مطلوب خدمة من أصحاب المازدا 3 هاي لاين 2011

السلام عليكم،

إن شاء الله أنا حاستلم العربية المازدا 3 الهاي لاين إنهاردة إن شاء الله، كنت بس عايز من أي حد لسة مستلم العربية دي جديد يجاوبني على شوية أسئلة، وجزاكم الله خيرا كلكم:

1. العربية بتنزل بطقم دواسات ولا لأ؟ عشان الكاتالوج بتاع العربية الأمريكاني بيقول إنها فيها دواسات (https://www.mymazda.com/MusaWeb/pdf/..._Mazda3_OM.pdf)

2. العدة اللي مع العربية عبارة عن إيه بالظبط؟

3. العربية ليها كام مفتاح؟

4. العربية بييجي معاها طفاية حريق ولا لأ؟

5. زراير فتحة السقف فين؟

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي

tiedown eyelet

8. مية الرادياتير لونها إيه؟

9. البطارية ماركتها إيه؟

وألف شكر مقدما يا رجالة

مبروك يا حبيبى ربنا يباركلك فيها
البيز لاين بكامبعد الخصم؟

الف مبروك ياباشا

اقتباس:

---

المشاركة الأصلية كتبت بواسطة Thebutcherr

مبروك يا حبيبى ربنا يباركلك فيها
البيز لاين بكامبعد الخصم؟

---

اقتباس:

---

المشاركة الأصلية كتبت بواسطة levelpower

الف مبروك ياباشا

---

الله يبارك فيكو يا شباب :hrm_prv:

شادي باشا البيز لاين بـ 134900 من الوكيل.

well high line bekam delw2ty ?

اقتباس:

---

المشاركة الأصلية كتبت بواسطة fahmy

well high line bekam delw2ty ?

---

157900 عند الوكيل.... على فكرة الأسعار دي بقالها أسبوعين بس بعد ما غبور نزل السعر 4000 جنيه

1. لا اعتقد بس ممكن صاحب المعرض يجبلك واحدة هديه
عامة نصيحة كدة كدة جيب دواسات سودة كاوتش الطبق فى حدود 120 جنيه

2. العدة اللي مع العربية لل 2009 واعتقد لاى عربية برضه مبتفرقشى الموديل
هى مفك اسود صليبة وعادة فى نفس الوقت
مفتحين 8\10 و واحد اكبر شوية
كوريك والمفتاح بتاعه
مفك ربط صواميل العجل
شداد لقطر العربية فى الطوارق


3. ليها مفتاحين
لو فيه بصمة بيبقى كارتين كل كارت فيه مفتاح عادى جواه
واتاكد من كدة

4. لأ؟

5.فى السقف فى الوسط فى 2009 فوق
اعتقد برضه فى الجديدة كدة

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟
تمام الكى كود

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي
بيجى اه
tiedown eyelet

8. مية الرادياتير لونها إيه؟
اخضر

9. البطارية ماركتها إيه؟
مش عارف صراحة

. العربية بتنزل بطقم دواسات ولا لأ؟ عشان الكاتالوج بتاع العربية الأمريكاني بيقول إنها فيها دواسات (Not exist https://www.mymazda.com/MusaWeb/pdf/..._Mazda3_OM.pdf)

2. العدة اللي مع العربية عبارة عن إيه بالظبط؟

3. العربية ليها كام مفتاح؟ 2keys

4. العربية بييجي معاها طفاية حريق ولا لأ؟no

5. زراير فتحة السقف فين؟ up, beside the front car light

6. المفتاح بييجي معاه رقم الشفرة بتاعه على حتة حديدة صغيرة؟ ولا إيه؟ no

7. العربية بييجي معاها المسمار اللي بيركب في المكان اللي بتتقطر منه؟ اسمه بالإنجليزي تاي داون آي لت، بس مش عارف ترجمته بالعربي yes

tiedown eyelet

8. مية الرادياتير لونها إيه؟ i will check

9. البطارية ماركتها إيه؟ i will check

وألف شكر مقدما يا رجالة

Take care
There are a big different in options and car design between car in the PDF and existing car in the Egyptian market
like front mirror as a example

ألف شكر يا شباب..... واضح إني مكانش لازم أقرأ المانوال الأمريكاني، عشان ماتصدمش وأنا باستلم العربية.... آل بسأل على طفاية الحريق آل :8954[1]:

لية تعقد نفسك و تقرا الكتالوج الامريكانى خليك ف المصرى و بالنسبة للطفاية من المرور بتشتريها ب 120 ج

الف مبروك على العربية و ربنا يديك خيرها و يكفيك شرها

انا بس ممكن اضيف للاجابات اللي فوق، وده طبقا للي في عربيتي:
مياه الردياتير لونها اخضر ونوعها fl 22 وهتلاقيه مكتوب على القربة

البطارية عندي كان نوعها سامسونج 50 امبير سائلة

اقتباس:

---

المشاركة الأصلية كتبت بواسطة romar

ألف شكر يا شباب..... واضح إني مكانش لازم أقرأ المانوال الأمريكاني، عشان ماتصدمش وأنا باستلم العربية.... آل بسأل على طفاية الحريق آل :8954[1]:

---

العربيات السعودى بيكون جاى فيها يا رامى طفاية

الف مبررروووووووووووووووووووو ووووووووووووووووووووووووو ووووووووووووووووووووووووو ووووووك

كده يبقى هنشوفك فى رمضان فى فطار او سحور المازداوية

اقتباس:

---

المشاركة الأصلية كتبت بواسطة elgamil

الف مبروك على العربية و ربنا يديك خيرها و يكفيك شرها

انا بس ممكن اضيف للاجابات اللي فوق، وده طبقا للي في عربيتي:
مياه الردياتير لونها اخضر ونوعها fl 22 وهتلاقيه مكتوب على القربة

البطارية عندي كان نوعها سامسونج 50 امبير سائلة

---

الكود ده بتاع ايه يا لؤى؟

محمود باشا،

الكود ده هو نوع مياه الردياتير الخاصة بشركة مازدا، و ده اللي ممكن تفكر تغيره بعد 100000 كلم

حتى في المانيوال بتاع العربية ينصح بعدم استخدام انواع اخرى من مياه التبريد غير هذا النوع

للأسف لم ولن تجد هذا النوع في مصر،

اقتباس:

---

المشاركة الأصلية كتبت بواسطة elgamil

محمود باشا،

الكود ده هو نوع مياه الردياتير الخاصة بشركة مازدا، و ده اللي ممكن تفكر تغيره بعد 100000 كلم

حتى في المانيوال بتاع العربية ينصح بعدم استخدام انواع اخرى من مياه التبريد غير هذا النوع

للأسف لم ولن تجد هذا النوع في مصر،

---

والحل؟؟؟؟؟؟؟؟ ولا حتى عند غبور؟

الحمد لله.... استلمت الـ Mazda 3 امبارح.... جبتها في الآخر من سمير ريان.... ناس جامدين الصراحة... اشترطت عليه قبل ما يجيب العربية إني مش حدفع ولا مليم عربون إلا لما استلم، ووافق ومكانش عنده أي مشاكل، مع إن العربية مكانتش عنده.

الانطباع الأول رائع ما شاء الله، أنا بقالي 20 سنة بسوق عربيات، ولي نظرة في العربية لما أركبها (على قدي برضه مش زي المعلمين الكبار اللي هنا). ونظرتي المتواضعة المبدئية بتقول إن شكلي كدة حستكنيص من العربية دي... العربية في الملفات كلها على بعض حتة واحدة، ضهر العربية ماشي معاك مطرح ما تروح، مش زي العوامة اللي كانت معايا قبل كدة (اللانوس) وأعتفد مش زي برضه اللانسر البومة اللي كانت معايا قبلها وفضلت معايا 5 سنين. أنا مش عايز أقارن عشان العربيتين دول أنا بحبهم جدا، والمقارنة أصلا غير واردة بسبب فرق السعر بينهم وبين المازدا.

المهم العربية حلوة، وعاجبني كمان جودة الخامات في كل حتة في العربية، وبالذات التابلوه. ادعولي يا شباب ربنا يبارك لي فيها، ويرزقني شكر نعمه التي لا تعد ولا تحصى عليّ :)

الف مبروك يا باشا وربنا يكفيك شرها ويباركلك فيها باذن الله

اقتباس:

---

المشاركة الأصلية كتبت بواسطة romar

الحمد لله.... استلمت الـ Mazda 3 امبارح.... جبتها في الآخر من سمير ريان.... ناس جامدين الصراحة... اشترطت عليه قبل ما يجيب العربية إني مش حدفع ولا مليم عربون إلا لما استلم، ووافق ومكانش عنده أي مشاكل، مع إن العربية مكانتش عنده.

الانطباع الأول رائع ما شاء الله، أنا بقالي 20 سنة بسوق عربيات، ولي نظرة في العربية لما أركبها (على قدي برضه مش زي المعلمين الكبار اللي هنا). ونظرتي المتواضعة المبدئية بتقول إن شكلي كدة حستكنيص من العربية دي... العربية في الملفات كلها على بعض حتة واحدة، ضهر العربية ماشي معاك مطرح ما تروح، مش زي العوامة اللي كانت معايا قبل كدة (اللانوس) وأعتفد مش زي برضه اللانسر البومة اللي كانت معايا قبلها وفضلت معايا 5 سنين. أنا مش عايز أقارن عشان العربيتين دول أنا بحبهم جدا، والمقارنة أصلا غير واردة بسبب فرق السعر بينهم وبين المازدا.

المهم العربية حلوة، وعاجبني كمان جودة الخامات في كل حتة في العربية، وبالذات التابلوه. ادعولي يا شباب ربنا يبارك لي فيها، ويرزقني شكر نعمه التي لا تعد ولا تحصى عليّ :)

---

ألف ألف ألف مبروووووووووووووووووووووو وك يا رامي باشا :first::first: :satelite:

المازداوية زادوا واحد اهم ، وان شاء الله أحصلك ويبقوا زادوا اتنين ان شاء الله :Bravo:
وكده كنت عايز أسألك هو فين سمير ريان عشان يوم ماحب اشتري اروحله ان شاء الله ؟

ماشاء الله ربنا يباركلك فيها ويزقك خيرها ويكفيك شرها وشر الناس ، ويعينا على شكر نعمه التي لا تعد ولا تحصى

ماشاء الله كل ماحد يشتري مازدا يا جدعان ويتكلم ويوقل احساسه بالعربيه بيوقل فيها أشعاااااار ، بجد فعلا بقتنع أكتر ان اللي ماركبش وماساقش مازدا معرفش يعني ايه سواقة ، بجد مازدا كندا ليهم حق في شعار الإعلانات بتاعهم :

" IF IT DOESN'T WORTH DRIVING ... IT DOESN'T WORTH BUILDING
WE BUILD MAZDA ... WHAT DO YOU DRIVE ? "

وماحدش يقولي يعني هاتيجي زي البي ام ولا الأودي ، (انا بتكلم في العربيات اللي نفس فئتها) بجد وهمممممممم ، والله فعلا بيبنوا العربية عشان يخلوك تحب تركبها تاني وماتبقاش عايز تبطل سواقة فعلا FUN TO DRIVE ، بسم الله ماشاء الله :S_thum1[1]::S_thum1[1]::S_thum1[1]:

الف مبروك يا رامى ربنا يباركلك فيها فيها،،، ودايما كل مشاوريك بيها تكون فى الخير ان شاء الله

عمرو ،،،، سمير الريان مكانع على الاوتوستراد بعد مستشفى صدر العباسية وانت رايح ناحية المعادى

لو تحب ابقى اروح معاك فى يوم ابقى قولى

الف مبروك يا باشا وربنا يكفيك شرها ويباركلك فيها باذن الله

ألف ألف مبروك و ربنا يباركلك فيها ان شاء الله.
و يا رب يخلصني من حيرتي و أرسي اذا كنت أجيبها ولا أجيب الفانتازيا البيسك و لا السيفيك... :8954[1]:

الله يبارك فيكو يا رجالة، وشكرا على شعوركم الجميل... الواحد والله بيبقى واحشه الناس بتوع المنتدى لما يغيب عنه يوم ولا حاجة من كتر ما بحبكوا .... اللهم اجمعنا معا في الفردوس الأعلى من الجنة

اقتباس:

---

المشاركة الأصلية كتبت بواسطة MazdaFan

ألف ألف ألف مبروووووووووووووووووووووو وك يا رامي باشا :first::first: :satelite:

المازداوية زادوا واحد اهم ، وان شاء الله أحصلك ويبقوا زادوا اتنين ان شاء الله :Bravo:
وكده كنت عايز أسألك هو فين سمير ريان عشان يوم ماحب اشتري اروحله ان شاء الله ؟

ماشاء الله ربنا يباركلك فيها ويزقك خيرها ويكفيك شرها وشر الناس ، ويعينا على شكر نعمه التي لا تعد ولا تحصى

ماشاء الله كل ماحد يشتري مازدا يا جدعان ويتكلم ويوقل احساسه بالعربيه بيوقل فيها أشعاااااار ، بجد فعلا بقتنع أكتر ان اللي ماركبش وماساقش مازدا معرفش يعني ايه سواقة ، بجد مازدا كندا ليهم حق في شعار الإعلانات بتاعهم :

" IF IT DOESN'T WORTH DRIVING ... IT DOESN'T WORTH BUILDING
WE BUILD MAZDA ... WHAT DO YOU DRIVE ? "

وماحدش يقولي يعني هاتيجي زي البي ام ولا الأودي ، (انا بتكلم في العربيات اللي نفس فئتها) بجد وهمممممممم ، والله فعلا بيبنوا العربية عشان يخلوك تحب تركبها تاني وماتبقاش عايز تبطل سواقة فعلا FUN TO DRIVE ، بسم الله ماشاء الله :S_thum1[1]::S_thum1[1]::S_thum1[1]:

---

IF IT DOESN'T WORTH DRIVING ... IT DOESN'T WORTH BUILDING

حلوة دي .... أحلى من شعار غبور التسويقي اللي بجد مش فاهم المغزى منه إيه :
Mazda 3 .... Chooses its driver


سمير ريان زي ما محمود قالك كدة..... عارف مستشفى المقاولون العرب بتاعة الجبل الأخضر اللي على طريق الأوتوستراد؟ هو قصادها الناحية التانية من الشارع، بس في شارع جانبي مش ع الرئيسي، وحتلاقي يفط واضحة جدا أول ما تبقى هناك

اقتباس:

---

المشاركة الأصلية كتبت بواسطة MAS_Ismail

ألف ألف مبروك و ربنا يباركلك فيها ان شاء الله.
و يا رب يخلصني من حيرتي و أرسي اذا كنت أجيبها ولا أجيب الفانتازيا البيسك و لا السيفيك... :8954[1]:

---

بص با كومندا، حقولك أنا استبعدت الاتنين دول من تفكيري ازاي....

- السيفيك لقيت سعرها مبالغ فيه جدا، الهاي لاين بتاعها أغلى بـ 30 ألف من الهاي لاين بتاع المازدا، وفعلا مش قادر أعرف ليه، بس حسيت إن الموضوع سياسة تسويقية أكتر من إنه يكون بسبب قيمة حقيقية أعلى في السيفيك (دا رأيي الشخصي طبعا)

- السيفيك شكلها بقى قديم، وموديل 2012 حينزل شكل جديد. المازدا 2011 لسة طازة وشكلها مش حيتغير دلوقتي

- السكودا بقى استبعادها كان أصعب شوية، بس موضوع الشكل برضه كان بالنسبة لي عامل مهم. مع إني متجوز والحمد لله وعندي 3 عيال بس زي ماتقول كدة أنا والمدام عايشين حالة من المراهقة المتأخرة :grinder: وفضّلنا الشكل الشبابي للمازدا عن الشكل الوقور للأوكتافيا، دا بالإضافة لـ 3 أسباب كمان:
1. السكودا شكلها قدم أوي (علي الرغم من إنه كان مقبول بالنسبة لي). والفيس ليفت اللي اتعمل فيها مالهوش 30 لازمة.
2. أنا بحب أسمي المسميات بأسمائها الحقيقية، عشان كدة أنا بتعامل مع السكودا على إنها عربية تشيكي مش ألماني. وفي الحالة دي الياباني يكسب بدون مناقشة
3. العربية سحبها ضعيف عن المازدا وأخشن شوية، والموتور الـ 1600 أعتقد إنه صغير شوية على حجمها. بس النقطة دي ممكن ماتفرقش عند ناس كتير

وربنا يوفقك للخير.... صل انت بس استخارة وسيب العليم الحكيم يختار لك :)

اقتباس:

---

المشاركة الأصلية كتبت بواسطة romar

بص با كومندا، حقولك أنا استبعدت الاتنين دول من تفكيري ازاي....

- السيفيك لقيت سعرها مبالغ فيه جدا، الهاي لاين بتاعها أغلى بـ 30 ألف من الهاي لاين بتاع المازدا، وفعلا مش قادر أعرف ليه، بس حسيت إن الموضوع سياسة تسويقية أكتر من إنه يكون بسبب قيمة حقيقية أعلى في السيفيك (دا رأيي الشخصي طبعا)

- السيفيك شكلها بقى قديم، وموديل 2012 حينزل شكل جديد. المازدا 2011 لسة طازة وشكلها مش حيتغير دلوقتي

- السكودا بقى استبعادها كان أصعب شوية، بس موضوع الشكل برضه كان بالنسبة لي عامل مهم. مع إني متجوز والحمد لله وعندي 3 عيال بس زي ماتقول كدة أنا والمدام عايشين حالة من المراهقة المتأخرة :grinder: وفضّلنا الشكل الشبابي للمازدا عن الشكل الوقور للأوكتافيا، دا بالإضافة لـ 3 أسباب كمان:
1. السكودا شكلها قدم أوي (علي الرغم من إنه كان مقبول بالنسبة لي). والفيس ليفت اللي اتعمل فيها مالهوش 30 لازمة.
2. أنا بحب أسمي المسميات بأسمائها الحقيقية، عشان كدة أنا بتعامل مع السكودا على إنها عربية تشيكي مش ألماني. وفي الحالة دي الياباني يكسب بدون مناقشة
3. العربية سحبها ضعيف عن المازدا وأخشن شوية، والموتور الـ 1600 أعتقد إنه صغير شوية على حجمها. بس النقطة دي ممكن ماتفرقش عند ناس كتير

وربنا يوفقك للخير.... صل انت بس استخارة وسيب العليم الحكيم يختار لك :)

---

ألف شكر علي ردك يا رامي و رمضان كريم.
ردك ساعدني كتير الحمد لله و مع فروقات الاسعار كمان و الاستخاره طبعا توكلت علي الله و حجزت المازدا3 الأوتو البيسك من اوتو سمير ريان و الاستلام يوم الثلاثاء ان شاء الله و ربنا يكرم.