بتشوف المنظر ده كام مرة؟؟؟
http://www.postimage.org/aV1zdzQ9.jpg
عرض للطباعة
بتشوف المنظر ده كام مرة؟؟؟
http://www.postimage.org/aV1zdzQ9.jpg
لو انت مش بتنام على الرصيف يبقى تحمد ربنا و سيبك بقى من حرقة الدم اللى فى المنتدى اليومين دول
كلنا حنام النومة دى طول ما الناس دى ورانا
وأنا رايي ان معظم الناس دي هتلاقي سقف تنام تحته لو احنا اتحركنا حتى في الظروف الصعبة اللي احنا فيها دلوقتي
اللهم لك الحمد حمدا كثيرا كما ينبغي لجلال وجهك و عظيم سلطانك
بعد هذه الصورة اقول 000 اللهم لك الحمد ولك الشكر على فضلك ونعمتك
اشكرك جدا ... لازم كل فترة نذكر بعضنا بالنعمة اللى احنا فيها .. الحمد لله من قبل ومن بعد
بكره الرصيف يبقي عليه ضرائب ويحصلو منهم كمان مرافق امال
مش بيستفيد من النور اللي في الشارع
كمان حياخدو منه ميه ومجاري
ومش بعيد يحصل ازمه في الارصفه
طبعا الحكومه مش حتأمر بأزلتها
حتاجرها ومش بعيد بيقي في تخصيص للارصفه المميزه
وتوقعوا زياده في سعرها ال 10 سنين اللي جايين
افتكر من دلوقت كل واحد يحطله عينه علي رصيف ناصيه
وياريت يكون بحري اهو استثمار والسلام
ويجعله عامر
و هذا هو رد فعل اللحكومة على الصورة دى
كبر ال D وروق ال G
http://www.postimage.org/aV1AKgDr.jpg
مع احترامي لحضرتك .. و لكن مش عشان انا مبنامش عالرصيف تبقي الحياة حلوة
الناس اللي في المنتدي هنا مش هتشحت عشان التراخيص غليت و البنزين سعره علي
و لكن من حقي اعترض علي حاجات شايف انها هتخلي الناس تاكل في بعض .. و دمي يتحرق و اطق كمان .. و في الأخر ده هينعكس عليا بأي حال من الأحوال .. انا منمتش عالرصيف بس اللي نام عالرصيف هياخد موبايلي و يجري .. يخطف سلسلة من رقبة اختي .. يخطف شنطة والدتي .. يخربش عربيتي بأي حاجة كنوع من التنفيس !
اذا كان احنا اتأثرنا بزيادات الأسعار .. فا مش تأثير جامد .. يعني هنمسك نفسنا و نعيش
انما فيه ناس مش عارفة تعيش .. فعلا مش لاقية تاكل و بتدور في صناديق الزبالة علي اي حاجة تسند بيها طولها .. دي مش مناظر تضايق ؟
مش حاجة تضايق اما تتحبس في الطريق و تلاقي موكب كله عربيات مرسيدس معدي مقفوله الطريق مخصوص .. بعد كدة تعدي علي منطقة تانية تلاقي واحد نايم لافف نفسه في بطانية مقطعة باين منها نص جسمه و واخد في حضنه كلب شوارع شبه جربان ! بعد كدة تلاقي اللي كانوا راكبين مرسيدس بيتاجروا بالناس اللي نايمة عالرصيف و بيسرقوا بإسم انتشالهم من الضياع !؟
منظر زي ده ميخليش الواحد يحمد ربنا (الحمد لله علي كل شئ)
بس عمر ما كان انعدام العدل حاجة تدخل الطمأنينة في نفس الواحد .. و محدش عارف الناس دي كان اصلها ايه
ربنا ما يحط حد فينا طبعا في الموقف ده و لكن اما بشوف حاجة كدة (الحمد لله) مش اول فكرة بتيجي في دماغي .. بييجي قبليها بمراحل (مش حرام الناس دي؟)
لذلك انا شايف ان حرقة الدم مبررة .. لأنك بتزود سوء اوضاع الناس دي و كبتهم و بتقلل من مستوانا برده و اما نيجي ننفجر هننفجر في بعض مش في حد تاني .. يعني في كل الأحوال خسرانين
كلامك صح ............ وانا متفق معاك .
الحمد لله اننا بناكل وبنشرب وفى مكان بننام فى ومعانا عربيات .......... بس اعتقد ان ممكن يجى اليوم الى الواحد يبيع فى العربيات والمكان الى بينام فيه علاشان يعرف ياكل .
هل حنستنى اليوم ده !
اه صحيح انا نسيت . احنا من الطبقه الغنيه .. والحكومه خدت مننا علاشان تدى الفقير .
تدصقو اول مره اعرف انى غنى غناء فاحش و ان الحكومة كانت سيبانا ومطنشانا .