مشكلة بسيطة فى السيراتو بس مديقانى

**sayedkamal** · 26-07-2011 12:15 PM

من فترة كدة ابتدا صوت زى ونه او زنه تيجى من زجاج الباب اليمين للعربية - ساعات يجى وساعات لا .

خدتها وقولت اروح للتوكيل يشوف فيه ايه لانه صوت يدايق - المهم روحت التوكيل وركب معايا المهندس علشان يسمع صوت الزنة دى - وطلعنا بالعربية ان الزنة تيجى ابدا - يقولى هيه فين الزنه دى - اقوله والله بتحصل والزجاج بيزن - لفينا كام لفه كده ولا فيه اى حاجة.

مطولش عليكم قالى سيب العربية نكشف على الموضوع ونشوف - تانى يوم روحت قالى احنا شيكنا ومش لقينا اى حاجة - قولت لا اله الا الله وخدتها وروحت وانا فى الطريق مسمعتش اى حاجة - قولت ربنا يهديكى - الحمد لله.

تانى يوم رايح الشغل رجع الصوت الرخم ده تانى.

بصراحة الموضوع ده مديقنى اوى - حاسس ان العربية ابتدت تتخلع - العربية جديدة موديل 2011.

أسف للإطالة بس حبيت اشكى همى لحد مش عارف اعمل ايه.

**temo85** · 26-07-2011 12:34 PM

انت لسه فى اول 5 او 10 الاف كيلو هتسمع حاجات كتير كبر دماغك منها جت عندى و راحت لوحدها هتبدأ العربيه تظبط بعد ال5 الاف بعد ما كل الأجزاء تاخد وضعها الطبيعى

**bassem_sams** · 27-07-2011 03:58 PM

و احيانا ونه دى بتكون من زلطه فى كاوتش بتحصل معايا وشيك على باب يمين ممكن مش مقفول كويس او فى حاجه محطوطه فى باب تخزين ده تخمين و مستبعد بس قولتوا لأن مرة كنت بسمع صوت خروشه و انا سايق طلع سبب مفتاح فى درج تابلوة شلتوا راح صوت