باركولى ....مش انا اتسرقت تانى النهارده

الحمدلله فى السراء والضراء ...النهارده وانا راكن العربيه تحت البيت بفتح شنطه العربيه وفوجئت بالمفاجاه المدويه

ملاقتش الاستبن ....للمره التانيه يا شباب للمره التانيه فى اقل من سنه تتفتح شنطه العربيه ( بدون اى اثار لاى كسر ) ويتاخد منها الاستبن والاستبن فقط يعنى لاقيت الكوريك ومفتاح العجل زى ما هما ...

انا بجد وبلا اندهاش قعدت اضحك يعنى انا بدفع لها اقساط لحد النهارده ..وبحاول اخلى بالى واحافظ عليها اتسرق كدا مرتين ورا بعض وبمنتهىالبساطه وبدون اى اثار كسر ...

رجاء بعد مواساتى افيدونى اعمل ايه قبل ما تبقى التالته تابته ...قولولى اعمل ايه عشان متسرقش تانى

الحمد لله انها جت علي قد كده في ناس العربية كلها بتتسرق تبقي خالي بالك

مرة كنت عند السمكرى وحكى لى ازاى بيفتحوا الشنطة الخلفية للادا وال 128 بسهولة
بضربة كف بزاوية معينة فى جانب باب الشنطة تلاقيها اتفتحت
والحل بتركيب صباعين فى باب الشنطة وعمل ثقبين أمامهم فى جسم العربية
ولما الشنطة تتقفل الصوابع بتعشق فى الخروم دى
حاول تشوف سمكرى ينفذ لك الفكرة دى

اقتباس:

---

المشاركة الأصلية كتبت بواسطة khaled_nowaihy

مرة كنت عند السمكرى وحكى لى ازاى بيفتحوا الشنطة الخلفية للادا وال 128 بسهولة
بضربة كف بزاوية معينة فى جانب باب الشنطة تلاقيها اتفتحت
والحل بتركيب صباعين فى باب الشنطة وعمل ثقبين أمامهم فى جسم العربية
ولما الشنطة تتقفل الصوابع بتعشق فى الخروم دى
حاول تشوف سمكرى ينفذ لك الفكرة دى

---

بارك الله فيك ..هيا فكره برضوا بس بتهياالى صعبه التنفيذ

يا جماعه لو حد عندوا حلول تانيه ياريت يقول الله يكرمكوا انا مرعوب انى اشترى استبن ويتسرق تانى

ايه ياجماعه هوا الموضوع بالنسبه ليكوا مر مرور الكرام ليه كدا ...فعلا محدش بيحس بالمشكله الا لما يعيش فيها ...عموما انا كان نفسى نوصل لحل لان اللى حصل معايا ممكن يحصل مع اى حد فيكوا

حل تانى ولو انه مش عملى قوى
انذار (بلدى) بيعملوه الكهربائية
يتوصل على الكلاكس ... لو الشنطة اتفتحت العربية تزمر

اقتباس:

---

حل تانى ولو انه مش عملى قوى
انذار (بلدى) بيعملوه الكهربائية
يتوصل على الكلاكس ... لو الشنطة اتفتحت العربية تزمر

---

فعلا حل ممتاز ومفيش احسن منه ابدا واعمل للعربية كلها انذار مش الشنطة بس

احب اقولك ان معايا نيفا ومع خالى عربية لادا 2107 ولما بيجى عندنا بفتح العربية عنده بمفتاحى وبدورها كمان واحركها من مكانها واسهل حاجه مفتاح الشنطة . نصيحة منى الحم من جوه الشنطة جنب الاستين حلقة كده تعرف تربط فيها جنزير واربطه فى الاستبن وريح دماغك علشان لو عدى مرحلة الانذار يتصدم ان الاستبن مربوط
ومتسبش حاجه مهمة فى العربية واعمل مفتاح كهربا خفى يفصلك الكهربا لحسن يطمع فى العربية المرة اللى جايه وربنا يسترها

حصلت معايا من 3 / 4 سنين كدة و برضه الاستبن فقط عدة العربية و مفتاح العجل و الكوريك كله زى ما هو و ربنا يكرمه الحرامى طلع ابن حلال و قفل لى الشنطة قبل ما يمشى..بس الهى ينقلب بفردة الكاوتش اللى اخدها كانت الاصلية بتاعة العربية و مداسها ملمسش الارض تلت اربع مرات على بعض و من ساعتها محصلش حاجة و الحمد لله بس انا بفكر اعمل انذار للعربية و الحمد لله بتيجى فى الحاجات دى مش فى العربية كلها و اهم شئ امن العربية كويس و حاول تركب انذار و يبقى للعربية كلها مش للشنطة و بس.

طب ممكن فى حل تانى كنت قريتو قبل كدة انك تعمل الشنطة تفتح بالكهرباء و تلغى المفتاح خالص مش عارف ممكن تنفع معاك ولا لأ

قدر الله وما شاء فعل

قدر الله وما شاء فعل

الحمد لله انها جت علي قد كده

ربنا يعوض عليك الموضوع ده فعلا شائع فى 2107 انا كنت اشتريت عربيه كسر زيرو وكان الاستبن مسروق منها وبرضه زى حضرتك الاستبن بس و الكريك وملف العجل مجاش جنبهم بس اول ما خدتها واشتريت استبن عملتلها انذار عند ادريان ب 170 ج بالتركيب ومعاه ريموت للسنتر وكان ممتاز جداً لحد مبعتها بيه

أفضل حل هو عمل مفتاح كهربائي للشنطة من الداخل وإلغاء المفتاح الخارجي اليدوي وكمان حاول تعمل للبطارية إطار من الحديد وتقفله بقفل لان فتح الكبوت كمان سهل ومش حقول إزاي لانها حصلت قبل كده مع واحد صاحبي .. ربنا يعوض عليك

المفتاح الكهربائي تمنه 20 جنيه وزرار ب 5 جنيه ومصنعية ب 10 جنيه تقريبا

اقتباس:

---

المشاركة الأصلية كتبت بواسطة amoooooooooor

المفتاح الكهربائي تمنه 20 جنيه وزرار ب 5 جنيه ومصنعية ب 10 جنيه تقريبا

---

ايه موضوع مفتاح الكهربا ده معلش ممكن توضيح لانى مش فاهم حاجه

pحل بلدى وبسيط متر ونصف جنزير حديد + قفل ويتم ربط الاستبن بحديد القام الموجود اعى قسعة العجلة من داخل الشنطة يوج مكان تمرر منة الجنزير

اخى العزيز
الحل انك تروح تجيب جنزير وقفل وتخلى الاستبن فى المكان بتاعة وتدخل الجنزيرفى الجنط الحديد وتقفله بالقفل لان الموضوع دة حصل معايا وعملت حوار الجنزير دة

الف الف مبروك بجد فرحت لك
انا بهزر معاك
انا كمان نفس الموضوع باين اللى بيسرقنا حرامى واحد
سرق الاستبن وساب الكوريك يمكن علشان مش حلو ومفيش اى اثر عنف على العربيه
انا ربطت الاستبن الجديد بقفل وجنزير ولفيت عليه قماش علشان مايعملش صوت وانا ماشى
مش انت لوحدك يعنى مين يزود

الموضوع سهل ان شاء الله

هتروح لواحد بيصلح ابواب عربيات او ممكن بتاع كماليات عنده صنايعي فاهم
تشتري فردة سنتر لوك

وتخلي االراجل يركبهالك على الشنطة و تخلي الراجل يغيرلك كمان الكولون بتاع باب الشنطة بكولون بمفتاح دابل (يعني ليه وشين زي بعض مش ناحية خط مستقيم والأخر مسنن) بيتباع رخيص خالص وممكن تشتري منه استعمال لو عنده عادي

والحل الآخر تخلي الراجل بتاع الأبواب بعد ما يركبلك وحدة السنتر لفتح الشنطة يسدلك فتحة مفتاح الشنطة

بس الطريقة دي مش عملية لو بتحتاج تفتح الشنطة بمفتاحك او لو لا قدر الله البطارية فضت خالص و محتاج حاجة ضروري من الشنطة

وعلى فكرة بعد تركيب وحدة السنترلوك للشنطة بيبقى قدامك الخيار يا توصلها على الإنذار عشان تفتح من الريموت من زرار الشنطة المخصوص أو تخليها بمفتاح داخل صالون العربية و الإختيارين متاحين و أسهل من بعض

بالتوفيق ان شاء الله و ربنا يعوضك خير و الحمد لله على كل شيء

الحمد لله انها جت على الاستبن بس اكيد حرامى على قدة بتاع اكسسوارات بس

اركنها فى مكان يكون فية رجل جنب محل او حاجة وركبلها جهاز انزار

ولو انى بفكر ممكن تعمل للشنطة والكبوت قفل بس مش عارف هتركبهم فين وازاى :)

بسيطه .... متحطش استبن فى الشنطه علشان ميتسرقش :))

اقتباس:

---

المشاركة الأصلية كتبت بواسطة omar_fekry

بسيطه .... متحطش استبن فى الشنطه علشان ميتسرقش :))

---

اعتقد ده تعليق مش مناسب خالص ومنجلكش فى حاجه وحشه

اقتباس:

---

المشاركة الأصلية كتبت بواسطة midonbtc

اعتقد ده تعليق مش مناسب خالص ومنجلكش فى حاجه وحشه

---

يا باشا انا كنت بحاول اخفف عنك بس مش اكتر ... و عموما انا اسف لو كان تعليقى معجنكش و ان شاء الله تلاقى حل لمشكلتك :)

باشا متقلقش مش أنت لوحدك انا اتعملت معايا مرتين والبطارية مرة ، :(
حضرتك بالنسبة للبطارية والاستبن الحل الامثل
1- تركيب جنزير بقفل وتركب الفقل في حتة مش سهل يطلها الحرامي
2- انذار وتوصله للشنطة
3- تركن في وسط حتة فيها جراج او حاجة الناس بتسهر فيها لحد وقت متأخر

ربنا يعوض عليك. طبعا واضح كده ان اللي بيسرق فرد الأستبن دي واحد بتاع كاوتش بيبيع كاوتش مستعمل وجنوط مستعملة بدليل انه مابياخدش الكوريك وملف العجل علشان مش هيعرف يبيعهم ومش هيعرف يبرر وجودهم عنده بعكس الكاوتش والجنوط . برضه منتشرة جدا عند بتوع الكاوتش الطاسات بتاعت الفولكس الباسات والجولف والبي ام دابليو ... طبعا مسروقين برضه.

اقتباس:

---

المشاركة الأصلية كتبت بواسطة Khaled_Nowaihy

حل تانى ولو انه مش عملى قوى
انذار (بلدى) بيعملوه الكهربائية
يتوصل على الكلاكس ... لو الشنطة اتفتحت العربية تزمر

---

فعلا حل ممتاز:tumb::tumb::tumb: