هما ليه ما يعملوش نظام الواحد ميوديش عياله المدارس

**aminibrahim** · 27-07-2011 05:07 AM

ونخليهم في البيت ::منزلي يعني:::

يعني هما العيا ل بيتعلمو ايه هناك ولا حاجه والعيل بيتعلم قلة الادب

يعني مثلا ان عيالي في مدارس خاصه والمدام مطحونه غير الكنترول والعيال بتعلم بعضيها

الواحد يجيب ليه المدرسين في البيت ونخلص ::: محدش يقولي الانضباط ان مش فاكر حاجه منايام المدرسه ولا استفدت منها حاجه ان واخد ثانويه عامه منزلي والحمدلله

كانو بيقولوا لينا كده قبل ما ندخل الجيش العسكريه والانضباط والاخر لما رحت اسلم بقوله المخله مش لاقيها

قالي روح اسرقللك واحده

والاانا بخرف

**matrix_it** · 27-07-2011 05:22 AM

لا ماهو انا هاقول لحضرتك على حاجة انا لما كنت فى مدرسة لحاد اعدادى المدرسة كان ليها عامل كبير اوى فى التربية و النضباط لدرجة انى مكنتش بروح المدرسة غير باليونيفورم و كدة حتى كمان كان لازم جزمة و مينفعش كوتشى
لما روحت مدرسة تانية فى ثانوى هى اة علمتنى الصياعة بس برده الى يومنا هذا فيا درجة انضباط عالية

**Ghosts** · 27-07-2011 01:51 PM

مش كل المدارس زى بعضها ....
فى مدارس كتييييييييير فى البلد زبالة لا فيها تعليم ولا أخلاق ....
وفى مدارس بس للأسف مش كتير فيها أخلاق وشوية تعليم لأنك مش هتلاقى مدرسة فيكى يامصر بتعلم صح ....
لا تقولى مدارس دولية ولا دقهلية كلة زفت لأن كل المناهج المصرية فى كل السنين الدراسية متخلفة وجار عليها الزمن ....

**yaserbasha2000** · 27-07-2011 02:02 PM

انا ليا واحد زميلي عامل كده فعلا

ولاده كانوا في مدرسه خاصه نقلهم مدرسه حكوميه و تقريبا بنفس مصاريف المدرسه او ازيد شويه اشترك مع اخواته في نفس البيت و بيجيبوا مدرسات لولادهم لكل المواد في البيت و بيروحوا المدرسه علي الامتحانات بس

بس بيقولي انه مظبط مدير المدرسه علشان الغياب وكده

**mido_soliman** · 27-07-2011 05:01 PM

المدرسة دى مرحلة نفسية مهمة جدا للطفل ان يمر بيها ومن غيرها حيبقى ناقصة كتير جدا من تكوين شخيصتة او من استجابتة الاجتماعية

**SHNORY** · 27-07-2011 05:25 PM

ولما العيل ميروحش المدرسه حيتعلم الخوف والرهبه ازاي؟
حيجيله غباء ازاي؟
حتلغي شخصيته ورايه ازاي؟
كمان مين حيعلمه يشرب سجاير ويقعد علي القهاوي
ومين حيساهم في زياده مرونه جسمه بالنط من فوق السور
حيتعلم الشتيمه والاباحيه فين ؟؟؟؟
لو تقدر توفرله كل ده في البيت متوديهوش
ههههههههههههههههههههههههه هههههههههه