بخصوص فلتر البزين

**amrelzawawy** · 26-07-2011 01:05 PM

ارجو من اهل الخبره الافاده فلتر بنزين اللوجان بيكون مع طلمبه البزين داخل التنك هو عمره الافتراضى طويل لكن بيتم الكشف عليه بعد 60 الف واعتقد ان كده لا طويل ولا حاجه لان فلتر البنزين بيتغير لو كان مستقل زى العربيات الرومانى بعد 30 الف وثمنه 70 جنيه لكن السيارات اللى فيها الفلتر مع الطلمبه بيتغيروا الاثنين مع بعض لو الفلتر اتسد وتكلفتهم بسيطه حوالى 1300 جنيه بس من التوكيل
ما علينا السؤال هل ممكن لو حد ليه فى الميكانيكا يفيدنا انه ممكن نعمل وصله فلتر خارجى للسياره نشتريه زى العربيات الغلبانه ريجاتا و 128 اهو يساند ويطول من عمر الفلتر الاصلى ولو امكن يتركب فين وازاى ياريت الافاده يا جماعه للاهميه ..........كده احنا بقى عندنا طلمبتين بنغيرهم اجبارى طلمبه الميه مع ال60 الف عشان بيقولك ميحتجشى فك السيور ودى بحوالى 450 جنيه وطلمبه البنزين بعد ال60 الف لو حصل سدد لا قدر الله ب1400 جنيه .........اه يا طلمبتى

**Johnny82** · 26-07-2011 05:50 PM

ممكن لو حد غيرها عند ميكانيكى عادى فلتر البنزين دة عشان منشتريهوش من التوكيل ونغيرة برة عند الميكانيكى,
لو حد جرب دة برضة ممكن الإفادة

**hobby10** · 27-07-2011 01:27 AM

متابعة

**ahmedbakr50** · 27-07-2011 02:12 AM

متابع بإهتمام

**a_nbm** · 27-07-2011 11:20 AM

....b3

**gebreel** · 27-07-2011 12:40 PM

يا جماعة الموضوع مش مقلق ولا حاجة زي مانتو متخيلين

اهم حاجة علشان تحافظ على الطرمبة انك متخليش العربية تمشي و هي مفيهاش بنزين و اللمبة منورة و كدة اخرك يبقى شرطتين في العربية و تمون ثاني علشان متتعبش الطرمبة

انا بعتبر النص هو اللمبة منورة

**Xlance2010** · 27-07-2011 02:23 PM

المشاركة الأصلية كتبت بواسطة akerima

زي ما اخونا جبريلقال طرمبة البنزين بيتم تبريدها عن طريق البنزين اللي موجود في التنك فلما البنزين يقل عن شرتطين في التنك يبقي الموضوع خطر علي الطرمبة لان مستوي البنزين بيبقي اقل من انة يغطي طرمبة البنزين وبالتالي مايديهاش التبريد المناسب وبالتالي عمرها يقل - نطلع من كدة بايه - ان لو انت حافظت علي مستوي البنزين في التنك باذن الله مش حيبقي عندك مشكلة في الطرمبة او الفلتر باذن الله

اخى اسمح لى عندى كام استفسار :
ما هى العلاقة بين تبريد طلمبة ضخ الوقود ومستوى الوقود فى تنك البنزين ؟
وهل طلمبة ضخ الوقود تكون داخل التنك ؟
وهل عندك تفسير لوجود فلتر التنقية داخل الطلمبة ؟

فى انتظار ردكم
واسمى اسفل مشاركتى

**akerima** · 27-07-2011 03:00 PM

المشاركة الأصلية كتبت بواسطة xlance2010

اخى اسمح لى عندى كام استفسار :
ما هى العلاقة بين تبريد طلمبة ضخ الوقود ومستوى الوقود فى تنك البنزين ؟
وهل طلمبة ضخ الوقود تكون داخل التنك ؟
وهل عندك تفسير لوجود فلتر التنقية داخل الطلمبة ؟

فى انتظار ردكم
واسمى اسفل مشاركتى

ايوة يا فندم الطرمبة جوة التنك ووجودها جوة التنك بيوفر ميزتين تبريدها لانها غالبا ما بتبقي مغمورة في البنزين ودا بيوفرلها تبريد طبيعي ومتواصل والتانية ان بالطريقة دي بتقلل الصوت اللي بيطلع من الطرمبة بدرجة كبيرة وطبعا ضرتك تفتكر الصوت المميز بتاع المرسيدس زمان لما كنت تقف وراها كنت تسمع صوت زي ماتور المية شغال ورا دا كان صوت الطرمبة

وجود الفلتر جوة الطرمبة دا للاسف مقدرش افسرة بس متهيالي مكانوش عملوه كده الا لو كان لية ميزة - اصل يبقي تعقيد علي الفاضي لو مكانش لية ميزة بس حقيقةً انا معرفهاش