الدش البارد

**amado ibrahim** · 26-07-2011 08:52 PM

حلو الدش البارد فى الصيف

يخليك تفوق

و تركز

و تصحى

و يخليك تتطلع من حالة السرحان اللى انت فيها

كمان بيروق ذهنك

و ينعش الذاكرة

الذاكرة اللى كانت قربت تتوقف عن العمل

وبمناسبة الذاكرة فى قصة قديمة من الذاكرة

لو كنت درست ادارة اكيد هاتعرفها

و لو كنت دارس اجتماع اكيد هتكون عدت عليك

و لو دارس علم نفس فاكيد هاتفتكرها

حتى لو كنت دارس للعقيدة وعلم التوحيد اكيد هاتكون عدت عليك

يحكى ان

مجموعة من العلماء و ضعوا 5 قرود في قفص واحد

و في وسط القفص يوجد سلم و في أعلى السلم هناك بعض الموز

في كل مرة يطلع أحد القرود لأخذ الموز يرش العلماء باقي القرود بالماء البارد

بعد فترة بسيطة أصبح كل قرد يطلع لأخذ الموز, يقوم الباقين بمنعه

و ضربه حتى لا يرشون بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد

فأول شيء يقوم به القرد الجديد أنه يصعد السلم ليأخذ الموز

ولكن فورا الأربعة الباقين يضربونه و يجبرونه على النزول

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب

قام العلماء أيضا بتبديل أحد القرود القدامى بقرد جديد

و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب

و هكذا حتى تم تبديل جميع القرود الخمسة الأوائل بقرود جديدة

حتى صار في القفص خمسة قرود لم يرش عليهم ماء بارد أبدا

و مع ذلك يضربون أي قرد تسول له نفسه صعود السلم

بدون أن يعرفوا ما السبب

و توتة توتة

خلصت الحدوتة

مش قولتلكو الدش البارد حلو فى الصيف

**mr_vampire** · 26-07-2011 09:12 PM

المشاركة الأصلية كتبت بواسطة amado ibrahim

.................................................. ...........

و هكذا حتى تم تبديل جميع القرود الخمسة الأوائل بقرود جديدة

حتى صار في القفص خمسة قرود لم يرش عليهم ماء بارد أبدا

و مع ذلك يضربون أي قرد تسول له نفسه صعود السلم

بدون أن يعرفوا ما السبب

و توتة توتة

خلصت الحدوتة

مش قولتلكو الدش البارد حلو فى الصيف

سياسة القطيع بيعمل زي مابيعملو وخلاااااااااااااااااااااا اص.

طب انتا ياعم بتضربو ليه هو عملك حاجة. معرفش بعمل زيهم وخلاص وكمان اهو يتضرب زي ماضربت.

بيفكرني بشعبنا الجميل. بس بدء يفوق الحمد لله

**M.Alaa92** · 26-07-2011 09:14 PM

موضوع 100/100 و المغزى بتاعو واضح و صريح و يارب م نبقى قرود

**ashraf_msd** · 26-07-2011 09:16 PM

ههههههههههههه

قصة جامدة جدا والله

وتقريبا فهمت المقصود

ومع احترامي للقصه وللكاتب والناقل - فانا أعلن عدم احترامي لمغزاها

دي طريقة التعلم بالاشتراط الاستجابي .. وهيا لا تصلح الا مع المخلوقات محدودة الدكاء - زي الحيوانات - او الاطفال.... لكن الانسان فكره عالي .. وقادر على الاستنتاج ... بدليل ان اهالي العباسية الكرام لما شافو بتوع 6 ابريل رايحين للمجلس العسكري وبيشتموه قامو ضربوهم .. مع ان ماحدش في التاريخ راح عمل كده قبل كده وشتم الجيش وانضرب.. ولما اغلب المصريين يتفقوا انهم خونة لانهم عايزين ينشرو الفوضي - ومتدربين على ايد امريكا - وقابضين - وبيعتدوا على الجيش بتاعنا - وبيقفلو المجمع - ومعطلين التحرير - وحاولو يعطلوا قناة السويس - وليل نهار بيصرفو من غير شغله ولا مشغلة .. ورايحيين للمجلس في بيته عشان يشتموه .. والاعتداء على المنطقه العسكرية الشمالية - وقسم الاربعين - ومسرح البالون - الغالبية العظمي من شعب مصر اتأكد مليون الميه انهم عملاء - مع ان ما حدش عمل زيهم قبل كده - وبالتالي فين بقى التعلم بالاشتراط الاستجابي؟؟ البشر غير القرود والشعب المصري بفضل الله شعب أاااارح وهرشهم.

**Most_H** · 26-07-2011 09:18 PM

أعجبنى :)

**aminibrahim** · 27-07-2011 05:33 AM

المشاركة الأصلية كتبت بواسطة amado ibrahim

حلو الدش البارد فى الصيف

يخليك تفوق

و تركز

و تصحى

و يخليك تتطلع من حالة السرحان اللى انت فيها

كمان بيروق ذهنك

و ينعش الذاكرة

الذاكرة اللى كانت قربت تتوقف عن العمل

وبمناسبة الذاكرة فى قصة قديمة من الذاكرة

لو كنت درست ادارة اكيد هاتعرفها

و لو كنت دارس اجتماع اكيد هتكون عدت عليك

و لو دارس علم نفس فاكيد هاتفتكرها

حتى لو كنت دارس للعقيدة وعلم التوحيد اكيد هاتكون عدت عليك

يحكى ان

مجموعة من العلماء و ضعوا 5 قرود في قفص واحد

و في وسط القفص يوجد سلم و في أعلى السلم هناك بعض الموز

في كل مرة يطلع أحد القرود لأخذ الموز يرش العلماء باقي القرود بالماء البارد

بعد فترة بسيطة أصبح كل قرد يطلع لأخذ الموز, يقوم الباقين بمنعه

و ضربه حتى لا يرشون بالماء البارد

بعد مدة من الوقت لم يجرؤ أي قرد على صعود السلم لأخذ الموز على الرغم من كل الإغراءات خوفا من الضرب

بعدها قرر العلماء أن يقوموا بتبديل أحد القرود الخمسة و يضعوا مكانه قرد جديد

فأول شيء يقوم به القرد الجديد أنه يصعد السلم ليأخذ الموز

ولكن فورا الأربعة الباقين يضربونه و يجبرونه على النزول

بعد عدة مرات من الضرب يفهم القرد الجديد بأن عليه أن لا يصعد السلم مع أنه لا يدري ما السبب

قام العلماء أيضا بتبديل أحد القرود القدامى بقرد جديد

و حل به ما حل بالقرد البديل الأول حتى أن القرد البديل الأول شارك زملائه بالضرب و هو لايدري لماذا يضرب

و هكذا حتى تم تبديل جميع القرود الخمسة الأوائل بقرود جديدة

حتى صار في القفص خمسة قرود لم يرش عليهم ماء بارد أبدا

و مع ذلك يضربون أي قرد تسول له نفسه صعود السلم

بدون أن يعرفوا ما السبب

و توتة توتة

خلصت الحدوتة

مش قولتلكو الدش البارد حلو فى الصيف

جميله ::: تسمحلي انقلها؟

**SkyBird** · 27-07-2011 06:48 AM

فعلا شوية قرود اللي يضربوا من غير ما يفهموا
هناك فئة ضئيلة من البشر اسوأ من القرود في القصة لان هذه الفئة يضربون وهم يعلمون ان خصمهم شريف والاسوأ انهم يرفضون تصديق الحقيقة
لو ارتفعوا وتطوروا لمرتبة القرود كان من السهل عليهم تقبل الحقيقة والاعتذار
لكن وجودهم مهم لكي نتبين الخيط الابيض من الاسود

**amado ibrahim** · 27-07-2011 12:34 PM

المشاركة الأصلية كتبت بواسطة ashraf_msd

ههههههههههههه

قصة جامدة جدا والله

وتقريبا فهمت المقصود

ومع احترامي للقصه وللكاتب والناقل - فانا أعلن عدم احترامي لمغزاها

دي طريقة التعلم بالاشتراط الاستجابي .. وهيا لا تصلح الا مع المخلوقات محدودة الدكاء - زي الحيوانات - او الاطفال.... لكن الانسان فكره عالي .. وقادر على الاستنتاج ... بدليل ان اهالي العباسية الكرام لما شافو بتوع 6 ابريل رايحين للمجلس العسكري وبيشتموه قامو ضربوهم .. مع ان ماحدش في التاريخ راح عمل كده قبل كده وشتم الجيش وانضرب.. ولما اغلب المصريين يتفقوا انهم خونة لانهم عايزين ينشرو الفوضي - ومتدربين على ايد امريكا - وقابضين - وبيعتدوا على الجيش بتاعنا - وبيقفلو المجمع - ومعطلين التحرير - وحاولو يعطلوا قناة السويس - وليل نهار بيصرفو من غير شغله ولا مشغلة .. ورايحيين للمجلس في بيته عشان يشتموه .. والاعتداء على المنطقه العسكرية الشمالية - وقسم الاربعين - ومسرح البالون - الغالبية العظمي من شعب مصر اتأكد مليون الميه انهم عملاء - مع ان ما حدش عمل زيهم قبل كده - وبالتالي فين بقى التعلم بالاشتراط الاستجابي؟؟ البشر غير القرود والشعب المصري بفضل الله شعب أاااارح وهرشهم.

دي طريقة التعلم بالاشتراط الاستجابي .. وهيا لا تصلح الا مع المخلوقات محدودة الدكاء - زي الحيوانات - او الاطفال.... لكن الانسان فكره عالي .. وقادر على الاستنتاج

مبدئيا هو ايه العلاقة بين الحيوانات و الاطفال

ثانيا

ممكن حضرتك تراجع الفقرة دى من الموضوع

فى قصة قديمة من الذاكرة

لو كنت درست ادارة اكيد هاتعرفها

و لو كنت دارس اجتماع اكيد هتكون عدت عليك

و لو دارس علم نفس فاكيد هاتفتكرها

حتى لو كنت دارس للعقيدة وعلم التوحيد اكيد هاتكون عدت عليك

تقبل تحياتى

**amado ibrahim** · 27-07-2011 12:42 PM

المشاركة الأصلية كتبت بواسطة skybird

فعلا شوية قرود اللي يضربوا من غير ما يفهموا
هناك فئة ضئيلة من البشر اسوأ من القرود في القصة لان هذه الفئة يضربون وهم يعلمون ان خصمهم شريف والاسوأ انهم يرفضون تصديق الحقيقة
لو ارتفعوا وتطوروا لمرتبة القرود كان من السهل عليهم تقبل الحقيقة والاعتذار
لكن وجودهم مهم لكي نتبين الخيط الابيض من الاسود

براحة شوية يا ريس

قال تعالى فى سورة الاسراء

(وَقُلْ لِعِبَادِي يَقُولُوا الَّتِي هِيَ أَحْسَنُ إِنَّ الشَّيْطَانَ يَنْزَغُ بَيْنَهُمْ إِنَّ الشَّيْطَانَ كَانَ لِلْإِنْسَانِ عَدُوّاً مُبِيناً)

يعلم الله انى ما قصدت السخرية او الاستهزاء بأحد ولكنها قصة تذكرتها من كثرة ما سمعتها من مجالات مختلفة كما ذكرت

و الاعجب ان أول مرة سمعت هذه القصة كانت فى مجال العقيدة و علم التوحيد

اللهم وحد صفوفنا يا رب

تقبل تحياتى