الموضوع: مقارنة بين نيسان قاشقاي ورينو داستر

المشاركة الأصلية كتبت بواسطة y2y1500

مع حضرتك كلامك مزبوط
بس ايه اللى يجبرنى على ركوب وشراء عربية وانا وحظى بقى معاملة ما بين عيوب ولا ضمان ولا معاملة سيئة فى خدمات ما بعد البيع او غيرها
مش كل يوم الواحد بيشترى عربية زيرو ولازم اشترى حاجة سمعتها كويسة
وبعدين انا شايف ان العربية دى زى اللى رايح يتقدم لواحدة بالزبط لازم تكون سمعتها كويسة وبنت ناس طيبين وبنت حلال مش حاجة تانية لا سمح الله

طب وانت ايه اللى خلاك تشترى النيسان وهى فيها عيب يودى فى داهيه وهو ضفيرة الكهرباء رغم انه مش بيظهر فى كل العربيات بس عيب يقلق فعلا وانت ونصيبك
يعنى لو واحد مكنشى بيعمل صياناته الدوريه فى التوكيل يبقى بره الضمان من اول 3 او 4 شهور وحيلبس فى الحيطه فعلا
وعلى فكره مين اللى قالك ان توكيل رينو معامله سيئه ولا ضمان ولا خدمات ما بعد البييع انت فاهم غلط او ماتعملتش معاهم او حد حكالك موقف فردى ممكن يقابله مع اى توكيل فى الدنيا

انا لو امامى الاختيارين حاشترى النيسان قشقاى رغم انى معايا اللوجان ومرتاح فيها جدا الحمد لله بس القشقاى انا رائى انها احلا من الداستر خصوصا انى مش حاطلع بيها فى الصحرا فعلا
وانا قولت كده لصاحب الموضوع

ياجماعه لام نبطلع خصلة الاهلى والزمالك فى العربيات دية
مش معنى ان انا معايا رينو لوجان يبقى خلاص اى مقارنه اقول رينو واذم واغلط فى العربيه التانيه وفى توكيلها
فيه ناس بتقارن الاوكتافيا بالفلوينس وبقولهم رائى ان اوكتافيا كسر زيرو افضل من الفلوينس زيرو رغم انى معايا رينو ومبسوط بيها و الحمد لله

لازم نبقى واقعيين شويه وننصح الناس بمايرضى الله مش علشان انا ممتلك لسياره تبع ماركه معينه ابقى باتكلم علياه كانها مراتى او بنتى
لان النصيحه دية ربنا حيحاسبك عليها يوم القيامه فمفيش داعى نضلل حد ونسواء سمعة توكيل محترم اعتقد الغالييه وليس الكل بيشكر فيه
احنا بندور على حاجه نعمل بيها خناقه على الفاضى

وربنا يبارك لنا كلنا فى عربيتنا

واخيرا لصاحب الموضوع انا لو مكانك اشترى القشقاى لانها افخم واشيك ويابانى مش رومانى والكلام ده لو الدفع الرباعى حاجه ثانويه بالنسبه ليك بس خد بالك من فرق السعربين العربيتين

ومش عاوزك تزعل منى استاذ y2y1500 بس انا بوضح وجهة نظرى لانى شايفك بتهاجم التوكيل بدون مبرر لمجرد تجربه سيئه مع حد من اصحابك وتحياتى ليك وكل سنه وحضرتك طيب