عندى العربيه فيكترا 1995 2000 سى استهلاكها بنزين 80 الصفيحه بتعمل 80 كيلو واحد قالى الماف عايز يتعاير وننضف الحساسات هو فى اسباب تانى
عرض للطباعة
عندى العربيه فيكترا 1995 2000 سى استهلاكها بنزين 80 الصفيحه بتعمل 80 كيلو واحد قالى الماف عايز يتعاير وننضف الحساسات هو فى اسباب تانى
استنى طنانى هو معاه 95 ال2000سى سى بس ده استهلاك عالى جدا جدا ولا عربيه 5000 سى سى فى الاستهلاك دة حتى اكتر من المبورجينى
مساء الفل ........يعنى اه الصفيحه بتعمل 80 كيلو ده كان فيه موضوع عن استهلاك البنزين للاوبل والمفروض متوسط استهلاك ال 2000 سى سى 250 كيلو فى الصفيحه على السريع وبتاع 180 كيلو فى البلد اشارات ووقفه كتير وكده ...طبعا من غير تكييف .....لاكن الى انتا بتقوله ده استحاله الا اذا كان عندك تسريييييييييييييييييب ؟؟؟؟
هو فعلا انا لاقيت تسريب من خرطوم وعملته بس بحس انها بتاكل بنزين انا عداد البنزين عندى مش مظبوط بس بحسبها بعداد الكيلو مترات
شوية اسئلة بالترتيب
طقم البوجيهات
طقم اسلاك البوجيهات
حساس الكولانت
الماف
الرشاشات
مش هتطلع بره دول
و هتجرب طريقة الاستبعاد
يعنى تشترى طقم بوجيهات جديد ( لانه مينفعش استيراد ) و تجرب
الوضع زى ما هو
تشترى طقم كابلات بوجيهات استيراد
لو العيب بتاع العربية لم يتغير يبقى رجعه للراجل تانى و هات حساس كولانت و جرب تانى
و لو مش هوبرضوا يبقى ودى العربية عند واحد كهربائى ليهم طريقة للكشف على الماف
انا حصل معايا نفس العيب بجانب تنتيشة للعربية و الدنيا كانت جربانة و فى الاخر طلع العيب فى سلك البوبينة و تجربته بحتة سلك ابو 3 قروش و بعدها اشتريت السلك بتاع البوبينة استيراد و كلفنى ساعتها 30 جنية
جرب و شوف الاخبار اية !!!!!
و الله المستعان
طيب انا خاييف من الماف والرشلشات علاجهم موجود ولا ايه طيب انا عندى الحساسات مليانين بلاوى تنضيفهم ممكن ياثر
معلش ايه هو حساس الكولانت وموجود فين
ماف و رشاشات
ماشى
احتمال
بس فيه نقطه
البوجيهات مهببة و لا لأ
فيه دخنه سودا و لا لأ
اداء العربية عامل ايه
ممكن يكون سلك موبينا
ممكن يكون حساس كولنت ( اغلب الظن )
رد على دول و بعدين نتكلم
حساس الكولنت فى ضهر الموتور فوق الدينامو بفيشة راكبة فيه
و لا الهوا يا باشا
حساس الكولانت استيراد بـ 50 جنية زى الفل
و طقم الرشاشات تمنهم بـ 300 جنية و دول بصراحة مستبعدين
و الماف يتنضف بشوية بنزين و يمشى زى الجن و لا يهمك و العربية تبقى زى الورد
لك ان تتخل ساعة العربية عندى كانت بتاكل بنزين زى اللى عندك بالظبط و بالتقطع و زى النيلة و الله تانى فى اخر ايام الحكاية دى بطلت دول خالص و قعدت تحت البيت حوالى 3 ايام
وبعدين ميكانيكى شاطر جاب حتة سلك بتاع كهربة البيوت العادى دة و حطة مكان سلك البوبينة و من اول تكة مارش دارت زى الرهوان
فالحكاية بسيطة و لا تشغل بالك
و انا برضوا ممشى الكلبة على بنزين 80 و ماشية زى الجن و بسم الله ما شاء الله بتعمل على الطريق من 200 : 210 و على سرعة فوق الـ 150 كم / س و الحمد لله مستورة