السلام عليكم ورحمة الله وبركاته
انا معايا الجهاز دلوقتى وموصله بالكومبيوتر ولو حد منكم عنده وقت شويه يدخل يكلمنى على الفيس علشان عاوز شوية استفسارات لانى ابيض فيه
عرض للطباعة
السلام عليكم ورحمة الله وبركاته
انا معايا الجهاز دلوقتى وموصله بالكومبيوتر ولو حد منكم عنده وقت شويه يدخل يكلمنى على الفيس علشان عاوز شوية استفسارات لانى ابيض فيه
مش عارف اشغل الواير ليس فى الموبايل
مش عارف اخزن اسامى جديده وتليفونات واعمل جروبات او مجموعات جديده
مش عارف ابعت ملفات من اللاب للجهاز بالبلوتوث لكن العكس نجح
صطبت برنامج ndrive بس مش راضلى يلقط اشارة جى بى اس مش عارف علشان انا قاعد فى اللبيت ولا ايه
لو سامسونج وصله بالـ usb احسن
الواير لس بسقط كتير
انا ظبطت موضوع تخزين الاسامى خلاص
بفاضل حد يعرفنى ndrive يشتغل ازاى وموضع اعدادات الواير ليس
ومش فاهم قصد حضرتك بوصله بال usb
عندى فى النوكيا الجى بى اس لازم يبقى منى للسماء عدل مفيش حيطة زى فى البيت
اقف فى البلكونة وجرب وممكن ياخد وقت على ما يلقط خليك صبور
نزل الشريط اللى فوق بصابعك وافتح الواى فاى ووصل
بعد كده افتح البرنامج واقف فى حتة مفتوحة يفضل فى الشارع او البلكونة
وهو هيلقط مكانك وممكن تشغله عادى من غير نت
استاذ محمد مش فاهم حضرتك قصدك على انهى شريط
عموما انا سافرت اسكندريه انهارده وشغلت الgps قبل ماطلع ولقط بعد 7 دقايق تقريبا وانا على الزراعى وشغال زى الفل الحمد لله وتوجيه صوتى
بس مش عارف الست كانت بتوجهنى على ايه لانى مادخلتش مكان اروح ليه
دلوقتى عاوز اعرف ازاى اخزن الاماكن المفضله واقلب بين الخرايط علشان اختار الاماكن اللى انا عاوزها
وكمان الواى فاى اعداداته ايه
ازاى اخليه يبحث عن شبكه واى فاى
الامور بدات تتظبط شويه الحمد لله وبدات احس ان الدنيا سهله وده بعد كام ساعه فقط بس خليك معايا شويه لغاية لما اظبط الجهاز
وعاوز منك شوية برامج حلوه
بص ياباشا
شايف الشريط اللى فوق ؟؟ اللى عليه الساعة والبطارية؟ دوس عليه بصابعك ونزله لتحت
هتلاقى فوق خمس أيقونات كده من الشمال الواى فاى والبلوتوث والجى بى اس ووضع الصامت والتدوير التلقائى
http://st.gsmarena.com/vv/reviewsimg...marena_112.jpg
ولو عايز تظبط اعدادات الواى فاى خش على الضبط وبعدين الشبكة اللاسلكية والشبكات
وهتلاقى اعدادات واى فاى خش بقه وابحث وظبط
وبخصوص الجى بى اس ابقى افتح الجى بى اس الاول من فوق وبعد كده افتح البرنامج
ولازم مكان مفتوح عشان يلقط بسرعة وانا فاكر فى مرة كنت ماسك الفيت بتاع صاحبى
وفتحت مابس جوجل لقط بسرعة جدااا وكنت كمان جوه المحل بصراحة أستغربت ده الجالاكسى اس بتاعى معملهاش :)
هو الأندرويد سهل جداا وهتاخد عليه بسرعة وهتعرف كل حاجة متقلقش :)
بخصوص البرامج أفتح الماركت ونزل برامج وألعاب وعيش ولو مش موجود عندك قولى وانا أخليك تجيبه
الف شكر محمد باشا
الشريط اللى انت بتقول عليه لسه مكتشفه بالصدفه انهارده
بصراحه فعلا الاندرويد سهل وبدات اتعود عليه كل مره عن التانيه
الماركت ليه ايقونه عندى بس انا مستنى لما اروح لمكان فيه وايرليس علشان ادخل بحساب جوجل واظبط الماركت
معلشى لو عوزت حاجه تانيه حابعتلك رساله خاصه علشان افهمها
بس سؤال صغير عاوز لما اوصل الجهاز بالكومبيوتر البطاريه بتاعته ماتبداشى تشحن
وكمان عاوز ادخل صوره موحده لكل جروب عندى من ال contacts
ينفع ولا لا
تحت أمرك ياباشا أسأل براحتك واللى أعرفه هقولك عليه :)
هو أصلا ينفع لما توصل الكابل بالموبايل ميشحنش؟؟ دى مش عارفها وعلاطول لما بوصله بيبدأ شحن عادى
وحكاية الصورة لكل جروب دى مش عارف برده بس هو ممكن تحط صورة لأى أسم عادى
الله يخليك استاذ محمد
انا نزلت على كافيه فيه واير ليس دلوقتى ودخلت الماركت وسطبت شوية برامج والدنيا بقت سهله وبسيطه الحمد لله
بس انت رايك اصطب انتى فايرس ولا مش مستاهله وانهى نوع تفضل
انا مش مسطب عندى
بس الحكاية مش مستاهلة فعلا :)
خد البلاك ماركت ده
هتنزل اى برنامج بفلوس ببلاش :)
Blackmart Alpha 0.49_b93.apk
بسم الله الرحمن الرحيم
محمد باشــــــــــــا ..
الله ينور عليك شغل على مية بيضة ومتقطرة؟؟؟
لما أجيب جهازى هاأهريك بس أستحمل؟؟
والا لية مسافة السكة أكون عندك..
تحيــــــــــــــــــــــ ـاتى..
وكل سنة وانت بخير
معلشى سؤال تانى
ازاى اخد صلاحية الروت فى الجهاز لان فيه برامج بتطلبها
أستاذ توفيق :))) والله كنت على بالى انهرده :E_braces[1]:
وحضرتك طيب ورمضان كريم :)
ياباشا أنا تحت أمرك انت بس تنورنى ونعمل أحلى واجب مع حضرتك :))
وشكرا ليك يا أستاذنا الكبير ولينا قاعدة ان شاء الله :)
منصحكش تعمل روت دلوقتى عشان ممكن توقع السيستم :)
بس عموما ممكن تبحث فى موقع المطورون أو الكفى بس فى الغالب مش هتلاقى للجهاز دعم كبير
بس انت محتاج الروت ليه؟
الف شكر استاذ محمد
عموما انا فعلا استخدمت البرنامج بتاعك ومعلشى حاتقل عليك مره تانيه
انا عملت اختصارات لبرامج و widget على سطح المكتب وكنت عاوز الغيهم يعنى امسح اختصاراتهم وكمان ضيفت شاشه تانيه لسطح المكتب عاوز الغيها
وشكرا مقدما
معلش يأستاذ محمد حسأل انا كمان شوية اسألة :))
لو انا دخلت بالرووت ممكن السيستم ميقعش بس يتقل مثلا شوية او كده ؟
انا لما نزلت برامج من الماركت بتنزل كلها على ذاكرة التليفون ومفيش اختيار انى انزلها على الكارت الخارجى ده طبعا خلى الذاكرة الداخلية تتتملى خالص تقريبا لما دورت على الحل لاقيت برنامج بينقل البرامج المتسطبه على الكارت بس محتاج رووت وللاسف الموضوع فشل معايا مع ان فى ناس على المنتديات عملوه ... حضرتك تقدر تفيدنى فى النقطة المهمة دى ...
ايه هى الرومات دى
ازاى اخصص نغمة لاسم معين
استاذ محمد ممكن تشرحلى برنامج ndrive شرح على السريع يعنى
انا شغلته مره على الزراعى والست كانت كل شويه تقولى يمين وشمال ومش عارف ايه رغم انى مادخلتلهاش اى احداثيات لانى لشه مش عارف ادخلها مش عارف هى كانت بتوصف ايه بالظبط
ازاى احط favorites و احدد وجه اناعاوزها يعنى مثلا انا فى دمنهور وعاوز اروح مكان ما فى مصر القديمه ازاى اقوله كده
العفو ولا يهمك ياباشا :)
دوس على الأيقونة دوسة طويلة ونزلها لتحت ( حذف ) بس كده :)
شاشات سطح المكتب أسهل طريقة ليها هتدوس على الشاشة بصابعين وأسحبهم على بعض
وتقدر تمسح وتضيف اللى انت عاوزه بنفس طريقة الويدجيت اللى قولتهالك
اللى بيخلى السيستم يقع انك وانتى بتنقلى ملفات أو أتحذفت ملفات غصب عنك كده السيستم هيقع
بس هو عندى مش بيتقل الجهاز خالص
والبرنامج اللى بينقل البرامج على الذاكرة الخارجية هو App 2 SD Pro
الرومات دى اللى هو السوفت بتاع الجهاز بالكامل يعنى ترقية للجهاز
وعشان تخصصى نغمة رنين هتدخلى على الأسم عادى وبعد كده تعديل هتلاقى تحت مكتوب نغمة الرنين أختارى اللى أنتى عايزاه ودوسى حفظ بس كده
هو جهازك جلاكسى فيت برده؟
والله هو انا مش بستخدمه كتير بس لو انت لعبت فيه كتير كده هتفهم الدنيا
والميزه انه عربى بالكامل :)
هو فعلا ساعات الست دى بتخرف مش عارف ليه ومرة جربته كده وحددت مشوار وكانت بتقولى خش شمال مع ان الداخلة كانت يمين :)))
مش عارف بقه :grinder:
الف شكر ليك محمد باشا
شكرا لحضرتك على الرد
انا جهازى مش سامسونج خالص بس تقريبا كلهم شبه بعض ... انا جهازى
Huawei U8230 - Full phone specifications
بالنسبة لبرنامج نقل البرامج انا متهيقلى مش بيشتغل على
android 2.1
وده الفيرجن اللى حاليا جهازى شغال بيه
السلام عليك
انا مسجل فى الماركت بنفس ايميل جوجل اللى فى الموبايل
وعاوز لما اضغط على install اللى فى الموقع اسطب البرنامج على الموبايل وانا على جهاز الكومبيوتر
بيقولى البرنامج اتسطب لكن مش بلاقيه فى الموبايل Samsung Galaxy Fit S5670 رغم اتصال الموبايل بالنت
فيه طريقه تانيه غير التسطيب من الموبايل ذات نفسه لان الواير لس مش دايما متاح ليا
وكمان هل فيه طريقه انى احتفظ بسورس البرنامج عندى على الكومبيوتر علشان لو حبيت ابعته لحد تانى