يا تلحقوني يا هاولع في العربيه :(

:angry26:

السلام عليكم

باختصار ياجماعه عشان ماكررش كلام كتير

بعد ما عملت عمره عند واحد ....-/-* :angry26:

العربيه من سيء لأسوء بسرعه الصاروخ

اول حاجه مافيش سحب اطلاقا ولا عزم ولا اي حاجه

العربيه بتجمع بعد عمر طويل

تاني حاجه فيه تنتيشه على اول الغيارات

تالت حاجه فيه صوت تنفيش من الشكمان كأني راكب جرار مفوت

غيرت البوجيهات و ففلتر البنزين و كان مسدود و متوسخ عشان تقريبا الجركن اللي جبت فيه بنزين التليين كان وسخ ولا فيه زيت

المهم العربيه رجعت زي الأول بالظبط لمده مشوار واحد 600 متر مثلا و بعدين طفيت و شغلت بقت زي الزفت تاني

رحت عند واحد ... :angry26: المهم غيرت الموبينه عشان كان فيها ملف مفوت و الشكمان

و اجرب الاقي العربيه متبرجله على السلانسيه
اجي امشي بيها الاقيها مش بتسحب لا دي كلمه سحب ديه حلم بعيييييييييييد جدا
و عايزه تطفي و مش قادره تطلع مطلع تافه بكتيره زاويه 30 درجه
و مؤشر الحراره ميت على الأرض مش شغال

حد يقولي على ميكانيكي كويس يكون في جسر السويس او اي تفريع منه, يا تشترو العربيه خرده لو حبيتو.

عربيتي لانوس 2005 عامله 86000 كم

ربنا يرزقك بميكانيكي وكهربائي ولاد حلال ويكونو بيفهمو ويرجعوهالك احسن من الاول

ياااااااه فكرتني بالذي مضي كنت اخش بالعربيه القردة بتدور مارش عند الميكانيكي تطلع من عنده بتدور زق ويسلام لما رحت لواحد تاني اغير جوان وش سلندر ياسلام بعدها سرعتها لا تزيد عن 30 والكلام ده كان بالليل رجعتله كان قفل بعدها اشتريت عدة واتعلمت فيها بما يرضي الله واتعلمت صح الصح مع نفسي علشان دول صنايعية في اخد الفلوس واعطاء الزبون هواء

مش هقدر افيدك في ميكانيكي كويس لاني مش من القاهرة
بس سؤال معلش .. عمرة اية اللي بعد 86000 ؟

الكرنك كان مبوش خالص بعد ما اتاكل من الأحتكاك مع الهلال

طب انا عندى حل احسن

بدل المصاريف اللى حتتصرف سقط مكنة تانية و حتريح دماغك م العك ده كلو

شرا العبد ولا تربيته الكوري استهلاكي فعلا سقط لها مكنة بالضمان وحافظ عليها تحافظ عليك

القصه ما بقتش في الماتور , انا مش عارف البنزين ولا التوصيلات و لا الفلاتر ولا ايه

متروحش يا باشا لميكانيكي
تروح لمركز خدمة او التوكيل لان عندهم ميكانيكيه وكهربائيين................. هما بقي هياخدوا منك العربيه علي حالتها ويفحصوها كلها ويقولك دي عاوزه ايه بالظبط

روح لمحمد عبده
هو صحيح فى الهرم بس ده اتعاملنا معاه كلنا ومضمون
انا من سكان جسر السويس واعرف ميكانيكى هناك بس عبده اضمن

في ميكانيكي اثق فيه في ميدان المطرية لو اردت تفاصيل عنه راسلني علي الخاص

فى خالد فى صقر قريش المعادى

احتمال يكون من تقسيمة الكاتينة. محتاج ميكانيكي كويس يراجع لك عليها. فيه واحد شاطر اوي ونضيف بتعامل معاه في شارع متحف المطرية جنب مركز شباب متحف المطرية اسمه سامح وده تليفونه 0109801681 بإذن الله هيكون عنده الخلاصة. مشكورا قول له انك من طرف محمد اللي معاه الفورد اسكورت الزيتي. وربنا يوفقك

تقسيمة الكتينة ------اللى انت بتقولة دة يعنى تقسية الكتينة مش مضبوطة ( علشان حصلت معايا )
بس لو مشيت كتير بالعربية مزن غير متظبتها هاتخرب الموتور تماما

شكرا يا رجاله غلى الردود هاروح متحف المطريه الأول و اجرب
يا ريت يكون ده الحل

في واحد كمان محترم فى الماظه وده ثقه
بعد السوبر جيت لوعاوزه ياباشا كلمنى اظبتك معاه

شكرا يا رجاله (شكر خاص mido51eg )
الحمد لله العربيه اتظبطت تقريبا رجعت زي ما كانت
كانت مشكله حساسات مش واصله و غيرت بوجيهات و كابلاتها

مبروك يا bleeder ربنا يبارك لك في عربيتك ويكفيك شرها وقرفها حاكم انا عارف لما العربية بتبقى مش مظبوطة بتعكنن على الواحد قد ايه. السؤال صلحتها عند مين ؟

شكرا يا باشا على اهتمامك صلحتها عند سامح اللي في متحف المطريه

احتمال يكون من تقسيمة الكاتينة. محتاج ميكانيكي كويس يراجع لك عليها. فيه واحد شاطر اوي ونضيف بتعامل معاه في شارع متحف المطرية جنب مركز شباب متحف المطرية اسمه سامح وده تليفونه 0109801681 بإذن الله هيكون عنده الخلاصة. مشكورا قول له انك من طرف محمد اللي معاه الفورد اسكورت الزيتي. وربنا يوفقك

اقتباس:

---

المشاركة الأصلية كتبت بواسطة osama.m

.. عمرة اية اللي بعد 86000 ؟

---

11111111111111111

مبروك

ربنا يحفظها لك و نصيحة : بلاش تروح عند صنايعية الا لما تتأكد انهم كويسين علشان فى حمير كتييييييييييييييير جدا