قطع غيار بروتون ساجا اخر الاكتشفات

**SALAHHAKIM** · 26-07-2011 01:43 AM

السلام عليكم
فلتر الزيت بروتون ساجا = لانسر
فلتر بنزين بروتون = فلتر لانوس
تيل فرامل امامي بروتون = افيو
كل دة قديم
الجديد
الاسطوانة والديسك والبلية وسير الكاتينة في الساجا = الجين تو
لو اكتشفت حاجة تاني حقول علي طول
صلاح حكيم
0101570898 لو حد احتاج يعرف حاجة
السلام عليكو

**Nistelrooy** · 26-07-2011 01:55 AM

وعليكم السلام ورحمة الله وبركاته

تمام :)

**VWvsBMW** · 26-07-2011 02:00 AM

وفيه موضوع كمان يا استاذ صلاح طبعا بعد طول الغيبة انه محل المدينة توفرت لديه الفلاتر والسيور والتيل الأصلي بتاعها كمان يا فندم .. حضرتك مختفي فين يا فندم والله بقالنا فترة بندور عليك كأحد عمالقة الساجا المختفيين .

**SALAHHAKIM** · 26-07-2011 02:12 AM

الف شكر علي الاهتمام
نسيت اكتب سعر الاسطوانة والديسك والبلية وسير الكاتينة كلهم صناعه ياباني بـ680 جنية
والتيل الامامي الافضل علي الاطلاق هو افيو جي ام سعر 185 جنية
وشكر ا ان حد فاكرني اصلاُ

**sayed911** · 26-07-2011 02:50 AM

لا طبعا يا استاذ صلاح والله لو دورت في اي موضوع للساجا في القسم كنا بنحب عن حضرتك خصوصا في الجروب بتاع الساجا بالذات .. + خيرا يا فندم ؟ وبالفعل زي ما قال الزميل VWvsBMW محل المدينة نزل بضاعة للساجا موجودة في شارع دمشق يا فندم ولكن اللي عايزين نوصله بقى هل التيل بتاع الأفيو ممكن يكون ذو خامة مش مناسبة على الطنابير ولا مفيش خوف منه ؟

**mememsaid** · 26-07-2011 02:09 PM

صلاح
هل هلالك شهر مبارك
هو انت بتيجي مع رمضان ولا ايه
وحشني والله كتير ومفتقدين اسهاماتك

**vsaga** · 27-07-2011 03:23 PM

الاريال ضاع وسالت عليه فى التوكيل سعره 320 جنيه بالقاعدة محدش يعرف الاقيه فين غير التوكيل لان مش هادفع 320 جنيه فى اريال

**walids** · 27-07-2011 06:37 PM

هل شراء تيل الفرامل من بره و تركيبه ف التوكيل . بيطلع العربيه من الضمان ؟ لأني كنت سمعت حاجه زي كده والله اعلم ؟ و التيل صناعه ايه ؟ كوري ولا ايه

**MEGAREKAB** · 27-07-2011 11:51 PM

لا طبعا ماتشتريهوش بـــــ 320 جم ...

إنت هتشتريه بــــ 20 جم بس...
من أى محل إكسسوارات....

لإن الايريال بتاعنا هو نفسه إيريال اللانسر ....

قولى إنت ساكن فين بالظبط ويستحسن لو تعرف حد قريب منك معاه ساجا تاخد منه الايريال بتاعه ساعة سلف على ماتشتريه عشان تاخده معاك للمحل تشترى زيه بالظبط ....

لو إنت فى إسكندريه أنا تحت أمرك فى الايريال بتاع ساجتى والعربية كلها لو حبيت...

أستاذ صلاح .... وحشنا كلامك ياباشا ومساعداتك الغاليه لكل الناس هنا.....

ماتحرمناش من طلتك علينا.... ناس كتير جدا بيسألونى عليك بإستمرار

**SALAHHAKIM** · 29-07-2011 03:09 AM

السلام عليكم
تيل فرامل الافيو ماركة جي ام بـ185 لحد 200 جنية الاصلي من توكيل شيفرولية
في تيل تاني كنت مجربة اسمة جولد بـ 75 جنية
بصراحة جيد توقف ممتاز ومفيش صفارة انما بعد فترة الطنابير اتعوجت قوم اية انا خرطت الطنابير وركبت التيل الاصلي بتاع الافيو
وبالنسبة للضمان ضمان الفرامل كلها 20 الف كم وانا الحمد لله داخل علي 70 الف كم يعني تمام
اكتشاف علي الماشي
الفرامل لما بنضغط عليا الانوار والاستوب بتنور الحكاية دي لاحظت انها بتعلق مرة تنور ومرة لا قوم اية اقعد ادعبس لحد لما عرفت السبب المكنة او اسمه صباع الاستوب ودة راكب علي البدال الفرامل هو السبب طبعا روحت فاكة وحاولت اصلحة لكن للاسف قوم اية نزلت دمشق وعملت القصة القديمة بتاعة اللف والدوران لحد لما اشتريتة طلع بتاع عربية اية ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟
رينو كليو ب40
والسلام ختام
مفيش اجتماع قريب

الموضوع: قطع غيار بروتون ساجا اخر الاكتشفات

LinkBack

أدوات الموضوع

عرض

قطع غيار بروتون ساجا اخر الاكتشفات - انشر الموضوع فى :

-

-

-

-

-

-

المواضيع المتشابهه

قطع غيار بروتون ساجا والبدائل (افضل سيارة في مصر تحت سعر 80 الف)

حصري جدا معظم قطع غيار بروتون ساجا موجوده خارج التوكيل و كمان انصاص استيراد للسياره

قطع غيار بروتون ساجا عن تجربه فعلا ارخص قطع غيار فى مصر

بروتون ساجا

الكلمات الدلالية لهذا الموضوع

المفضلات

المفضلات

ضوابط المشاركة