مش عارف ليه كل عربية وليها مكان معين بتكون مخبوطة فيه
يعني مثلا
لانوس .. الرفارف الأمامية
أكسيل و نوبيرا و أوبترا .. الكبوت فيه تطبيقات شوية
ميجان ولوجان .. الرفرف اللي ورا فوق العجلة
بتشوفوا كدة ولا أيه ؟
حد ملاحظ حاجة تاني ؟
عرض للطباعة
مش عارف ليه كل عربية وليها مكان معين بتكون مخبوطة فيه
يعني مثلا
لانوس .. الرفارف الأمامية
أكسيل و نوبيرا و أوبترا .. الكبوت فيه تطبيقات شوية
ميجان ولوجان .. الرفرف اللي ورا فوق العجلة
بتشوفوا كدة ولا أيه ؟
حد ملاحظ حاجة تاني ؟
اوبل فيكترا a دايما من غير مرايات
بروتون واجا اغلبها بتبقى مخبوطة في الرفرف الشمال ورا
فيات الشنطة
لانسر بومه....الرفرف الخلفى يمين :(
التويوتا الميكروباص ف كل حتة خبطة:)
ال 128 من غير مراية يمين و دايما الرفرف اليمين قدام واخدله بوسة
الريجاتا الاكصدام الخلفى الزاويا بتاعتو
الاسبرانزا 516 الشنطه من يمين وشمال النمر
وداير الرفارف
النيسان صنى دايما الاكصدام الخلفى مخبوط ومفكوك من عند الرفارف
الشاهين دايما الرفارف الاماميه من الجنب فوق داير العجله بالظبط واساسى طبعا الاكصدام الخلفى
لانسر كريستالة كلها مخبوطة في الشنطة + الإكصدام
كل فيرنات البلد مخبوطة في الإكصدام ورا لاحظوها من تحت هتلاقوا الإكصدام معوج و مش مضبوط زي الأول
كل الفولكس الحديث متقلب في العلامات
اتوس الموديل القديم وماتريكس في الشنطه
للناس فيما يعشقون مذاهب
وللعربيات فيما يتخبطون أماكن (رفارف - كبوت - شنطه - . . . . ) كل عربيه ومزاجها
هههههههههههه
كيا كارينز فى الأبواب الخلفية وخصوصاً اليمين (مش أنا والله)
اوكتافيا a5 الكبوت اول السوكة من ناحية الازاز لالالالالالالالازم تبقى داخلة لجوة !!!!!
الفيرنا واللانوس لازم تلاقى الشنطة مفارقة من تحت مع الاكصدام (حتى انا).
الباراتى
جنب العلامه الورا على الشنطه لازم تكون دخله لجوا ههههههههههههههه شوفتها فى 10 و ربنا
نيسان تيدا دايما الاكصدام الخلفى ومفكوك من الجمبين
الياريس الرفارف اللى فوق العجل من نحية اليمين دايما هتلاقيها مطبقة واثار الرد على البارد !
الافيو فوق العجل اللي ورا
فيات بونتو كتير منها الشنطة مخبوطة.
هيونداى اكسيل الكبود مطبق.
شاهين .. الاكصدام مكسور.
دايو لانوس .. غطا تنك البنزين متغير.
أى عربية بنت سايقاها .. بيبقى فيها كل اللى فوق و زيادة :biggrin24:.
لانسر مكواه ........ دايما مخبوطه في الشنطه مكان العلامه
الياريس خبطاتها في كل حتة باحس لما باشوفها ادام مني انها مشوهة مع اني والله 95% من الخبطات افوجئ بها وانا راكن العربية في امان الله انا فعلا اتعقدت
جوووووووووووووووووووووووو ووووووو.....واحشنى والله
الحمد لله كبوت النوبيرا عندى لسة ماتخبطش بس متقشر بصراحة:)
انما اللى ملاحظه فى كل النوبيرا تقريبا مع استثناءات لا تذكر
هو الرفرف الورانى دايما هتلاقيه متطبق لان دا تقريبا اضعف حتة فى العربية ..صاجه مساحته كبيرة من غير اى تدعيم وراه
وهيونداى اكسل هتلاقيها كلها مش متظبطة على بعضها يعنىالفانوس الامامى تلاقيه ناطط عالكبوت والاكصدام الخلفى متعلق بحبل او مخبوط ...معرفش ليه اصحابها بيرموها كدة ليه
كيا سيفيا .. الباب اللى ورا يمين .. دايما فيه خربوش مكرمش.
و كمان فوانيسها مغيمة.
بصراحه اكتر عربيه مميزه فى الموضوع ده
الدايو ماتيز
دايما وابدا كل ما شوف واحده منهم الاقيها واخده خبطه فى الشطنه
مش عارف ايه السبب
كورولا من 2001-2007 دايما الرفرفين اللي قدام مطبقين
شارك تلاقي نقرة في الشنطة
الصني الفوانيس الخلفية و الاكصدام
لان دية كلها اماكن ضعف فى العربيات
مازدا 3 كلها الاكصدام مفكوك من عند الرفارف
النيسان صني دايما مخبوطة عند النيكل بتاع الشنطة من ناحية الشمال