ساندريو ولا نيو سبارك ولا نيو بيكانتو؟

**MoMaDoW** · 26-07-2011 06:50 PM

ساندريو ولا نيو سبارك ولا نيو بيكانتو؟

السلام عليكم.. عايز حاجة كاملة مانيوال تقفيل بلادها.. في حدود السبعينات.. بافكر في النيو سبارك و النيو بيكانتو وزاد عليهم الساندريو الرينو.. حد جرب الساندريو؟ اي تعليقات؟ انا عايز اجيب البيكانتو بس لما الوكيل ينزلها لان الموجودة خليجي.. ناس كتير متكلمة عن غلو سعر النيو سبارك.. لكن ماحدش اتكلم عن غلو سعر البيكانتو.. يا ترى ليه؟ اخيراً انا خايف من الرينو لو جيت ابيعها سعرها يقل جامد.. بس هي 1600 ودي ميزة كبيرة.. شكراً مقدماً

**Usama Nagi** · 27-07-2011 02:48 AM

عامة التلات عربيات لسه جداد في السوق و مفيش معلومات كبيرة عنهم

دي محتاجة من حضرتك انك تنزل تشوف ال3 عربيات علي الطبيعة و تشوف انهي الأنسب و اللي مرتاح ليها اكتر

و لو عاوز توكيل يبقي حضرتك حددت النيو سبارك او سانديرو

**engaass** · 27-07-2011 10:43 AM

وفى كمان السوزوكى سلاريو ودى ميزتها ان تقريبا فيها abs

**pido132** · 27-07-2011 08:14 PM

انا لو مكانك اول عربيه هخرجها من المقارنه هى البيكانتو لان التوكيل لسه منزلهاش فبتاكيد العربيه ملهاش قطع غيار منتشرة ولو لاقيتها تكون غاليه
اما النيو سبارك نزلت من الوكيل بس العربيه مش منتشرة لان منصور مغلى سعرها اوى
اما عن السانديرو فهى الوحيدة الى فيهم منتشرة لانها تعتبر زى اللوجان مع اختلاف الشكل فى الفوانيس فقط لكنها من الداخل هى هى اللوجان
طبعا زى ما الاخوة قالوا انزل اتفرج على العربيات التلاته ومتنساش برضه تاخد بصه فى السريع على السيلاريو العربيه دى ان شاء الله ليها مستقبل كبير اوى لو التوكيل اخد باله منها شويه وعملها اعلانات محترمه
اسف على الاطاله ولا تنسى الاستخارة

**MoMaDoW** · 28-07-2011 05:04 PM

شكرا على الردود المفيدة.. انا عدت علي السيلاريو بس انا خايف من 3 حاجات.. سعر قطع الغيار.. وسعر البيع لو حبيت ابيع.. وسهولة البيع.. ربنا يسهل..

**zidaneelwaly** · 28-07-2011 07:56 PM

السيلاريو حاجزنا واحده لاختي بس هاتتأخر لشهر 11 مع اننا متفئين من شهر 4 حنستلمها كمان 3 شهور بس عربيه جميله هي اوتوماتيك و فيها اي بي اس و طبعا ازاز كهربا و 75 باكو