السلام عليكم
يا ريت يا جماعة اللى عنده أى معلومات أو تفاصيل عن العربية الجديدة (هيونداى فيلوستر) دى يقولنا مزايها و عيوبها ...إلخ
عرض للطباعة
السلام عليكم
يا ريت يا جماعة اللى عنده أى معلومات أو تفاصيل عن العربية الجديدة (هيونداى فيلوستر) دى يقولنا مزايها و عيوبها ...إلخ
انا شفتها في سيتي ستارز
العربية ب 3 ابواب
باب للسائق وبابين من الجهة الأخرى
موتور 1600
تابلوه رائع
لكن سعر سيء جدا
تبدأ من 165 ألف جنيه !
العربية نازلة فى مصر ب 3 فئات حسب الخبر التالى:
حتفالية صغيرة في القرية الذكية بمحافظة السادس من أكتوبر ، أطلقت شركة ” غابور أوتو ” الوكيل الوحيد لعلامة هيونداي الكورية ، في السوق المصري ، أخر المنضمين لعائلة هيونداي في مصر وهو طراز ” فيلوستر ” الكوبيه الجديد ، والذي أعلن انطلاقته رسمياً في السوق المصري كأول سوق في المنطقة يستقبل هذا الطراز .
” فيلوستر ” التي إنطلقت بمعرض ديترويت الدولي للسيارات بدورته الأخيرة بداية هذا العام ، سجلت لنفسها أنها أول كوبيه ثلاثية الأبواب فى العالم ، حيث تتميز بكونها تعتمد هيئة الكوبيه ، مع وجود بابين على الجانب الأيمن للسيارة – للدول المعتمدة على نظام القيادة على اليد اليسري – وباب واحد على الجانب الأخر .
من المقرر أن تعتمد ” فيلوستر 2012 ” محلياً – كما سبق وتوقعنا – على المحرك المعتمد في الجيل الجديد من ” النترا ” وهو محرك في اعتقادي مناسب تماماً للسوق المصري بقوة 130 حصان – القوة الفعلية 128 حصان بخاري – بسعة 1.6 لتر ، فضلاً عن قدرته توليد عزم دوران يبلغ 157 نيوتن متر ، وستتوفر ” فيلوستر 2012 ” الجديدة بعلبتي تروس ، الأول يدوية ، والثانية أوتوماتيكية ، وكلاهما سداسي النسب .
وستتحلي ” فيلوستر ” بقائمة مناسبة بقدر كبير من أنظمة الأمان ، تبدأ مع وسادتين هوائيتين في الأمام ، نظام منع إغلاق المكابح ABS ، نظام المحافظة علي الثبات ECP ، مع نظام توجيه ألي المؤازرة ميكروسكوبي يقسو حسب السرعة .
وسيتم تسويق فيلوستر الجديدة بثلاث فئات من التجهيزات تبدأ مع فئة فيلوستر مانيوال هاى لاين، التي ستمتلك قائمة تجهيزات تحتوي علي ، عجلة قيادة متعددة المهام ، تكييف هواء، قفل مركزي ،مرايا جانبية بتحكم كهربي، مصابيح ضباب، نوافذ جانبية كهربائية، نظام صوتي مزود بعدد 4 مكبرات للصوت مع مداخل خاصة ” AUX – USB – RCA ” مع قدره على قراءة ملفات بصيغة MP3 وملفات مرئية بصيغة DivX, بلوتوث، كمبيوتر رحلات، إطارات سبائكيه رياضية قياس 17 بوصة ، وسيكون سعر تلك النسخة 137.900 جنيه مصري .
الفئة الثانية وهي فيلوستر اوتوماتيك هاى لاين، ستمتلك نفس قائمة التجهيزات السابق ذكرها ، بالإضافة إلى علبة التروس الأوتوماتيكية ، وسيكون سعر تلك الفئة هو 144.900 جنيه مصري .
أما فئة القمة وهي فيلوستر فولي لوديد ، ستزيد عن الفئة السابقة، إمكانية غلق المرايا الخارجية كهربائياً، مصابيح أمامية قابلة للتوجيه ومعتمدة على تقنية الزينون عالي الوضوح، زر إدارة المحرك بالضغط بدون مفتاح ، فتحة سقف ، برنامج الاتزان الالكتروني ECP ، مثبت سرعة ، نظام المساعدة على الاصطفاف عبر مستشعرات خلفية ، إطارات سبائكيه قياس 18 بوصة مزينة بلون السيارة ، وسيكون سعر تلك الفئة هو 164.900
----------------------
يا ترى العربية تنفع تكون عائليه و هل المساحة الخليفية مناسبة و مساحة الشنطة ايضا؟
هيا على حسب العيلة مرتاحه لايه
يعنى لازم تاخد العيلة وتروحو غبور وتشوفو الفيوليستر والالنترا على الطبيعه وتشوفو المساحه الخلفيه مناسبه ولا لا
يعنى انا تنفعنى جدا كاعائله لان معنديش غير طفله بيبى فطبعا مناسبه ليا وكمان انا ركبت ورا المساحه ممتازه بالنسبالى لان انا مش طويل قوى 171 سم فكنت قاعد مرتاح جدا وراسى كانت بعيده عن السقف ومكنتش عايز انزل
غيرى ممكن ميستريحش وكمان يقول المساحه صغيره وراسو بتخبط فى السقف وهكذا
فلازم تشوفو العربيه بنفسكو
بس راى ان انا ياجيب الفيلولستر ام 165 الف ياجيب الالنترا الفولى لودد لاكن الفئه اللى ب145 الف من غير فتحت سقف مرايات ضم و زينون وعدسات للكشافات وستارت ستوب انجن وكاميرا خلفيه وesp و مثبت السرعة يبقى ملهاش لزمة
الحقيقة أنا عايش فى السعودية و عاوز أجيب عربية هنا أقدر انزل بيها مصر فيما بعد إن شاء الله عند عودتى النهائية... المشكلة ان الالنترا هنا 1800 سى سى فقط .. على العموم انا حاروح اشوف الفوليستر فعلا و ابقى اقولكوا الاخبار
كل اللي معروف عنها حتي الان شكلها و محركها ال 1.6 لتر و سعرها الخزعبلي
الحقيقة انا روحت شوفتها امبارح فى السعودية و عندى الملاحظات التالية:
1- العربية فعلا مبهرة سواء من الخارج او الداخل
2- العربية هنا مفهاش GPS
3- المساحة الخلفية تعتبر صغيرة نسبيا فلشخص طويل مثلى القعدة غير مريحة على الأطلاق
4- مساحة الشنطة صغيرة نسبيا مثل أى عربية هاتشباك
5- أكتر عيب ضايقنى هو وجود مكان لوضع الأكواب ف منتصف الكنبة الخلفية لا يمكن طيه أو نزعه و بالتالى العربية لا تصلح سوى ل 4 أشخاص فقط أو على الادق شخصين و طفلين
صورة السيارة و مواصفاتهما فى الصور التالية
26072011281.jpg picture by ahmed_aglan - Photobucket
26072011280.jpg picture by ahmed_aglan - Photobucket
طيب واية معني دبل كلتش الموجودة في مواصفات الفتيس دي مش المفروض ان هية والالنترا فتيس واحد وموتور واحد ازاي دي 138 حصان
الفلويستر حلوه لكن عايزه شخص في بداية حياته مبيركبش معاه ناس كبيره أو كثيره
الأفضل منها الإلنترا
أكيد فيه منها 1600 gdi
بالتوفيق إن شاء الله
الدبل كلتش نظام بيسمح للفتيس يسقط أكثر من نقله في الكيك داون
و الموتور اللي بينزل في الخليج gdi
138 حصان غير موتور الإلنترا و الفلويستر المتواجد في مصر
انا قصدي علي المواصفات اللي موجوده في صورة من الصور اللي مع الموضوع مش دي برضة من مصر مش من الخليج