الموضوع: هاوى جديد وعاوز النصيحة فى الكاميرا

المشاركة الأصلية كتبت بواسطة gebreel

نصيحة خليك في الكانون و هحاول ادورلك على فيديو كان بيتكلم على السينسورز بتاعة الكانون و العدسات بتاعتها و اجيبهولك

انا فى الانتظار :)

المشاركة الأصلية كتبت بواسطة E_Farid

السلام عليكم،
موضوع الكاميرا ده ممكن يكون محير في حاله واحده بس، وهي انك تكون بتحب التصوير، مش عايز حاجه تحتفظ بيها ببعض الذكريات وخلاص.

أنا هتكلم بإفتراض انك بتحب الهواية دي، وعايز كاميرا سعرها معقول وفي نفس الوقت تديلك امكانيات وقدره انك تخرج بمشهد جمالي، مش مجرد صورة بتصورها وخلاص.

وعن تجربة في الحكاية دي، ابعد عن الكوداك والسامسونج ومثيلاتهم، لأن أغلبها مش مناسب لواحد عنده الهواية،

عامة فيه حوالي سبع شركات مشهورة في مجال التصوير وغالبا الهواه أو المحترفين بيختاروا منهم،
الشركات دي هي:
Canon, Nikon, Pentax, Sony, Olympus, Fuji, Panasonic

المحترفين عامة اختياراتهم بتكون بين ال Canon, Nikon وأغلب الصراع الرئيسي في السوق بين الشركتين دول.

فيه بقى فئتين ممكن يكونوا مناسبين لطلبك،
الاولى بيسموها Bridge أو semi-pro ودي بيكون فيها تحكم يدوي نوعا ما في الإعدادت مع امكانية التصوير بالإعدادات التلقائية،
بدأت من فترة تحتوي على زووم بصري قوي وذلك لتعويض صغر حجم السينسور الخاص بالكاميرا.

مميزات هذه الفئة هي السعر والجودة المقبولة لكثير من الإستخدامات اليومية مع سهولة الإستخدام والمتعة في وجود زووم بصري قوي.
بالإضافة الى تصوير الفيديو عالي الجودة.

عيوبها، أن جودة الصورة بحجمها الكامل ليست مرضيه، خاصة لو أنك تبحث عن تفاصيل دقيقة أو طباعة على حجم كبير من الورق أكبر من A3

أما الكاميرات الإحترافية، فهي تفتح لك المجال لعالم التصوير الحقيقي، لكن العيب الأساسي لهذه الفئة هو السعر والحاجه لتعلم أساسيات التصوير فعلا حتى تستطيع الخروج بصورة جمالية وذات جوده عالية.

وعلى الرغم ان سعر 3500 قد يدخلك الى عالم الكاميرات الإحترافية بكاميرا مستعمله مثلا، الا أنك ستجد نفسك محدود بزووم 3X فقط تقريبا، واذا رغبت في تغيير العدسة فستحتاج الى حوالي 1000 جنيه تقريبا كحد أدنى للتطوير،
كما انك في هذه الميزانية في الغالب لن تستطيع الحصول على كاميرا احترافية بها امكانية تسجيل الفيديو، وهذه أيضا نقطة أخرى..

بالتوفيق..

حلو قوى حضرتك الكلام دة

هو مبدأيا، انا مليش هوايات، بس لما شفت التصوير، والصور اللى بتطلع، عجبتنى الفكرة واتشديت ليها

فأعتبرنى تلميذ ولسة بيتعلم أ ب تصوير

وانا بفكر فى الـ Semi-pro، لأنها كويسة فى السعر، وملهاش مصاريف كتير زى الكاميرات الاحترافية بالأضافة انها هتكون هواية ان شاء الله (ولا انا غلطان)

هو اكيد انا مش هطبع صور اكبر من a3 ولا حتى a4 (على الاقل وانا لسة فى البداية)

فاالدقة الكبيرة دى مش هتفدنى فى الاول (على ما اعتقد يعنى)