بتشوف المنظر ده كام مرة؟؟؟

**tmz9111** · 07-05-2008 02:27 AM

الحمد الله و لك الشكر يا رب

**kimo-nubira** · 07-05-2008 02:28 AM

كل يوم وفي كل حته كتيــــــــــــــــــــــ ـــر اوووووووووووووووووي

**احمد عبدالله** · 07-05-2008 02:36 AM

الحمد لله على النعمة اللي إحنا فيها

**sab3aawy** · 07-05-2008 11:21 AM

للأمانة والصراحة وليس معنى كلامى انى مع حد او ضد حد ، انا شفت المنظر ده كتير أوى

فى مصر وانجلترا وفرنسا وألمانيا ولبيبا

لكن مشفتوش فى الخليج

**Ayman_Abdullah** · 07-05-2008 04:07 PM

الخليج مينفعش يبقى عندهم فقر عشان بيستغلوا مواردهم الأستغلال الأمثل
إحنا اللى هبل

**sokasoon** · 07-05-2008 08:46 PM

بشوفهم كتير جدااااا وبيزيدو يوم عن يوم

طول ما احنا كده هنبقا زيهم ان شاء الله

**gade2** · 11-10-2008 03:53 PM

منتشر جدا وده دليل على العداله الاجتماعيه

**D . a .\ AYMAN** · 11-10-2008 11:10 PM

المشاركة الأصلية كتبت بواسطة MoToRiZeR

مع احترامي لحضرتك .. و لكن مش عشان انا مبنامش عالرصيف تبقي الحياة حلوة

الناس اللي في المنتدي هنا مش هتشحت عشان التراخيص غليت و البنزين سعره علي
و لكن من حقي اعترض علي حاجات شايف انها هتخلي الناس تاكل في بعض .. و دمي يتحرق و اطق كمان .. و في الأخر ده هينعكس عليا بأي حال من الأحوال .. انا منمتش عالرصيف بس اللي نام عالرصيف هياخد موبايلي و يجري .. يخطف سلسلة من رقبة اختي .. يخطف شنطة والدتي .. يخربش عربيتي بأي حاجة كنوع من التنفيس !

اذا كان احنا اتأثرنا بزيادات الأسعار .. فا مش تأثير جامد .. يعني هنمسك نفسنا و نعيش

انما فيه ناس مش عارفة تعيش .. فعلا مش لاقية تاكل و بتدور في صناديق الزبالة علي اي حاجة تسند بيها طولها .. دي مش مناظر تضايق ؟

مش حاجة تضايق اما تتحبس في الطريق و تلاقي موكب كله عربيات مرسيدس معدي مقفوله الطريق مخصوص .. بعد كدة تعدي علي منطقة تانية تلاقي واحد نايم لافف نفسه في بطانية مقطعة باين منها نص جسمه و واخد في حضنه كلب شوارع شبه جربان ! بعد كدة تلاقي اللي كانوا راكبين مرسيدس بيتاجروا بالناس اللي نايمة عالرصيف و بيسرقوا بإسم انتشالهم من الضياع !؟

منظر زي ده ميخليش الواحد يحمد ربنا (الحمد لله علي كل شئ)
بس عمر ما كان انعدام العدل حاجة تدخل الطمأنينة في نفس الواحد .. و محدش عارف الناس دي كان اصلها ايه
ربنا ما يحط حد فينا طبعا في الموقف ده و لكن اما بشوف حاجة كدة (الحمد لله) مش اول فكرة بتيجي في دماغي .. بييجي قبليها بمراحل (مش حرام الناس دي؟)

لذلك انا شايف ان حرقة الدم مبررة .. لأنك بتزود سوء اوضاع الناس دي و كبتهم و بتقلل من مستوانا برده و اما نيجي ننفجر هننفجر في بعض مش في حد تاني .. يعني في كل الأحوال خسرانين

+1000000000000000000000000000000

المشاركة الأصلية كتبت بواسطة sab3aawy

لكن مشفتوش فى الخليج

+1

**hemo200** · 12-10-2008 03:40 AM

الموضوع دة منتشر كتير فى مصر ودول العالم وخصوصا الدول الرئسماليه وبيسموه (الهوم لس )
بس عندنا بيختلف شويه مبيبقاش خوم لس بس دة بيبقى كل مقومات الحياة لس .
وانتى متعرفش اللى نايم فى الشارع وهدومه متقطعه دة كان ايه او ميين ممكن يكون دكتور ولا مهندس او اى حد كان ليه وضعه وعايش حياه كريمه لكن ايه اللى وصله لكدة الله وحدة اعلم ولكن يبقى ان نحمد الله على النعمه التى ننعم بها .