ده ايه الحل العبقرى ده ؟ :8954[1]: !!!
وياترى هو ده الفرد ع الساخن
وكمان الco2 بيتباع فين ؟
وفعلا بترجع لأصلها كده انا تقريبا خبطتى فى نفس المكان اللى فى الفيديو
عرض للطباعة
لو الخبطه عند حضرتك زي اللي في الفيديو كده عدي علي أي سمكري هايظبطها بأيده رد بأيده مش هايدق فيها حاجه
أما اللي أترش ده علي ما أظن أسمه ثلج جاف (تقريبا) و الموضوع ده قتل بحثا في المنتدي و محدش عرف بيتباع فين و لا بيجي منين
السلام عليكم ورحمه الله وبركاته
الثلج الجاف
من اسهل المواد فى الحصول عليه
من اى انبوبه طفايه حريق
هتجيب الخرطوم بتاع الطفايه وتحطه فى كيس
او شنطه
يفضل تكون من النوع المتين جدا
زي الشنط مثلا القماش ال بيتحط فيها التعابين
والكلام دا
وبعدين حضرتك هتفتح الطفايه
كل شويتين تفتح
وتستنى لحد ما الغاز يطلع من المسام بتاعت الشنطه
وتخبط الشنطه لعى الارض
هيتفضل جوا الشنطه بعد خروج الغاز بقايا صلبه
هي دى بقى الثلج الجاف
حضرتك هتكرر العمليه كذا مره
على حسب الكميه ال حضرتك محتاجها
تحياتى لك
حضرتك ممكن تجيب السبراي بتاع تنظيف هيد الفيديو من radio shack هوا المهم يبقي سبراي ضغط عالي و مبرد (لازم ترج العلبة لحد اما حتحس انها بقت ساقعة في ايدك) مش شرط المحتوى و ممكن تلاقيها في محلات الكمبيوتر انا كان عندي كذا سبراي من النوع ده على مر السنين تنظيف سي دي و فيديو و 100% يباع هنا في مصر و فيه كذا فيديو على youtube بيوضح نجاح العملية ديه ولا سمكري و لا عضضة الصاج و لا شغل نص كم :) و ربنا يوفقك
باركولى يا اخوانى النهاردة ما كدبتش خبر وعلمت اتصالاتى وبابا غنوجى لحد اما واحد صاحبى وصفلى سمكرى شاطر اوى وروحتله يشوفلى حل فى الشنطة دى عشان بصراحة مش قادر امشى بيها وهى كده وكل اما اشوفها اتحسر
المهم قولتله ع الاختراع الاسبراى ده ما عرفوش وقالى فيه جهاز شفط فى الحرفيين من غير دقدقة تكلفته بالسنتيمنتر وطبعا الخبطة قطرها اكبر من 10 سم يعنى فوق ال100-150ج مستريح :8954[1]:
طيب وايه الحل ؟
قالى قدامك اختيارين ع البارد ودى تتكلف 70ج
او ع السخن ودى تتكلف 20ج
بصراحة حسيت انى هاخد دوش سخن وبارد !!!! :E_braces[1]:
قولتله بص من الاخر انا جايلك عن طريق فلان ومش عاوزها تبان لأنى لا هامعجن ولا هارش يعنى لو مش واثق انها مش هتبان وترجع زى الاصل بالزبط ما تعملش فيها حاجة وصاحبى قالى اخرها 30-50ج بالكتير اوى
قالى ماشى يا بيه وبدأ الشغل خطوة خطوة وجاب عدته وانا طبعا واقف باتفرج ع الاسطى عوكلووووووو !!!
لأنى اول مرة اتحط فى الموقف ده ربنا ما يكتبها على حد ابداااااااا
فك موكيت الشنطة والكالون ولمبات النمر والمسطرة النيكل اللى فوق وعمل عمايله
الاول اسشوار هواء سخن كده لزوم الحفاظ ع البوية وما تطقطقش منه
ضربة خفيفة بالقادوم من جوة نطرت الانبعاجة الكبيرة
فاضل بقى اللمسات الفنية لزبط النفخة الطبيعية للشنطة وحواف الخبطة
وكل شوية يسخن بالاسشوار ويدقدق وكمان دقدقته على شحم عشان ما تجرحش البوية
هوب يمين ... هوب شمال
وكل شوية يمشى ايده اللى تتلف فى حرير ع الجرح لحد اما طاب وبقت زى الفل واتحدى اى حد مش عارف انها اتخبطت او شافها قبل الرد انه يكتشفها او يفرقها ع الطبيعى
وانا دورى انحصر فى مسك كيس مناديل ايزى باك لزوم مسح الشحم والتلميع كل شوية :E_braces[1]: ... بصراحة معلم وصنايعى تحفة
وفى الاخر لمعها كمان ببوليش بحتة قطنة بيضاء وقالى خلاويص بعد ما ركب كل حاجة مكانها
وانا بقى قولت اطمن على اضاءة اللمبات بتاعت النمرة وكمان الكالون والريموت وزرار فتح الشنطة من التابلوه بدل ما تكون حاجة باظت
وظرفته ال50ج وقولتله شكراااااااااااااا يا اسطى عماد وتسلم ايدك :E_braces[1]::E_braces[1]::E_braces[1]:
ودى الصور وقت الزيرو والترخيص وقبل وبعد الخبطة لزوم المقارنة
http://www.freeimagehosting.net/t/6ecbe.jpg
قبل
http://www.freeimagehosting.net/t/2da65.jpg
http://www.freeimagehosting.net/t/da929.jpg
http://www.freeimagehosting.net/t/4ed1b.jpg
بعد
http://www.freeimagehosting.net/t/fa188.jpg
http://www.freeimagehosting.net/t/31ab4.jpg
http://www.freeimagehosting.net/t/64863.jpg
ما شاء الله فعلا صنيعي تمام التمام ربنا يبارك له و الحقيقة 50 جنية مش كتير
قدر الله و ما شاء فعل و ربنا يحفظهالك و يجنبك أي مكروه
لكن ممكن لو سمحت عنوان السمكري الشاطر ده أو رقم تليفونه
يا باشا الف مبروك على التصليح الممتاز ده
بس والله أستاذ الصنايعي ده ( أستاذ يا عماااااااد !!!!!!!!!!! )
أنا عندي خبطة في جنب الشنطة برضه.... ومن مجهول برضه والله ....
ممكن بقى تقولنا عنوان الدكتور ده يا باشا
وربنا يحفظنا جميعا من كل شر وسوء