رسالة الى اعضاء انا اسف يا ريس - و مؤيدي المجلس العسكري

**korkor** · 28-07-2011 02:17 PM

المشاركة الأصلية كتبت بواسطة wael17

ما تزعلش مني بس انا معترض علي التقسيم العنصري اللي حضرتك كاتبه
يعني من يؤيد المجلس العسكري أو حتي كان يؤيد مبارك من نسل الفراعنة و من يطالبون باسقاط المجلس العسكري من نسل عربي؟؟
بصراحة كلام غريب و مرفوض..هل تقصد هذا فعلا ام انني اسات الفهم
و من في مصر يعلم اصله عبر الاف السنين؟ و من اصلا لا يمتزج في اصوله العرق الفرعوني و العرق العربي

و في نقطة تانية في ناس كتير مش فاهماها
تأييد المجلس العسكري في الوقت الحالي لا يعني تقديس قادته او الخضوع لهم و لكن القبول بمبدأ التحول السلمي للديموقراطية...كلنا نريد اسقاط حكم العسكر....بس في ناس عايزة تسقط الحكم العسكري من خلال صندوق الانتخابات بعد أشهر قليلة و في ناس عايزة تسقط حكم العسكر عن طريق حرب الشوارع (علي رأي بلال فضل)

+1

**khaled_sabry** · 28-07-2011 04:04 PM

كلام مايستهلشى الرد بصراحه

بس بحب افكر صديقي تامر.محمد ان المقاله دى اكبر نموذج لتحقير المختلف معاك فى الرأى ... مش التحقير فى رأيه و لكن لشخصه
وده اللى كنت قولتهولك فى موضوع اخر قبل كده

والى الاخ كاتب المقال ... مادمت بتحب الحريه اوى كده فبلاش بقى ننتخب اصلا رئيس جمهوريه ليها و كمان نطلع نهتف ضد المجلس العسكرى لاسقاطه و نعيش كده بدون حاكم .... و بكده نبقى اول بلد فى العام الناس عايشه فيه بدون حاكم او اى حد متزعمنا و نبقى اكتر بلد فيها حريه فى الدنيا كلها

**تامر.محمد** · 28-07-2011 04:19 PM

المشاركة الأصلية كتبت بواسطة khaled_sabry

كلام مايستهلشى الرد بصراحه

بس بحب افكر صديقي تامر.محمد ان المقاله دى اكبر نموذج لتحقير المختلف معاك فى الرأى ... مش التحقير فى رأيه و لكن لشخصه
وده اللى كنت قولتهولك فى موضوع اخر قبل كده

والى الاخ كاتب المقال ... مادمت بتحب الحريه اوى كده فبلاش بقى ننتخب اصلا رئيس جمهوريه ليها و كمان نطلع نهتف ضد المجلس العسكرى لاسقاطه و نعيش كده بدون حاكم .... و بكده نبقى اول بلد فى العام الناس عايشه فيه بدون حاكم او اى حد متزعمنا و نبقى اكتر بلد فيها حريه فى الدنيا كلها

بصراحة الراجل كلامه في الصميم و موضوعي جدا في تحليل سلوك و افكار الفئة اللي هو بيتكلم عنها , و بصراحة اكتر عداه العيب, فعلا ده الانعكاس النفسي للفئة دي

و بصراحة انا اختلفت معاه في نقطة واحدة

أتفق معك تماما عدا نقطة نسل العرب و نسل المصريين , حتى ان كان معاك حق فيها فانا لا اقتنع بوجود جينات لتقبل العبودية

و بصراحة اكتر اللي يعرف عن نفسه كده

طبعا الكلام مش موجه لكل مؤيدي المجلس العسكري - لكن من يتظاهر بتأييده كرها في الثورة و من قاموا بها

فهو فعلا من الفئة اللي الراجل اتكلم عليها
و هي دي الفكرة اللي في الموضوع - اصل الموضوع يعني- ده و يصح مناقشتها و هم ليسوا فوق النقد , بل هم في الواقع مجموعة من المنتفعين و المغيبين

**م.احمد زكريا** · 28-07-2011 04:30 PM

والله حاجة تضحك

طيب احنا نعمل تحليل dna لكل المعتصمين في التحرير و المتظاهرين في روكسي ومصطفى محمود

ونحاول نوصل بتحليل الجينات لأصول كل مجموعة ونشوف مين فيهم اصله عربي اصيل ومين اصلة فرعوني (ده لو في) ومين من اصول

تركي تاني من اصول ارمنية و اكيد هانلاقي شوية شامية على مهلابية

ضحكتني بجد

**mmffor** · 28-07-2011 07:42 PM

المغيبين هما اللي بيقولوا على الشرطة حكومة و هما مش عارفين الفرق بين جهة لحفظ الامن و جهة لادارة الدولة

المغيبين هما اللي بيتقالهم من و هما صغيرين و اطيعوا الله و اطيعوا الرسول و اولي الامر منكم و مش بيتقالهم لا طاعة لمخلوق في معصية الخالق

المغيبين هما اللي لو اتقالهم ان مبارك كان غلبان مبيدوروش في الكتب او على النت و يقعدوا يرددوا ان مبارك غلبان و قائد الضربة الجوية

المغيبين هم اللي اهاليهم اتعلموا في الكتاب القراءة و الكتابة و حفظوا المصحف قبل سن العشر بينما هم طلعوا من المدرسة في تالتة ابتدائي و مبيعرفوش حتى يقروا او يكتبوا للعمل كصبي ميكانيكي او غيره

**تامر.محمد** · 28-07-2011 08:51 PM

المشاركة الأصلية كتبت بواسطة م.احمد زكريا

والله حاجة تضحك
طيب احنا نعمل تحليل dna لكل المعتصمين في التحرير و المتظاهرين في روكسي ومصطفى محمود
ونحاول نوصل بتحليل الجينات لأصول كل مجموعة ونشوف مين فيهم اصله عربي اصيل ومين اصلة فرعوني (ده لو في) ومين من اصول
تركي تاني من اصول ارمنية و اكيد هانلاقي شوية شامية على مهلابية
ضحكتني بجد

همممممممم , ارجو انك ما تزعلش مني , انا معترض على نفس النقطة , بس كنت تعترض بنفس طريقتي , كان المعنى هايوصل و من غير .......

المشاركة الأصلية كتبت بواسطة khaled_sabry

سيبك من المنتفعيين لكن اللى اقصده على اللى بتقول عليهم مغييبين
ده اللى اقصده
ان الثوار مش قادرين يتصورو تفكير الاخرين (و معتبرينهم مغيبيين) على الرغم ان الفئات التانيه فاهمه كويس اوى تفكير الثوار ... و مش بيقولو عليهم مغيبين و لكن مراهقين ثوريين
و خد بالك انى بقول فئات .. لأن فيه بعض الفئات ضد الثوره من الاول و فيه اللى بقى ضدها من اول الخطاب بتاع 2 فبراير و بيقول خلى الريس يكمل مدة و فيه اللى ضدها من اول 8 يوليو .... فلما تلم كل الفئات دى تحت مسمى مغييبين ؟؟؟ بينما انا اقدر اوصف الثوار تحت وصف واحد لأنهم فئه واحده (فئه واحده من ناحيه موقفهم من الثوره - لكن توجهاتهم مختلفه)
ده طبعا غير الفئات الواضحه من البدايه زى الاخوان المسلمين ...اللى لما شاكتكم فى الثوره قولتو عليهم داخلين لمصالحهم - و لما رفضو الانضمام لاعتصام 8 يوليو قولتو عليهم خونه
طيب ااسمحلى اسألك سؤال و تجاوب من المنطلق بتاعك
- دلوقتى انتو ضد المجلس العسكرى - ماشى مشينا المجلس العسكرى - مين اللى حيمسك مكانه فى الفتره الانتقاليه ؟؟؟ ولو قولنا انتخابات مين اللى حيحفظ امن الانتخابات دى ؟
- هل انتا شايف ان الشارع السياسى (الحقيقى و ليس على النت ولا فى الفضائيات ) مؤيد للثوار لغايه دلوقتى ؟؟
- هل حضرتك شايف ان من الطبيعي انك تطلب من مجلس عسكرى (غير منتخب من الشعب ) انه يحققلك كل مطالب الثوره حتى المطالب طويله الامد فى الفتره المؤقته اللى ماسك البلد فيها ؟؟
- انتو دايما بتقولو انكم مش ضد الجيش انتو ضد المجلس العسكرى و المشير ... يعنى ايه انتا مش ضد الجيش لكن ضد قياداته ؟؟؟
كأنك بتقول عاوز تستغل عربيه سريعه و حلوه بس من غير السواق

على العموم ياريت تشوف الفيديوهين دول
‫ط¯ظٹظ…ظˆظƒطھط§طھظˆط±� �ٹط©‬&lrm; - youtube

videos posted by vtv villains tv: â€ڈظƒط§ط¦ظ†ط§طھ ط؛ط±ظٹط¨ط© طھط¸ظ‡ط± ظپظٹ ط§ظ„ط¹ط¨ط§ط³ظٹط© [hq]â€ڈ | facebook

هو انت مش واخد بالك ان الراجل بيقول اللي بيأيدوا المجلس العسكري كرها في الثورة و اللي عملوها ؟؟؟؟؟؟
ثم انت جايب لي فيديو من جروب الثورة المضادة , اللي هما اصلا , الجروب ده بالذات , اخصائيين في الكذب و التزييف و يكادوا يكونوا نصابين ؟

المشاركة الأصلية كتبت بواسطة mmffor

المغيبين هما اللي بيقولوا على الشرطة حكومة و هما مش عارفين الفرق بين جهة لحفظ الامن و جهة لادارة الدولة
المغيبين هما اللي بيتقالهم من و هما صغيرين و اطيعوا الله و اطيعوا الرسول و اولي الامر منكم و مش بيتقالهم لا طاعة لمخلوق في معصية الخالق
المغيبين هما اللي لو اتقالهم ان مبارك كان غلبان مبيدوروش في الكتب او على النت و يقعدوا يرددوا ان مبارك غلبان و قائد الضربة الجوية
المغيبين هم اللي اهاليهم اتعلموا في الكتاب القراءة و الكتابة و حفظوا المصحف قبل سن العشر بينما هم طلعوا من المدرسة في تالتة ابتدائي و مبيعرفوش حتى يقروا او يكتبوا للعمل كصبي ميكانيكي او غيره

+1

**khaled_sabry** · 28-07-2011 09:29 PM

المشاركة الأصلية كتبت بواسطة mmffor

المغيبين هما اللي بيقولوا على الشرطة حكومة و هما مش عارفين الفرق بين جهة لحفظ الامن و جهة لادارة الدولة

المغيبين هما اللي بيتقالهم من و هما صغيرين و اطيعوا الله و اطيعوا الرسول و اولي الامر منكم و مش بيتقالهم لا طاعة لمخلوق في معصية الخالق

المغيبين هما اللي لو اتقالهم ان مبارك كان غلبان مبيدوروش في الكتب او على النت و يقعدوا يرددوا ان مبارك غلبان و قائد الضربة الجوية

المغيبين هم اللي اهاليهم اتعلموا في الكتاب القراءة و الكتابة و حفظوا المصحف قبل سن العشر بينما هم طلعوا من المدرسة في تالتة ابتدائي و مبيعرفوش حتى يقروا او يكتبوا للعمل كصبي ميكانيكي او غيره

كل اللى انتا قولته ده ينطبق على بتوع انا اسف ياريس
مش على بتوع مؤيدى المجلس العسكرى ... وحتى لو تقصد المغييبين بس فواجبك تفهمهم مش نقعد نشتم فيهم و خلاص
لأنهم شئئنا ام ابينا جزء (صغير اوى ) من نسيج المجتمع فى مصر

المشاركة الأصلية كتبت بواسطة mmffor

في ناس بتفكرني بيهم - راح مبارك بدؤا يدوروا على صنم جديد ليهم يعبدوه و يقدسوه و يضعوا رؤوسهم تحت حذاءه ليدوس عليها

للاسف هؤلاء هم احفاد المصريين القدماء الاصليين من عبدة الفراعنة الذين يبحثون عن شخص يستعبدهم و يذلهم

بينما اي رافض لهذا ( و هؤلاء كانوا وقود الثورة ) هم من اصول عربية ترفض الذل و الخنوع و ترضى بالموت في سبيل كرامتها

ليس بضع ملاليم

المشكلة ان المنتفعين فاكرين ان الملاليم اللي بتترمي ليهم دي حاجة كبيرة لانهم مستواهم دنيء و منحط و يرضوا بالعظام كالضباع

طبعا كلام حاد و بيدل على غرور شديد كأنك العالم ببواطن الامور و الباقى هما قطيع الماشيه اللى المفروض حضرتك تقوده - ياريت ترشح نفسك فى انتخابات مجلس الرئاسه علشان الشعب مايتحرمشى من حكمتك
احنا لو مش عارفين نحترم نفسنا .... يبقى ازاى عاوزين العالم يحترمنا

على فكره بقى اانا اعرف اكتر من شخص مؤيد لمبارك و على قدر عالى من الثقافه منهم دكاتره و مهندسين و غير منتفع منه
لكن ارجع تانى و اقولك الفئه دى قليله جدااا ... لكن نحترمها و نحترم رأيهم

اما مؤيدى المجلس العسكرى اللى "يدوروا على صنم جديد ليهم يعبدوه و يقدسوه و يضعوا رؤوسهم تحت حذاءه ليدوس عليها" على حد تعبيرك فدول كتير اوى
و بالتالى ماينفعشى تتجاهلهم و اديك شوفت لما حاولتو تفرضو رأيكم عليهم ايه اللى حصل فى العباسيه
وبشكل عام احنا مؤيدين للمجلس العسكرى (حتى لو كان الفساده ماليه و مالى الجيش ) لأنه الجهه النظاميه الوحيده اللى فاضله و تقدر تمسك البلد و تحافظ على الامن

لكن طبعا حضرتك مفترض

المشاركة الأصلية كتبت بواسطة mmffor

و هما مش واخدين بالهم من الصورة الكبيرة ان لو مصر حكمها رئيس و مجلس منتخب من الشعب نفسه و ان الجيش اصبع مؤسسة حكومية مهمتها حماية الحدود و ليست حاكما بامرة - هما ساعتها حيبقوا منتفعين اكتر

طبعا حضرتك اللى مش واخد بالك ان كده كده المجلس العسكرى ده بيحكم لفتره انتقاليه لغايه انتخابات رئيس الجمهوريه - و اللى انتو بتطالبو بتأجيلها .... يعنى مش عاوزين المجلس العسكرى و فى نفس الوقت عاوزين تأجلو الانتخابات
الله امال مين اللى يمسك مصر فى الفتره الانتقاليه ...مجلس رئسى مدنى - طيب مين اعضائه - ننتخب اعضاء
اعضاء مين اللى ننتخبهم و مين اللى حيحدد اسماء المرشحين للمجلس ده و مين اللى حينظم الانتخابات دى
ان كانت دلوقتى الاحزاب و التيارات السياسيه مختلفه مع بعض فى التفاصيل فمابالك بقى لما يبقوو فى مجلس رئاسى مدنى ... و حتى ولو ده حصل تفتكر حد حيرضى برضه انتا مثلا لو المرشح بتاعك ما اترشحشى فى المجلس الرئاسى المدنى حتروح على التحرير ( على اعتبار انك الادرى بمصلحة البلد عن الشعب )
المركب اللى ليها ريسين بتغرق فما بالك باللى ليها مجلس رئاسى و كمان اعضائه مختلفين و باين اختلافهم من دلوقتى
طبعا ده لايقارن بالمجلس العسكرى لأن المجلس العسكرى يجمعه المظله العسكريه وبالتالى استحاله يحدث صراع داخلى

كل الصداع ده ممكن نتفاداه و نستريح منه لو سلكنا الطريق الممهد اللى الناس صوتك عليه بنعم 77% بانتخاب رئيس جمهوريه بعد كام شهر