لله مش للشعب

فسافرو لأفغانستان عشان يتدريو مع بتوع طالبان وتلقوا تمويل من الخليج

وظهر كمان شوية فاشيين بعثيين يؤمنو ان الديموقراطية نظام غربي عميل معادي للقومية العربية

فسافروا سوريا يتدربوا على قلب نظام الحكم و تلقو تمويل من القذافي

وظهر بعض الشيعة يؤمنو بولاية الفقيه سافروا لبنان يتدربو على ايد حزب الله وتلقو تمويل من ايران إلى آخره

ساعتها بقى دول هيبقو وطنيين ولا عملاء؟؟؟؟؟؟؟؟

**تامر.محمد** · 25-07-2011 07:23 PM

هممممممممم , معنى كلامك ده ان انقلاب يوليو كان فاسد في حد ذاته لأنه انقلب على شرعية الملك

**Curbis** · 25-07-2011 07:40 PM

المشاركة الأصلية كتبت بواسطة تامر.محمد

هممممممممم , معنى كلامك ده ان انقلاب يوليو كان فاسد في حد ذاته لأنه انقلب على شرعية الملك

لو ثبت تلقي الضباط الأحرار أموال أو تدريب عشان يقلبو نظام الحكم يبقى لازم أشكك في وطنيتهم

ايه الغريب في كده؟

**Curbis** · 25-07-2011 07:44 PM

المشاركة الأصلية كتبت بواسطة aminibrahim

مممممممممممممممممم مش فاهم

السؤال ببساطة هل انت موافق على مبدأ (تلقي أموال أو تدريب في الخارج) عشان تغير نظام الحكم؟

هل تعتبرهم عملاء أم وطنيين

الإمام البنا عرض عليه الإنجليز مساعدات مالية و رفضها... و كان أحد أنصار البنا قال له: ((لماذا لا تأخذ منهم المال لنستخدمها ضدهم)) فرد: ((اليد التي تمتد ترتد))

**Abo_Lina** · 25-07-2011 07:45 PM

بس ٦ أبريل مع إحترامي لكلامك ماقالتش إن الديموقراطية نظام فاسد أو كفر ،،
كل اللي بتطالب بيه ٦ أبريل بيطالب بيه الشعب ،، إن شاء الله يكونوا اتدربوا في تنجانيقا ،
و بعدين هو لو جه أجانب يدرسوا الثورة المصرية عن قرب يبقى كده احنا بندرب الناس إزاي يعملوا إنقلابات ? ههههه كلام فارغ و الأيام الجاية هاتثبت إنه هجايص ..
يعني هو المجلس العسكري كان عارف إنهم بيتدربوا و بياخدوا ملايين ، و ماتحركش إلا لما راحو يتظاهروا عنده .. ده كلام غريب جدا

**Curbis** · 25-07-2011 07:59 PM

المشاركة الأصلية كتبت بواسطة tyler_durden

كل اللي بتطالب بيه ٦ أبريل بيطالب بيه الشعب ،، إن شاء الله يكونوا اتدربوا في تنجانيقا ،
و بعدين هو لو جه أجانب يدرسوا الثورة المصرية عن قرب يبقى كده احنا بندرب الناس إزاي يعملوا إنقلابات ?

طيب في كتير قوي في مصر وأعرف ناس منهم شايفين ان الديموقراطية والليبرالية والرأسمالية الغربية ليست الطريقة الأمثل للحكم في مصر

فهل سترضى انهم ياخدو تمويل من الخليج ويسقطو النظام الديموقراطي؟

**Abo_Lina** · 25-07-2011 08:05 PM

المشاركة الأصلية كتبت بواسطة curbis

طيب في كتير قوي في مصر وأعرف ناس منهم شايفين ان الديموقراطية والليبرالية والرأسمالية الغربية ليست الطريقة الأمثل للحكم في مصر

فهل سترضى انهم ياخدو تمويل من الخليج ويسقطو النظام الديموقراطي؟

لو إتحد معاهم الشعب و طالب بنفس مطالبهم أه خلاص
بس أنت بتبني مناقشتك على فرضية ماحصلتش أصلا .. لما يبقوا يطالبوا بحاجة وحشة نبقى نتكلم .. لكن كل مطالب 6 أبريل هي نفسها مطالب أغلب الشعب

**aly_hosny** · 25-07-2011 08:06 PM

في فرق بين تلقو اموال و تدريب
و بين انهم شايفين نموذج للتغير السلمي سعو اليه
حضرتك لو شفت البرنامج بتاع احمد منصور لما استضاف على كذا حلقة واحد من شباب 6 ابريل هتلاقيه قايل الكلام دا
وقايل انهم مكانوش مخططين ان المظاهرات بتاعة 25 يناير تبقى بالحجم دا و كانو مخططين لمظاهرات بعديها لحد ما جمال يمسك يعلنو العصيان المدني و يعتصمو في احد الميادين "مصطفى محمود تقريبا"

لازم نفرق بين ال اتدرب و بين ال شاف نموذج و حب يدرسه كويس

**dreslam** · 25-07-2011 08:08 PM

طب هوا مش احنا مهريين من الخارج فلوس عشان اتفاقيه السلام مع اسرائيل ولا ايه....
بصوا من الاخر ما حدش يكتب حاجه الا بدليل والا يبقى حرام لان رمي الناس بالباطل عمال على بطال وفي الوقت ده بالذات " عشان خاطر اجندات داخليه معينه" حرام
وممكن اللي بيرمي حد بطوبه تيجي في وشه ...ماشي الكلام

-

الموضوع: سؤال لكل المدافعين عمن تلقو تدريب في الخارج!!!!!!!!

LinkBack

أدوات الموضوع

عرض

-

-

-

المواضيع المتشابهه

سؤال للمغتربين، هل الغربة تستحق؟ وليه المصريين مش حلوين مع بعض في الخارج؟

سؤال هام جدا عن طريقة شراء سيارة من الخارج

سؤال عن الشحن من الخارج

سؤال للمحافظة على العربية من الداخل ومن الخارج

سؤال عن طريقة إدخال عربية من الخارج

الكلمات الدلالية لهذا الموضوع

المفضلات

المفضلات

ضوابط المشاركة