مساعدة مستعجله في سيراتو 2011 بعد اذنكم

محتاج مساعدة رجال المنتدي لو سمحتم

معروض عليا سيراتو اوتوماتيك 2011 اول فئة - فتيس 4 سرعات عاملة 13000 كم علي 88000 جنيه


يا ترى ايه رايكم ده سعر لقطة اجيبها و اتغاضي عن عدم وجود المميزات التانية

و لا

ده سعر عادي للفئة دي ؟

انا الحقيقة كنت رادور علي ياريس او لانسر او صني مستعمل في حدود 80-85 الف و اقيت الغربية دي

عليها حظر بيع و واحد معرفه بيتاجر في العربيات حيخلصها بعد يومين و قالي لو عايزها خدها

انا ما كنتش حاطط في دماغي سيراتو خالص علشان سعره فوق المبلغ اللي معايا .

هل العربية لقطة تستاهل و لا اول فئه مش ح تبقي ظريفة و بيعها حيبقي تقيل ؟


شكرا لمساعدتكم بسررررررررررررررررعة علشان ح اشوف العربية بعد يومين

العربية توكيل مش خليجي يعن فاااااااااااضية

اعتقد انه سعر غالى انت باول ال 100 تركب زيها جميع الكماليات

هيا سعرها كاش كام يا باشا زيرو علشان نعرف نحدد على ما اعتقد تقل من سعرها الكاش زيرو حوالى 15 الف جنيه وربنا يوفقك

سعرها زيرو اعتقد 106 الف

كدا يبق اقل من سعرها ب 18 الف جنيه على ما اعتقد معقول مش وحش ولو نزلت الف او اتنين يكون كويس جدا صلى استخاره وربنا يوفقك لكل خير ان شاء الله

انا اشتريت امبارح 2010 اتوماتيك EX وكيل اللى هى تانى فئه اتوماتيك بجنوط 16 ب 91.5 ألف جنيه
العربية عامله 24700 كم و كل اللى فيها خدوش فى دهان الفريكه و حكات خفيفه

انا شايف ان فئة ال EX كمالياتها ممتازه ينقصها ال ABS فقط

لو هتوصل اول ال 90 هتلاقى قدامك خيارات كتييييييييير فى السيراتو بداية من الفئة التانيه

و انا رأيى بلاش صنى عفشة ناشفه صدقنى الماتريكس كانت معايا برقبتها و عفشتها تقارن بال i10 اللى هى اقل فئه فى العربيات... اللانسر افضل منها بفارق محترم و افضل من اليارس بس بفارق مش كبيير

انا شايف انها حتى لو اول فئه و تعرف تخلصها على 85000 تبقى هايله

او حاول تكمل و فى اول التسعينات هتلاقى سيراتو كتيييير بس اهم حاجه تكون فابريكه و تكشف عليها من تحت و تجربها

بجد ما شاء الله عربية خطيره فاقت توقعى

انا كنت ناوى على النترا اوتو او مانيوال اول فئه تكون 2008 او 9 او 10 لان كان معايا نفس ميزانيتك لحد ما شوفت السيراتو و دخلت دماغى رغم انى مفكرتش فيها قبل كدا لانها فوق الميزانية

لو تعرف تقولى ايه كمالياتها هفيدك اكتر

يعنى فيها الكاسيت الاصلى الكبيير؟ و لا الكاسيت ال single DIN

هات لانسر

شكرا لكل الاخوة و اجاباتهم المفيده

و حاجيب كمالياتها و اقولكم تساعدوني في الاختيار

جزاكم الله خيرا