سؤال واحد بس لأي حد بينكر ان الجيش حمى الثور

**akramlail** · 26-07-2011 11:11 PM

المشاركة الأصلية كتبت بواسطة misoalex

رديت عليك فى موضوع سابق وادى ردى تانى
الجيش حمى نفسه محماش الثوره
الجيش حمى نفسه محماش الثوره
الجيش حمى نفسه محماش الثوره

واقرأ السطور دى يمكن تفهم اكتر هو ليه عمل كده

السؤال الأهم إذن : لماذا بعد هذا الإجتماع لم ينفذ المجلس أمر المخلوع ويضرب المتظاهرين ؟؟

قبل أن أجيب علي هذا السؤال ، أود أن أوضح شيئاً صغيراً ، وهو أن الجيش لم يضرب الثوار أيام مبارك أثناء تجمعهم وتكتلهم وهم أقوياء ، ولكن ضربهم أكثر من مرة وفى أماكن وأقوات مختلفة ، فهو ضربهم في سجونة الحربية ، وفي ميدان التحرير يومي 13 فبراير و 26 فبراير و 9 مارس و 9 أبريل وعند السفارة الإسرائيلية وفي شارع لاظوغطي أمام مقرات أمن الدولة ، فالجيش المصري أيضا يده ملوثة بدماء المصريين الشرفاء .
ولكن لماذا إذن لم يضرب المتظاهرين أثناء مبارك ويقضي علي الثورة ؟؟
فالإجابة علي هذا السؤال بسيطة جدا ، فإذا سرحنا بخيالنا وفكرنا ماذا كان سيحدث لو ضرب الجيش الشعب ،
كان يوجد ثلاث أحتمالات لا رابع لهما :

الإحتمال الأول : أن ينتصر الشعب

وهذا هو الأحتمال الأقرب والأرجح ، نعم هذا هو الأحتمال الأقرب والأرجح ، وذلك لعدة أسباب أهمها :
1- أن الله سبحانة وتعالي أشاء وقدر أن مصر في يوم الخامس والعشرون من يناير لعام 2011 ستحرر نفسها من ظلم وقهر مبارك ونظامه طيلة الثلاثين عاماً بثورة شعبية تكون أعظم ثورة في التاريح ، فلا دخل إذن لمخلوق علي وجه الأرض في مشيئة وإرادة المولي عز وجل .
2 - طبيعة الشعب المصر ، فالشعب المصري ذات طابع يختلف عن كل شعوب العالم فإذا أراد شيئاً لا أحد يستطيع أن يقف أمامه أبداً ، وكلنا نعلم هذا من خلال تاريخ مصر وكل الحروب التي خاضتها وكم كانت الدولة المحاربة أقوي من مصر بمراحل وتنتصر مصر في النهاية بسبب قوة العزيمة والإرادة .
3 - إذا أصدر المجلس الأمر للجيش المصري بضرب المتظاهرين فالغالبية العظمي من الجيش المصري ستمتنع عن تنفيذ الأمر وتنضم للمتظاهرين وذلك لأن جيش مصر من شعب مصر ، فكلنا نعلم أن التجنيد في مصر إجباري ، وأن الجيش المصري مكون من أفراد داخل كل بيت وأسرة في مصر ، فلا يخلو بيت أو أسرة في مصر إلا ولها فرد على الأقل يخدم فى الجيش ، فكان أمر مستحيل أن يفتح الجنود المصريين النار على أهلهم وأقاربهم وجيرانهم الثوار ،
وهذا الأمر مختلف تماما عن جيش ليبيا المكون من المرتزقة مختلفة الجنسيات من الدول الأفريقية ، وجيش سوريا الطائفي ، وجيش اليمن القبلي الذي ولاءه جنوده فيها للقبيلة التي ينتمي إليها وليس للجيش أو للوطن .
4 - الجيش المصري لن يستطيع التفوق عسكريا على المواطنين ، ذلك وبكل بساطة لأن الجيش المصري مدرب على القتال في الصحراء وفي الأماكن الواسعة والصحراء وفي الحروب فهو ليس مدرب علي القتال في الشوارع الضيقة والحواري والمدن السكنية مثل القاهرة والاسكندرية والسويس ، وكلنا نتذكر مساء يوم 28 يناير 2011 حينما أمد الجيش الشرطة بالذخيرة الحية ، فقام المتظاهرون وبكل سهولة بحرق مدرعة و سيارتين جيب تابعين للجيش ، فإذا عادت بنا الذاكرة إلى الوراء قليلاً وتذكرنا ماذا حدث في الأمن المركزي والشرطة المصرية التي تعدادها يفوق المليون فرد والمدربين على حرب الشوارع والتصدي للمظاهرات وأعمال الشغب داخل المدن ، هزمت في أقل من ست ساعات ، فكم من الوقت إذن سيهزم الجيش المصري الأقل عدداً بكثير من الشرطة والأمن المركزي .
كما لابد وأن أذكر أن شعب مصر تعداده أكثر من 85 مليون ، ليس مثل ليبيا التي تعداد سكانها أقل من 7 مليون ولا سوريا التي تعداد سكانها أقل من 25 مليون ولا اليمن التي تعداد سكانها أقل من 25 مليون ، فالشعب المصري كان قادراً على مواجهة الجيش إذا ضرب المتظاهرين ، خاصة وأن هؤلاء الملايين من المتظاهرين لهم أهل وأصدقاء وأقارب سيكملوا مسيرتهم ويثأروا لهم إذا أستشهدوا بصرصاص الجيش ، فكان من المستحيل أن يتفوق الجيش على الشعب المصري بأكملة ، وكان حتماً سينتصر الشعب علي الجيش إذا ضرب المتظاهرين .
5 - في حالة إذا أنتصر الشعب علي قوات الجيش التي تحاربة وأراد المجلس الأعلي للقوات المسلحة تكملة مسيرة القتال عن طريق إستدعاء باقي القوات من علي الحدود ومن ثكناتها فلن يستطيعوا الوصول إلى القاهرة والأسكندرية وباقي المدن الغاضبة لأنهم لن يفلتوا من الكمائن التي ستكون في إنتظارهم ، وبالتالي لا محال عن هزيمة الجيش المصري .

* وفي تلك الحالة وعند إنتصار الشعب المصري على الجيش ، فكان مصير هؤلاء الجنرالات من أعضاء المجلس العسكري أن يلاقوا حتفهم علي أيدي الشعب المصري ويصبحوا في تعداد الوفيات لخيانتهم للوطن

الإحتمال الثاني : أن ينتصر الجيش وتجهد الثورة

فعلى الرغم من أن هذه النتيجة بعيدة عن الإحتمال والمنطق ولكن دعنا نتخيل فرضا أن الجيش المصري قتل بضعة الملايين الغاضبة الثائرة ، فهل ستكون تلك هي نهاية الثورة وستفشل ويبقي مبارك فى الحكم ويسلم لهذا الإحتمال باقي الشعب المصري ؟؟ الاجابة بالطبع لا ، فإذا كان قد قتل بضعة الملايين الغاضبة الثائرة فإن لهم أهل وأقارب وجيران وأصدقاء سيغضبوا علي قتلهم بدون وجه حق خاصة أن مطالبهم كانت مشروعة ومظاهرتهم كانت سلمية ، وكانوا سيعزموا النية على الأخذ بالثأر ممن قتلهم ، وكانوا سيحملون السلاح ويقاتلوا الجيش ليأخذوا بحقهم ويكملوا مسيرتهم ، وإذا فرضنا أن أنتصر الجيش عليهم أيضاً ، فمن سيحكم مبارك وحاشيتة !! وكيف سيبرروا أمام العالم والمجتمعات الدولية تلك الإبادة الجماعية للشعب ؟؟ وما مصير الدولة المصرية إذن بدون شعب ؟؟ وهل ستكون دولة أم بقايا دولة ؟؟

* وفي تلك الحالة وعند إنتصار الجيش المصري علي الشعب ، فكان مصير هؤلاء الجنرالات من أعضاء المجلس العسكري صدور ضدهم أوامر بالإعتقال من المجتمعات الدولية وتحويلهم للمحاكمة أمام المحكمة الجنائية الدولية بتهمة أرتكاب جرائم حرب ضد شعوبهم والإبادة الجماعية وتلك الجريمة صنفت كجريمة دولية في اتفاقية وافقت عليها الأمم المتحدة بالاجماع سنة 1948 وصدقت عليها مصر

الإحتمال الثالث : التدخل العسكري الخارجي في مصر

كلنا نعلم أن مصر مطمع لكل دول العالم القوية خاصة أمريكا واسرائيل ، فكانوا سينتهزوا فرصة أن الجيش المصري مشغول في ضرب الشعب ومنهك القوي ، وبحجة أنهم يريدون إنقاذ الشعب من هذا الدمار سيتدخلوا عسكرياً ويفرضوا الحظر الجوي علي مصر ويضربوا أي طائرة مصرية تحلق فى الفضاء ، وسيحتلوا مصر .

* وفي تلك الحالة ستكون مصر دولة محتلة ، ومصير هؤلاء الجنرالات من أعضاء المجلس العسكري قتلهم علي أيدي الإحتلال الأجنبي لمصر

وفرت علينا مجهود ومناكفة وجدل كتير
الله يباركلك

**ashraf_msd** · 26-07-2011 11:13 PM

المشاركة الأصلية كتبت بواسطة aly_hosny

رايي في ايه ؟؟؟؟
لما ثورتهم تخلص تعالى اسالني
لما تسمع ان الناس مبقتش تطلع مظاهرات " واعدادهم مبتزيدش كل يوم" تعالى قولي الجيش قدر عليهم
طب ما احنا الداخلية قتلت عندنا 1000 "كدا قدرو علينا"
هو حضرتك شوفت يوم التلات 25 بليل ايه ال حصل
راجع معنى الكلام

انت قلت الجيش في اليمن وفي سوريا ماقدرش ومش هيقدر

وانا جبتلك الادلة ان الجيشين ضربوا شعوبهم

وجيشنا بفضل الله ماضربناش .. لو قصدك انهم هينتصروا على جيوشهم فحتى لو ده حصل هيبقى على جثث واشلاء ودماء شباب كتير منهم .. وربنا يقويهم عاللي هما فيه

فلما جيشنا الكريم .. يحفظنا من كده ويجنبنا ده ... ويشيل مبارك ... ويعدل الدستور بما يتوافق مع مطالب 80% من الشعب. وشهدائنا 800 ... وشهدائهم بالألافات لحد دلوقتي وبيزيدوا ... يبقى الجيش حمانا ولأ ... لا حول ولا قوة الا بالله العلي العظيم.

**ahmedjumpo** · 26-07-2011 11:15 PM

المشاركة الأصلية كتبت بواسطة blazer

جيش ايه اللى حما الثوار!
الثوار هما اللى حموا بعش
والشعب وحده بفضل الله هو اللى عمل كل حاجه
والجيش لم يكن له اى فضل ولكنه الان يقوم بعرقله المحاكمات والالتفاف على المطالب المشروعه
.
.
.
يلا,, خليها تعدى عشان نقدر ننتخب رئيس للبلد وبرلمان قوى
عشان هما كمان " المجلس العسكرى " ياخدوا دورهم فى المحاكمات

بسبب جملتك الاخيرة يكاد يكون مستحيل انك تقدر توصل لما قبلها
لان ببساطة لو جه برلمان قوى بصلاحيات واسعة مع رئيس نزيه سيكون من اول اهتمامتهم الجيش لانه درع الدولة و بالتالى سيكتشفوا الكثير و هيطير فيها قيادات كثيرة و هذا ما لا ترغب فيه هذه القيادات

**ashraf_msd** · 26-07-2011 11:23 PM

المشاركة الأصلية كتبت بواسطة mmffor

من تعليقاتك و مع احترامي لفكرة اني لا اعرفك شخصيا

لكن من تعليقاتك تكونك عندي قناعة انك من جماعة انا اسف يا ريس
و انا 90% متأكد انك كنت عضو في الحزب الوطني
و قناعاتي انك تعليم متوسط

مش مشكلة سيبك من تعليمي .. رد على كلامي بفكرك انت مش بشهادتي انا .. لو عايز ترد

**misoalex** · 26-07-2011 11:30 PM

المشاركة الأصلية كتبت بواسطة ahmedjumpo

بسبب جملتك الاخيرة يكاد يكون مستحيل انك تقدر توصل لما قبلها
لان ببساطة لو جه برلمان قوى بصلاحيات واسعة مع رئيس نزيه سيكون من اول اهتمامتهم الجيش لانه درع الدولة و بالتالى سيكتشفوا الكثير و هيطير فيها قيادات كثيرة و هذا ما لا ترغب فيه هذه القيادات

وعشان السبب ده تفتكر الانتخابات حتمر بالساهل ومن غير تزوير

او تفتكر ان الجيش حيسلم السلطه كده بالساهل

**mmffor** · 26-07-2011 11:44 PM

المشاركة الأصلية كتبت بواسطة ashraf_msd

مش مشكلة سيبك من تعليمي .. رد على كلامي بفكرك انت مش بشهادتي انا .. لو عايز ترد

انا مش اخواني ولا سلفي ولا 6 ابريل

انا مواطن مصري عادي جدا جدا

رايي ان هناك دائما عبيد يبكون جلاديهم ان فارقوهم

و اتذكر بنو اسرائيل عندما تركهم موسى ليكلم ربه و عاد فوجدهم قد اتخذوا العجل الها و صنما لهم يعبدونه

في ناس بتفكرني بيهم - راح مبارك بدؤا يدوروا على صنم جديد ليهم يعبدوه و يقدسوه و يضعوا رؤوسهم تحت حذاءه ليدوس عليها

للاسف هؤلاء هم احفاد المصريين القدماء الاصليين من عبدة الفراعنة الذين يبحثون عن شخص يستعبدهم و يذلهم

بينما اي رافض لهذا ( و هؤلاء كانوا وقود الثورة ) هم من اصول عربية ترفض الذل و الخنوع و ترضى بالموت في سبيل كرامتها

ليس بضع ملاليم

المشكلة ان المنتفعين فاكرين ان الملاليم اللي بتترمي ليهم دي حاجة كبيرة لانهم مستواهم دنيء و منحط و يرضوا بالعظام كالضباع

و هما مش واخدين بالهم من الصورة الكبيرة ان لو مصر حكمها رئيس و مجلس منتخب من الشعب نفسه و ان الجيش اصبع مؤسسة حكومية مهمتها حماية الحدود و ليست حاكما بامرة - هما ساعتها حيبقوا منتفعين اكتر

لانهم حيحصلوا على وظيفة محترمة براتب كبير
علاج محترم و تعليم محترم
حيحصلوا على سكن ادمي يحترم ادميتهم التي انساهم اياها النظام السابق
حيحصلوا على وسيلة مواصلات محترمة
حيحصلوا على معاملة محترمة في اقسام الشرطة ان توجهوا اليها سواءا لقضاء مصلحة او حتى لو متهمين ستتم معاملتهم باحترام و ادمية
لو حبوا يسافروا برة اجراءات السفر حتبقى اسهل لان العالم كله حيحترمهم
و لو حصل حاجة ليهم برة حيلاقوا سفير و وزير خارجية مجترمين يقفوا ورائهم بكل قوة

شوفتوا انتوا بتضيعوا من ايديكوا قد ايه مقابل شوية ملاليم سواءا زادت او قلت
و في المقابل بتعملوا فوضى في الميدان و على الانترنت لتدمير هذا الحلم الجميل اللي ممكن يبقى حقيقة

لو الحلم ده تحول لكابوس خلوا شوية الفكة اللي خدتوهم ينفعوكوا

**akramlail** · 26-07-2011 11:45 PM

احب اضيف حاجة صغيرة لكل من يريد صنع فرعون جديد بدل اللى راح وعمال يمجد فى الجيش اللى حمى الثورة زى الضربة الجوية كدة
ان اى حد كان متابع من ساعة نزول الجيش بأوامر المخلوع والعالم كلة كان شايف انة كان واقف موقف محايد وهو نفسة قال على موقفة كدة
وياريتة كان محايد فعلا زى مبيقول
لانة كان واقف بالفعل بجانب المخلوع وادالة كذا فرصة انة يخلص ومنهم موقعة الجمل والحرب الدامية طول الليل
دة غير الحوادث اللى كانت بتحصل على مسمع ومراى منة وبرعايتة

**bassem.naguib** · 26-07-2011 11:47 PM

اسمحلي أقولك بكل بساطة لو فكرت قليلاً الجيش محماش الثورة ولا حاجة .. الجيش كان بيتفرج على الأوضاع اللي بتحصل ومكنش منحاز لأي طرف .. والدليل على ذلك وقفته كالمتفرج في موقعة الجمل .

عاوزك تتخيل معايا كدة سيناريو تاني .. لو معركة الجمل دي أتت أُكلها وكان أنصار مبارك انتصروا فيها وقدروا يخرجوا الثوار من الميدان ويفرقوا شملهم ويجهضوا الثورة .. كان حيبقى أيه موقف الجيش .. انا أقولك .. أنه انتصر للشرعية المتمثلة في الرئيس المخلوع وكذلك للشرفاء من أنصاره ...إلخ وكانت الدنيا حتبقى زبادي في الخلاط .

وإحقاقاً للحق اللي ساند الثورة دي وحماها بعد الله سبحانه وتعالى هما الأخوان والتيارات الاسلامية .. وخاصة في يوم موقعة الجمل اللي بعتبرها نقطة فاصلة في تاريخ الثورة حددت بشكل كبير القوة والشرعية مع مين .. وبناء عليه انحاز ليها الجيش بعد ما هديت الدنيا ومالت لكفة المتظاهرين .

ملحوظة : أنا لا أنتمي أي أي تيار أو فصيل سواء ديني أو سياسي .. ويا ريت الشعب المصري بجميع توجهاته كله يتوحد وراء مطالب الثورة لاحياءها وتنفيذ أهدافها والتعجيل بالانتخابات النزيهة .. ويبعد شوية عن ظاهرة تقسيم التورتة اللي مش وقتها خالص .

**ashraf_msd** · 27-07-2011 12:23 AM

المشاركة الأصلية كتبت بواسطة ziabassem

اسمحلي أقولك بكل بساطة لو فكرت قليلاً الجيش محماش الثورة ولا حاجة .. الجيش كان بيتفرج على الأوضاع اللي بتحصل ومكنش منحاز لأي طرف

مجرد حياده اكبر حماية للثورة .. لأن البديل انه كان يضرب زي جيوش اليمن وسوريا وليبيا.

لو رجعت بالزاكره هتلاقي جيش تونس عمل زي جيش مصر بالظبط .. رفض يضرب شعبه .. وبالتالي نجحت ثورتهم.. والجيوش اللي ضربت .. لسه بيقتلو في بعض والثوره قلبت حرب اهليه.

وإحقاقاً للحق اللي ساند الثورة دي وحماها بعد الله سبحانه وتعالى هما الأخوان والتيارات الاسلامية ..

متفق معاك 100% .. والشعب مانساش فضلهم بعد الله ومالو لكفتهم في الاستفتاء .. والجمعة الجايه اكبر دليل على استجابة الناس للهوية الاسلاميه الغير تابعة لامريكا وصربيا

-

الموضوع: سؤال واحد بس لأي حد بينكر ان الجيش حمى الثور

LinkBack

أدوات الموضوع

عرض

-

-

-

-

-

-

-

المواضيع المتشابهه

تجربة قيادة لامبورجيني جالاردو (هل حاولت ترويض الثور الهائج؟)

تجربة قيادة لامبورجيني جالاردو (هل حاولت ترويض الثور الهائج؟)

انسينى انا صبرى انتهى ......(بفكر اتطوع فى الجيش ) دعوة لنقاش مع واحد مجنون

واحد ... اتنين ... الجيش العربى فين ...؟

الكلمات الدلالية لهذا الموضوع

المفضلات

المفضلات

ضوابط المشاركة