الموضوع: رسالة الى اعضاء انا اسف يا ريس - و مؤيدي المجلس العسكري

المشاركة الأصلية كتبت بواسطة تامر.محمد

دلوقتى انتو ضد المجلس العسكرى -
انا ما كنتش ضدهم من الأول , بس بعد كل اللي بيحصل ده اللي مازال شايف انهم أمناء على الأمانة اللي في ايديهم يبقى عنده مشكلة, دي بقت واصحة وضوح الشمس
الاول نحللها واحده واحده
ايه اللى مخلينا نقول انهم غير امناء
مبارك لسه فى مستشفى شرم الشيخ؟؟
صحيح انه اجراء استفذاذى وبيدل على "بعض الفساد" لكن لو كان الجيش خاين بالشكل الرهيب اللى بتقولو عليه كان اعلن وفاته او كان هربه بره من قبل القبض عليه اصلا
يعنى اقصد كان حيبقى فيه اكتر من سيناريو يقدر يخرج بيه مبارك و فى نفس الوقت كان حيبقى محتفظ الجيش بشعبيته اللى فى وقتها

ماشى مشينا المجلس العسكرى - مين اللى حيمسك مكانه فى الفتره الانتقاليه ؟؟؟
دي خلتني بالمناسبة قعدت لفترة كبيرة اوي عارف انهم غير امناء لكن باقول نضغط عليهم , لكن بصراحة شديدة سواء عجبك الكلام او لأ , انا مقتنع ان اللي حصل في العباسية من تدبيرهم و مادام ما عندهمش مانع انهم يصنعوا فتنة في مصر يبقوا خطر على مصر و يبقوا اسوأ من اي حد, ثم و بفرض انهم هايفضلوا , انت مقتنع انهم غير امناء لكن مالهمش بديل و لا انت اصلا شايف انهم امناء ؟
انتا اصلا فرضت فرضيه انا مختلف معاك فيها ان موضوع العباسيه ده من تدبيرهم ... اظن فى اكتر من موضوع فى المنتدى هنا اتكلم فى القصه دى و طلعلك ان بالفعل اللى هاجمو المسيره هما اهالى العباسيه ... ممكن صحيح يكون فيه شويه بلطجيه فى الوسط لكن السواد الاعظم من سكان العباسيه و انا نفسى لو كنت هناك كنت حعمل كده
ولو سألنا عن البلطجيه دول ممكن يكون حد من الفلول "فاكرين الكلمه دى" بعتهم علشان يهيجو الدنيا لكن الجيش اصلا مايعرفشى يجيب بلطجيه لأنه مرمى فى الصحراء

ولو قولنا انتخابات مين اللى حيحفظ امن الانتخابات دى ؟
ده اهم سؤال
- هل انتا شايف ان الشارع السياسى (الحقيقى و ليس على النت ولا فى الفضائيات ) مؤيد للثوار لغايه دلوقتى ؟؟
نسبة منه مؤيدة , هو الثوار دول مش شعب تاني ولا حاجة ؟؟؟ ولا الواحد طالما اقتنع بالاعتصام يبقى اتشال اسمه من الشعب و بقى ثوار
انا بقص على حجم النسبه المؤيده دى قد ايه .. و خد بالك اعلاميا بيضخمو في النسبه دى اوى لأن اعلاميا بيلعبو على اخر كارت كسبان ... و اخر كارت كسب كان هو كارت الثوار

- هل حضرتك شايف ان من الطبيعي انك تطلب من مجلس عسكرى (غير منتخب من الشعب ) انه يحققلك كل مطالب الثوره حتى المطالب طويله الامد فى الفتره المؤقته اللى ماسك البلد فيها ؟؟
ده المفروض مش الطبيعي , و انت شايف انه الطبيعي انه يحمي الفاسدين بكل قواه و يرمي باقي الناس في السجن الحربي ؟
المفروض صحيح لو المجلس العسكرى حيحكم البلد كام سنه ...لكن ده خلاص فاضله كام شهر و يسلم السلطه
و بعد كده فين الفاسدين اللى حماهم بكل قواه ؟؟
يتهيألى ان جميع اعضاءء الحكومه السابقه فى طره دلوقتى
اما موضوع تأخر محاكمتهم او تأجيلها او انهم يطلعو براءه مثلا - كل ده تبع القضاء و مؤسسه القضاء دى حاجه مستقله مابتخدشى اوامر من رئيس الجمهوريه و لا من المجلس العسكرى
على فكره برضه انا غير مؤيد للاحكام العسكريه بس تفسيرى اضرب المربوط يخاف السايب .. يعنى دلوقتى المغتصب او البلطجى حيخايف يعتدى على حد لأنه عارف انه حيتحاكم عسكريا و ممكن ياخد اعدام و ياريت ماتساش اننا لسه امنيا زى الزفت

- انتو دايما بتقولو انكم مش ضد الجيش انتو ضد المجلس العسكرى و المشير ... يعنى ايه انتا مش ضد الجيش لكن ضد قياداته ؟؟؟
يعني انت مقتنع ان مصر = مبارك , ولا ايه ؟
طبعا مصر مش مبارك
بس الجيش امر مختلف - الجيش يعنى قياده و فى نفس الوقت هو اخر ركيزه لامن مصر و بالتالى المفروض كلنا نتكاتف حولها بفسادها(المفترض) بكل اللى فيها لغايه لما مصر تعدى الفتره الحرجه دى
انا على فكره مش بقول ان طنطاوى شريف او لاء - بس ده مش وقت انى ابحث فى كده - لأننا مش حمل حدوث انشقاقات فى الجيش فى الوقت الحرج ده

المشكلة إن فيه كتير كلام شعارات من إلي بيعجب الناس البسيطة ...... بس لما تيجي تبص للتفاصيل إلي محدش بيقولها للناس تلاقي مصايب


بس الجيش امر مختلف - الجيش يعنى قياده و فى نفس الوقت هو اخر ركيزه لامن مصر و بالتالى المفروض كلنا نتكاتف حولها بفسادها(المفترض) بكل اللى فيها لغايه لما مصر تعدى الفتره الحرجه دى


الجملة دي مثلا ..... محدش بيسأل نفسه حنعدي الفترة دي ازاي ؟؟؟؟؟ بأنهي مركب مثلاً ؟؟؟؟ كل يوم و التاني تصرف و قرار إستفزازي ...... بدل ما القرار الصح بيتاخد بيتاخد القرار الغلط



في ناس بتقول نعجل بالإنتخابات عشان نخلص من المجلس العسكري ...... حتى دي المجلس العسكري مش مهنينا عليها ...... من قانون احزاب يخلينا برضه في حاجة إليه ...... لقانون مجلس شعب صادر متأخر أساساً ...... حيدخلنا الحزب الوطني تاني في المجلس


دة غير إن كل حاجة لزم بعد متطلع عنينا مظاهرات و اعتصامات ...... يعني هي إيه الرسالة إلي بيحاول يوصلها المجلس ...... إعتصم تصحو



حاجة أخيرة


معظم مؤيدي المجلس العسكري ...... هم أنفسهم مؤيدي المخلوع ...... و هؤلاء مؤيدين لكل ماهو ضد الثورة ...... بس معلش دول بكرة لما يقعدو و يتفرجوا على المليونية حيجيلهم هسهس

المشاركة الأصلية كتبت بواسطة hobiko

المشكلة إن فيه كتير كلام شعارات من إلي بيعجب الناس البسيطة ...... بس لما تيجي تبص للتفاصيل إلي محدش بيقولها للناس تلاقي مصايب


بس الجيش امر مختلف - الجيش يعنى قياده و فى نفس الوقت هو اخر ركيزه لامن مصر و بالتالى المفروض كلنا نتكاتف حولها بفسادها(المفترض) بكل اللى فيها لغايه لما مصر تعدى الفتره الحرجه دى


الجملة دي مثلا ..... محدش بيسأل نفسه حنعدي الفترة دي ازاي ؟؟؟؟؟ بأنهي مركب مثلاً ؟؟؟؟ كل يوم و التاني تصرف و قرار إستفزازي ...... بدل ما القرار الصح بيتاخد بيتاخد القرار الغلط

طيب يعنى الحل انك تشيله ؟؟؟

المشاركة الأصلية كتبت بواسطة hobiko

معظم مؤيدي المجلس العسكري ...... هم أنفسهم مؤيدي المخلوع ...... و هؤلاء مؤيدين لكل ماهو ضد الثورة ...... بس معلش دول بكرة لما يقعدو و يتفرجوا على المليونية حيجيلهم هسهس

الجمله دى غلط من الاساس
الاخوان و السلفيين و معظم الاسلاميين مؤيدين للمجلس العسكرى ... و ضد التباطؤ بتاعه
مليونيه بكره اللى دعا ليها الاسلاميين و ليس شباب 6 ابريل او اى جهه تانيه
انا نفسى نازل بكره بناء على دعوه الاسلاميين
بدليل بكره حتبقى مظاهرات بس ...لكن مافيش اعتصامات زى ما 6 ابريل بتدعو

المشاركة الأصلية كتبت بواسطة khaled_sabry

طيب يعنى الحل انك تشيله ؟؟؟

الحل إنه ميكنش ليه أي دور سياسي ...... و يتوقف تماماً عن إصدار أي قوانين بدون التشاور و التوافق مع الاحزاب و مع الحكومة


مش لازم يمشي من موقع سلطة رئيس الجمهورية ....... لكن يفوض صلاحيات أكتر للحكومة ........ و يستمع أكتر للقوة الوطنية و الاحزاب


بدل العك إلي بيعكه

فيه ناس بتتظاهر مؤيده للمخلوع وبتتعاطف وبتخرج تتظاهر وفيه كتير صامتين ودى اللى مقصود بيها الاغلبيه الصامته باعتبار الاعداد اللى بتنزل الميدان بيكون عددهم فى احسن الاحوال 2000 مؤيد وهم حاليا اتبعوا اسلوب جديد وتكتيك مختلف فتركوا شعارات اثبتت فشلها زى اسفين ياريس . وتكريم الريس . واتخذوا المواقف المناقضه للثوار فاختلفت 6 ابريل مع المجلس فاطلقوا جمعة تأييد المجلس . عموما هذه الفئه من الطبيعى جدا وجودها ليس من المعقول ان يكن 85 مليون متفقين على موقف موحد او راى واحد
اتفهم مثلا ان يخرج بعض ممن هم مرتاحين ماديا او اصحاب اعمال تقطعت مصالحهم بسبب اختفاء المحسوبيه او الواسطه
ولاكن اكثر مايحزننى ان تخرج فئة الغلابه والمطحونين وهم الفئه الاكثر تضررا وحرمانا من التعليم والصحه والتامينات الاجتماعيه والصحيه مؤيده لهذا المخلوع عكس من تربوا على الواسطه والمحسوبيه والرشاوى فلهؤلاء انيبكوا المخلوع طول العمر