الموضوع: اللواء الرويني يقول علي الثورة والشهداء تمثيلية

شاهدت بعيني هذا الرويني اثناء فتره الأعتصام ( الـ16 يوم قبل تنحي المخلوع) وبالتحديد يوم 5 فبراير 2011 وهو يحاول فض الميدان بأي شكل وصعد الى أحد المنابر في التحرير (المنبر الملاصق لمطعم هارديز) وكان هذا كلامه بالنص ويحاسبني عليه الله ويغفر لي ان نسيت بعض الكلام

وسط تهليل المتظاهرين الجيش والشعب ايد واحدة

اللواء الرويني : يا شباب 25 ابريل
المتظاهرين : ينايرررررررررررررررر

اللواء الرويني : يا شباب 25 يناير البلد تمر بفتره عصيبة والشرق الأوسط دلوقتي عامل زي الخرشوفه اوراقه كلها اتقطعت (اشاره لثورات الربيع العربي) ومش فاضل غير النواه ... مصرررر

المتظاهرين : .... نظره استغراب من تشبية الخرشوفه العجيب (وهو ما ينم عن سطحية التفكير لدى أحد قادة الجيش المصري)

اللواء الرويني : يا شباب الموظفين في مجمع التحرير لسه لحد دلوقتي مقبضوش مرتبات شهر يناير وانتو معطلينهم

المتظاهرين : واحنا عاطلين عن العمل ومش لاقيين اصلا وظائف

اللواء الرويني : يا شباب رسالتكم وصلت ويجب فض الميدان حتى لا تنهار البلد
المتظاهرين : هو يمشي ... مش هانمشي ... هو يمشي ... مش هانمشي

وطبعا احس الرويني ان الشباب مصممين على الصمود وعلى تنحي مبارك بل وبدأ المتظاهرين في محاولة طرده او اسكاته عن الكلام ... وغادر الرويني سريعا ميدان التحرير

انتهت شهادتي

كيف يريد هذا المجلس العسكري ان يقنعنا الآن انه هو من حمى الثورة ولولاه لما تنحى المخلوع ... ؟؟؟؟

وهذا هو فيديو الحدث التي اذاعته قناة الجزيرة لكن للأسف الكلام مكنش واضح لأن غالبا مكنش عندهم علم بزيارته للميدان فتم التصوير عن بُعد

[youtube]http://www.youtube.com/watch?v=xjsRUAPyzaQ[/youtube]

أيلى عاوز يشوف موقف الجيش بالتفصيل من أيام الثوره يشوف الموضوع ده

ط.طھظٹ ظ„ط§ ظٹظ‚ط§ظ„ ظٹظˆظ…ط§ً ط£ظ† ط§ظ„ط¬ظٹط´ ط.ظ…ظٹ ط§ظ„ط«ظˆط±ط© ، ظپط§ظ„ط«ظˆط±ط© ظ„ظ‡ط§ ط±ط¨ ظˆط´ط¹ط¨ ظٹط.ظ…ظٹظ‡ط§: ط§ظ„ط¬ط²ط، ط§ظ„ط£ظˆظ„ : ط§ظ„ظ‚ظˆط§طھ ط§ظ„ظ…ط³ظ„ط.ط© طھط.ط§ط±ط¨ ط§ظ„ط«ظˆط±ط© ط§ظ„ظ…طµط±ظٹط© ظٹظˆظ… ط¨ظٹظˆظ…

المشاركة الأصلية كتبت بواسطة skybird

تقدر تقول عملية انقلاب متفق عليها
او كما يقول السياسيون ان اللي عملو المجلسرالعسكري هو انقلاب على راس النظام للحفاظ على كل النظام
ويمكرون ويمكر الله والله خير الماكرين

بالظبط

طب مهو المجلس العسكرى ده اللى كان فى غرفه العمليات مع مبارك وجابوه فى التافزيون المصرى وهما قاعدين مع بعض عشان يوريك ان الجيش ومبارك ايد واحده والامر تحت السيطره

بس هو المجلس العسكرى لقا الدنيا حتولع بسبب مبارك وساعتها الجيش هو اللى حيتدبس فى حرب قال لمبارك اقعد انت فى شرم واحنا حنخلص الموضوع وكفايه عليك كده انت كبرت وصاحب مرض وعندك عيال هههههههههههههههههه

انا منكرش ان كان عندى امل فى المجلس العسكرى اول ما مسك الحكم بنسبه 50% لكن الامل ده راح بعد رفضه لمحاكمه مبارك والقبض على الفاسدين اللى محصلش غير بالضغط ومظاهرات التحرير والدنيا ولعت تانى

الى ان حصل المراد وتمت التفرقه بسبب الاستفتاء الملعون

المجلس العسكري قلب على مبارك عشان جمال
ومستحيل انه هيسلم السلطة لرئيس منتخب
ابقوا قابلونى :( :((

سؤال واحد بس لأي حد بينكر ان الجيش حمى الثورة

هل الجيش مش قادر ينهي على اللي في الميدان - في ساعة زمن او ساعة وربع بالكتير؟؟

لو قلت قادر - يبقى الجيش حمى الثورة وحافظ على دماء ابناء مصر لانه جيش وطني وماعملش زي جيش سوريا او ليبيا او اليمن مع انه كان قادر.

لو قلت مش قادر - يبقى قصدك ما يقدرش - وبالتالي يبقى انت بتحتمى في البوارج الامريكيه اللي موجوده في بور سعيد ويبقى ما كدبناش لما قلنا 6 ابريل عميلة

في حاجة تالتة؟ اه في


الجيش مايقدرش لان حاملات الطائرات الامريكية هتتدخل اول ما يضرب طلقه واحدة مع اننا هنجر شكله ونروح نشتمه في بيته ولازم يمشي ويمسك مجلس رئاسي - غير منتخب - ومع زلك احنا وطنيين ومش خونة.

ده كلام يا جدعان.......

الحل بقى للحاجة التالته دي : نكبر كبيرنا ونخلي الجيش مكانه ونقضيها الشعب والاهالي من ناحية واللي اختار التالته في ناحية ... وده اللي حصل في العباسيه وهيحصل في اي يوم الشعب هيلاقي تعدى عالجيش . مع اننا لا نرجوا دلك مش عشان 6 ابريل لأ .. عشان ما يتعورش صباع واحد طاهر نازل يدافع عن بلده. وهنحمي مصر بفضل الله.

لولا المجلس العسكري كان زمان مبارك إتعدم من زمان
المجلس العسكري لو كان حمى الثورة قيراط
فهو حمى مبارك ٢٤
بصراحة أنا لو مبارك هابقى مدين بالشكر للمجلس العسكري اللي رحمني من مصير شاوشيسكو

المشاركة الأصلية كتبت بواسطة ashraf_msd

سؤال واحد بس لأي حد بينكر ان الجيش حمى الثورة

هل الجيش مش قادر ينهي على اللي في الميدان - في ساعة زمن او ساعة وربع بالكتير؟؟

لو قلت قادر - يبقى الجيش حمى الثورة وحافظ على دماء ابناء مصر لانه جيش وطني وماعملش زي جيش سوريا او ليبيا او اليمن مع انه كان قادر.

لو قلت مش قادر - يبقى قصدك ما يقدرش - وبالتالي يبقى انت بتحتمى في البوارج الامريكيه اللي موجوده في بور سعيد ويبقى ما كدبناش لما قلنا 6 ابريل عميلة

في حاجة تالتة؟ اه في


الجيش مايقدرش لان حاملات الطائرات الامريكية هتتدخل اول ما يضرب طلقه واحدة مع اننا هنجر شكله ونروح نشتمه في بيته ولازم يمشي ويمسك مجلس رئاسي - غير منتخب - ومع زلك احنا وطنيين ومش خونة.

ده كلام يا جدعان.......

الحل بقى للحاجة التالته دي : نكبر كبيرنا ونخلي الجيش مكانه ونقضيها الشعب والاهالي من ناحية واللي اختار التالته في ناحية ... وده اللي حصل في العباسيه وهيحصل في اي يوم الشعب هيلاقي تعدى عالجيش . مع اننا لا نرجوا دلك مش عشان 6 ابريل لأ .. عشان ما يتعورش صباع واحد طاهر نازل يدافع عن بلده. وهنحمي مصر بفضل الله.

ميقدرش
لانه لو محى اللى فى الميدان هينزل أضعافهم للميدان
وياريت بلاش تخوين ناس كل همهم البلد وعملوا اللى محدش قدر يعمله فى سنين

احب اقول و اضيف ان النانا فى التيته و التيته فى النانا

و بحيى حبايبى قرطاس قرطاس