ايه الحل في الناس الشلق دي

**kar!m** · 26-07-2011 11:18 AM

أولا تتصلى بجيرانكم و تتجمعوا و تنزلوا برابطة المعلم .. كل الأسر المتضررة من الموضوع ده و تروحوا تكلموهم و تقولولهم الكلام ده مينفعش .. و لازم نوصل لحل .. و اشتغلوا جوه محلكم بس .. و الشارع ملك للكل و كده .. أو يخصصوا جزء من الشارع لحاجاتهم بس .. و الباقى لبقية السكان.

و الله الناس سمعوا الكلام يبقى خير و بركة .. مسمعوش يبقى أكيد فى حل تانى بس أنا معرفوش .. بس نبدأ بالذوق الأول .. و من جميع السكان عشان يحسوا ان الموضوع مضايق ناس كتير و فى نفس الوقت يخافوا لما يلاقوا ناس كتير متضررة من الموضوع.

**waleedraafat** · 26-07-2011 11:35 AM

حاليا ، الايد الي ما تعرفش تعضها بوسها

او ، اذا كنت في روما افعل كما يفعل الرومان

يعني من الاخر ، اشتري تكتك وانزل صلحه عندهم لحد ما الشرطة ترضي عنا وترجع تشتغل تاني

**magid1010** · 26-07-2011 12:23 PM

المشاركة الأصلية كتبت بواسطة waleedraafat

حاليا ، الايد الي ما تعرفش تعضها بوسها

او ، اذا كنت في روما افعل كما يفعل الرومان

يعني من الاخر ، اشتري تكتك وانزل صلحه عندهم لحد ما الشرطة ترضي عنا وترجع تشتغل تاني

ههههههههههههه جامده موت الحكايه دى خلاص انا حروح ااجر عربيتى للمحل ابن التيتتتتتتتتت اللى جنبنا

**أبو إياد** · 26-07-2011 12:35 PM

قال النبي صلى الله عليه وسلم
"الْمُسْلِمُ إِذَا كَانَ مُخَالِطًا النَّاسَ وَيَصْبِرُ عَلَى أَذَاهُمْ خَيْرٌ مِن الْمُسْلِمِ الَّذِي لَا يُخَالِطُ النَّاسَ وَلَا يَصْبِرُ عَلَى أَذَاهُمْ"

الاستعانة – بعد الله تعالى – بشفاعة أو تدخل إمام المسجد ليذكره بأسلوب مناسب ويمنعهم من الاذى على الناس وممكن يتقبلوا منه لان فى الظروف الحاليه للاسف البقاء للبلطجه وقله الادب

**RED_OCTOBER_IV** · 26-07-2011 03:01 PM

انا شايف ان حضرتك تتجنبيهم قدر المستطاع وتحاولى تعزلى الصوت داخل المنزل
والمثل بيقول ..اصبر على جارك : يا يـــ يا تجيله

**نور القمر** · 26-07-2011 04:47 PM

متشكرة للجميع
بالنسبة لنا مفيش اي احتكاك بيهم لاننا عارفين اخلاقهم من زمان لما كانوا ساكنين في نفس العمارة مكنش حد من جيرانهم بيسلم من لسانهم
وموضوع واسطة في الجيش او الشرطة مش عايزاه لاني مبحبش احمل نفسي جمايل او حد ينفض لي فيسبب توتر في العلاقات العائلية
اما اننا نلم بعض ونتكلم بالحسنى فده حصل بالفعل من الجيران الكبار في السن والكل بيحترمهم ومفيش فايدة
لدرجة ان واحد منهم كبير ومريض جدا ومش مستحمل صوت دوشة السيكل والمتوسيكلات قلبت بخناقة
كنت اتمنى لو الاقي اجراء قانوني زي شكوى في جهة رقابية مثلا خاصة بتراخيص المحلات دي او الورش
حاليا معنديش غير اصبر على جار السوء

**aly_hosny** · 26-07-2011 06:33 PM

المشاركة الأصلية كتبت بواسطة نور القمر

متشكرة للجميع
بالنسبة لنا مفيش اي احتكاك بيهم لاننا عارفين اخلاقهم من زمان لما كانوا ساكنين في نفس العمارة مكنش حد من جيرانهم بيسلم من لسانهم
وموضوع واسطة في الجيش او الشرطة مش عايزاه لاني مبحبش احمل نفسي جمايل او حد ينفض لي فيسبب توتر في العلاقات العائلية
اما اننا نلم بعض ونتكلم بالحسنى فده حصل بالفعل من الجيران الكبار في السن والكل بيحترمهم ومفيش فايدة
لدرجة ان واحد منهم كبير ومريض جدا ومش مستحمل صوت دوشة السيكل والمتوسيكلات قلبت بخناقة
كنت اتمنى لو الاقي اجراء قانوني زي شكوى في جهة رقابية مثلا خاصة بتراخيص المحلات دي او الورش
حاليا معنديش غير اصبر على جار السوء

بتهيالي الموضوع مش هيخلص من غير واسطة
في رمسيس البياعين ملو الشارع و من كتر ما الداخلية سايباهم دلوقتي بقو يطلعو بالبضاعة بتاعتهم بعد العصر يسدو حارة من الشارع عشان الشمس
ميتهياليش محدش من المجلس العسكري او وزير الداخلية معداش قبل كدا و شافهم