الموضوع: سؤال واحد بس لأي حد بينكر ان الجيش حمى الثور

المشاركة الأصلية كتبت بواسطة hobiko

لا طبعاً مصر مش الجيش ولا حتكون ...... مصر أعظم من إلي غير إسمه من 23 سنة عشان يرضي سيده إلي لحقه قبل ما يطلع معاش و يتركن على الرف




مصر السمار والعمار

وابن إياس والجبرتي

وبدايع الزهور

قصيدة فوق الرائعة بجد


بس يا صاحبي لو الجيش وقع لا قدر الله زي مانتو عايزين .. وده هيحصل اما بان الجيش ينقسموا على بعض زي سوريا او اليمن ... او كلاب الناتو والامريكان يتدخلوا في مصر زي ليبيا .. وساعتها مش هيبقي في لا مصر العرقسوس ولا مصر الست ثومة .. مش هيبقى غير مصر المحتله .. وعشرات الاف الشهداء .. ولكم في العراق وافغانستان العبرة .. وفي سوريا وليبيا واليمن العظة. ولكى الله يا مصر .. الله خير حافظا وهو ارحم الراحمين.

المشاركة الأصلية كتبت بواسطة ziabassem

ليا كلمة أخيرة في الموضوع ده .. وهو مجرد وجهة نظر لا تعبر إلا عن رأيي الشخصي وقد تكون خاطئة .

الجيش يا جماعة (المتمثل في المجلس العسكري) في أول الثورة محمهاش وبكرر محمهاش .. ولكن وقف موقف الحياد السلبي لحين استقرار الكفة إلى أي جهة تميل (الثوار أم النظام السابق) والدلائل كثيرة على ذلك وذكرت في مشاركات سابقة كثيرة .

ولكن .... لازم نتعرف أن الجيش (المجلس العسكري) هو الضمانة الوحيدة للاستقرار .. لأنه من بعده سيتفرق الناس في تكوين مجلس رئاسي حاكم للبلاد وحنخش في دوامة ملهاش أول ولا أخر .. طب الحل أيه ؟!!

الحل من وجهة نظري متمثل في التوحد خلف المجلس العسكري من أجل تحقيق أهداف الثورة (اللي كلنا متفقين عليها جميعاً بمختلف الاتجاهات والتيارات) .. مع الأخذ في الاعتبار عدم فرعنة أو تأليه المجلس العسكري والتمجيد فيه والكلام بتاع خط أحمر وخط أزرق .. لأنه ممكن يحيد عن تحقيق أهداف الثورة سواء عن قصد أو غير قصد .. يعني محدش يقول المجلس العسكري صح على طول الخط أو غلط على طول الخط .. لو أخطأ يجب تقويمه والضغط عليه للرجوع للأحق أن يتبع .. وفي نفس الوقت يكون النظام ده هو السمة السائدة في التعامل مع أي حاكم يجي بعد كدة لأن السلطة المطلقة مفسده مطلقة .. ويجب أن يكفل الدستور القادم هذه المبادئ من أجل إرساء مصر الحديثة التي نتمناها كلنا .

وعلى فكرة في نقاط تشابه كثيرة بين أراء الأخوة المختلفين التي خلافتهم من وجهة نظري خلافات شكلية وليست جوهرية .. وتقبلو تحياتي جميعاً .

و انا مع الكلام ده