كيف عمل تهوية داخل عربية فيات 127

السلام عليكم ورحمة الله وبركات
برجاء مساعدتى فى عمل تهوية داخل السيارة مشكلة الحرارة داخل الكبية صعبه جدا العربية فيات 127 إيطالى موديل 73
وشكرا لهذا المنتدى الغالى والأصدقاء

يعني حضرتك عايز تعمل فتحة سقف و لا ايه بالظبط ؟؟

متهيألي يا محمود باشا ، انت محتاج تعمل عزل !!
عالعموم في موضوع ممتاز كان معمول بضمير عن الحوار ده
http://www.nilemotors.net/Nile/210607-a.html

لا والله مش قصدى على العزل قصدى اركب مروحه داخل التابله تجيب هواء خارجى معى حركه السياره شويه هواء حكاية بس مش عارف ازاى
وشكرا على الأهتمام

فى مروحة بتركب على التابلوة كدة و بتشتغل من الولاعة و بتتباع عند بتوع قطع الاكسسوار بس مش عارف شكلهاحيعجبك و لا ايه :Copy of makeup:

زي ما العضو \ elewey قالك
فيه مروحة صغيرة بتتباع عاملة زي بتاعت توشيبا زمان اللي هي بتلف يمين و شمال بس ع صغير بتتحط ع التابلوه بتجيب هوا عيبها بس الشكل

و نصيحتي بجانب ده اعمل عازل للعربية عشان لو اي سخونية في الموتور متجييش عليك و تحررك زيادة
و ده موضوع لتركيب عازل
http://www.nilemotors.net/Nile/210607-a.html

و لو عايز بقي ممكن فتحة سقف صغيرة تجيب هوا من فوق و لو اني مفضلهاش
عشان البرومة و مش اي حد يعملها

ركب لها تكييف صحراوي (مبردة مياه)

احسن حل تعمل العزل اللي تحت الفرش
كمان تعمل عازل شفاف بيتركب على الزجاج طبعا هو غالي بس هايفرق معاك
وفي ماركات كتير منها الفي كوول

السلام عليكم
على فكره انا دخلت مخصوص عشان ارد عليك بالنسبه للتهويه والحر اللى فى الكبينه حله حاجتين مينفعش تعمل واحد من غير التانى والا بتكون مجرد بتقلل مش بتمنع طبعا المنع هنا مقصود بيه منع حوالى 90% من الحراره اللى الموجوده دلوقتى لاننا مننساش ان الجو نفسه حر والحاجتين هما
1-ضرورة تجديد العازل الحرارى الموجود فى صدر العربيه بدايه من تحت الطابلوه على طول لحد ما توصل لتحت الدواسات وتزود شويه واحسن طريقه انك تعزل بالعازل الفضى الاول على صاج الصدر بالكله وبعدين تعمل طبقه تانيه بالعازل اللباد الحرارى اللى بيبقى عامل زى البطانيه وبعدين ترجع الفرش مع مراعاة الدواسات وانت بتعزل لعدم تقصير مشوار الدواسه .
2-عزل الهوايه الاماميه اللى موجوده فى الكارتيره بالعازل الفضى بالكله من بره وجوه يعنى تشيل الهوايه السودا اللى قدام وتعزلها من بره وجوه وتتاكد من وجود الكاوتش اللى على الشفه عشان الهوا ميعديش من الفرق بين الكابوت والهوايه وبكده الهوا اللى داخل هيبقى نفس درجة الهوا اللى بره ومش هيتأثر بالماتور وفى حالة عدم وجود الهوايه وعد القدره على شراءها هتضطر تقفل فتحة التهويه اللى فى الحوض ارحملك من انك تسبها حتى لو انت عازل من جوه بس طبعا وجودها احسن لانها هتغنيك عن المروحه لانها هتدخلك هوا بارد من الجو وانت ماشى.
حاجه بقى اضافيه تعملها بس تمام التمام لو عرفت وهى انك تفك السقف وتحط عازل فضى تلزقه على السقف وبعدين ترع السقف تانى وبكده هتلاقى الدنيا حلوه معاك ان شاء الله وهتبقى عامله زى العربيات الاحدث اللى من غير تكييف ويمكن افضل كمان لو عملت الشغل دا صح والخامات تكون نضيفه.
وربنا يرزقك ويوسع عليك وتبقى تغيرها بعربيه فيها تكييف واتوماتيك وكل سنه وانتوا طيبين

اقتباس:

---

المشاركة الأصلية كتبت بواسطة sweetheart_

السلام عليكم
على فكره انا دخلت مخصوص عشان ارد عليك بالنسبه للتهويه والحر اللى فى الكبينه حله حاجتين مينفعش تعمل واحد من غير التانى والا بتكون مجرد بتقلل مش بتمنع طبعا المنع هنا مقصود بيه منع حوالى 90% من الحراره اللى الموجوده دلوقتى لاننا مننساش ان الجو نفسه حر والحاجتين هما
1-ضرورة تجديد العازل الحرارى الموجود فى صدر العربيه بدايه من تحت الطابلوه على طول لحد ما توصل لتحت الدواسات وتزود شويه واحسن طريقه انك تعزل بالعازل الفضى الاول على صاج الصدر بالكله وبعدين تعمل طبقه تانيه بالعازل اللباد الحرارى اللى بيبقى عامل زى البطانيه وبعدين ترجع الفرش مع مراعاة الدواسات وانت بتعزل لعدم تقصير مشوار الدواسه .
2-عزل الهوايه الاماميه اللى موجوده فى الكارتيره بالعازل الفضى بالكله من بره وجوه يعنى تشيل الهوايه السودا اللى قدام وتعزلها من بره وجوه وتتاكد من وجود الكاوتش اللى على الشفه عشان الهوا ميعديش من الفرق بين الكابوت والهوايه وبكده الهوا اللى داخل هيبقى نفس درجة الهوا اللى بره ومش هيتأثر بالماتور وفى حالة عدم وجود الهوايه وعد القدره على شراءها هتضطر تقفل فتحة التهويه اللى فى الحوض ارحملك من انك تسبها حتى لو انت عازل من جوه بس طبعا وجودها احسن لانها هتغنيك عن المروحه لانها هتدخلك هوا بارد من الجو وانت ماشى.
حاجه بقى اضافيه تعملها بس تمام التمام لو عرفت وهى انك تفك السقف وتحط عازل فضى تلزقه على السقف وبعدين ترع السقف تانى وبكده هتلاقى الدنيا حلوه معاك ان شاء الله وهتبقى عامله زى العربيات الاحدث اللى من غير تكييف ويمكن افضل كمان لو عملت الشغل دا صح والخامات تكون نضيفه.
وربنا يرزقك ويوسع عليك وتبقى تغيرها بعربيه فيها تكييف واتوماتيك وكل سنه وانتوا طيبين

---

كلام 10/10 بصراحه بس عندى اضافه بسيطه هتكلم عن عربيتى يمكن تلاقى حاجه زى كده عندك فى الفيات ريتمو فى هوايه بتبقى على الكبوت من قدام دى بيكون داخلها مروحه او بلاور انا وصلت له 12 فولت و كتاوت و مفتاح و لما ببقى طالع بالعربيه بشغله بصراحه بيزع شوية هوا من هوايات التابلوه تمام اوى فدور لو عندك البلاور ده او لو ليه مكان فى عربيتك ركبه هو فى الاساس بيبقى راكب علشان التكييف:36_1_34[1]: