فكره جديده

**amrt2** · 27-07-2011 12:23 AM

الموضوع ده جه فى دماغى بعد ما قاعدة محبى البايك اتسعت والطلعات اللى اانتوا بتخرجوها وااللى كان نفسى ابقى معاكوا فيها بس النصيب - المهم الموضوع باختصار ان الطلعات دى تبقى بهدف ولمكان معين نعمل فيه توعيه او فكره تنمويه او نحث الناس على عمل الخير والتطوع خصوصا واحنا داخلين على رمضان ---------- ولو الفكره لاقت القبول انا عندى افكار كتيره للموضوع ده

**m3_dolphen** · 27-07-2011 12:26 AM

ماشاء الله جزاك الله خيرا .. انا فعلا فكرت فى الموضوع ده لكن لسة مش فى دماغى حاجة معينة والحمد لله انك فكرتنى .. نشوف اقتراحات الاعضاء اولا .....

**yascro** · 27-07-2011 01:47 AM

ممكن مبدئيا فكره اننا نجمع الملابس اللى مش محتاجينها وناخدها نوديها لجمعيه رساله وتكملوا يومكم عادى
تا

**johnghaly** · 27-07-2011 10:10 AM

فكره فعلا هايل واهو الوقت اللى بيضيع يضيع فى حاجه خيره بجد ياااريت

**amrt2** · 27-07-2011 11:09 AM

العمده الموضوع دخل دماغه انا كده اطمنت وانا واستاذ محمد اتكلمنا وان شاء الله هنظبط الموضوع ---- وبما ان العمده فكر فى ان احنا نعمل الموضوع ده تبع جمعيه انا منسق علاقات عامه بجمعية مصر المستقبل والجمعيه ليها انشطه فى رمضان وجمع ملابس بردوا ممكن نظبط حاجه معاها

**nktis** · 27-07-2011 08:32 PM

ممكن لو اي ادويه عندنا ... بواقي ادويه مسكنات علي مضادات حيويه علي حاجات الاسهال والامساك وحتي لو هتشتريها مش هتعدي ال 20 جنيه وتودوهم اي جمعيه او مسجد او مستوصف خيري...
وربنا يجعلنا واياكم اهلا لطاعه الله وعمل الخير ...