مقارنه بين استهلاك بنزين السياره سعه 1600 وبين السياره سعه 1300 (اوتوماتيك)
مقارنه بين استهلاك بنزين السياره سعه 1600 وبين السياره سعه 1300 (اوتوماتيك)
طريقه القياده :عاديه
نوع البنزين : 92 اللي بقه سعره 1.85 قرش :D (دي ضحكه واحد قرب يتجنن خلاص)
نأخد مثالين الأوبترا واليارس علي اساس الأوبترا من الفئات العاليه نسبيا في الأستهلاك (كما يقال)
واليارس من الفئات المنخفضه نسبيا في الأستهلاك (كما يقال)
من قرائتي في المنتدي متوسط استهلاك الأوبترا حوالي 170 كيلو متر لكل 20 لتر (السياره تستهلك 1 لتر لكل 8.5 كيلو)
و متوسط اسهتلاك اليارس حوالي 260 كيلو متر لكل 20 لتر (السياره تستهلك 1 لتر لكل 13 كيلو)
بناء علي ما سبق تتحرك الأوبترا اقل من اليارس بحوالي 90 كيلو متر لكل 20 لتر استهلاك من السيارتين
وعلشان الأوبترا تتحرك نفس مسافه اليارس لابد لها من زياده استهلاك البنزين (لابد ان تستهلك الأوبترا 10.5 لتر زياده للتحرك نفس مسافه اليارس)
وعلي ذلك يكون :
الأوبترا تسهتلك بنزين زياده بقيمه 10.5 لتر * 1.85 قرش = 19.5 جنيه + 37 جنيه قيمه الأستهلاك الأصلي 20 لتر= 56.5 جنيه لتتحرك 260 كيلو متر *
اليارس تستهلك بنزين زياده بقيمه 0 لتر * 1.85 قرش = 0 جنيه + 37 جنيه قيمه الأستهلاك الأصلي 20 لتر= 37 جنيه لتتحرك 260 كيلو متر *
* متوسط سعر بنزين وعدد كيلو مترات تزيد او تقل قليلا حسب الأستخدام
تأثير ما سبق علي الميزانيه الشهريه
بفرض ان صاحب العربيه اليارس بيحط حوالي 50 لتر في الأسبوع (متوسط جيد لقياده عاديه تميل الي فوق المتوسطه ويمكن اعتباره معيار لاكثر الناس)
خلال الشهر :
اليارس هتحط 200 لتر علشان تتحرك 2600 كيلو متر (حوالي 85 كيلو متر في اليوم)
الأوبترا هيطر يحط 305 لتر علشان يتحرك 2600 كيلو متر
النتيجه :
الزياده في الأستهلاك لصالح الأوبترا = 105 لتر = 195 جنيه في الشهر
--------------------------------------
فرض اخر صاحب العربيه اليارس بيحط حوالي 60 لتر في الأسبوع
خلال الشهر :
اليارس هتحط 240 لتر علشان تتحرك 3120 كيلو متر (حوالي 104 كيلو متر في اليوم)
الأوبترا هيطر يحط 367 لتر علشان يتحرك 3120 كيلو متر
النتيجه :
الزياده في الأستهلاك لصالح الأوبترا = 127 لتر = 235 جنيه في الشهر (بزياده 40 جنيه عن الفرض الأول)
--------------------------------------
فرض اخر صاحب العربيه اليارس بيحط حوالي 70 لتر في الأسبوع
خلال الشهر :
اليارس هتحط 280 لتر علشان تتحرك 3640 كيلو متر (حوالي 121 كيلو متر في اليوم)
الأوبترا هيطر يحط 428 لتر علشان يتحرك 3640 كيلو متر
النتيجه :
الزياده في الأستهلاك لصالح الأوبترا = 148 لتر = 274 جنيه في الشهر (بزياده 80 جنيه عن الفرض الأول)
----------------
و هكذا كل ما صاحب اليارس يزود استهلاكه 40 لتر في الشهر فوق المعيار (200 لتر) صحاب الأوبترا بيدفع زياده تقريبا 40 جنيه في الشهر علشان يقطع نفس مسافه اليارس .
السؤال دلوقتي بعد المقارنات دي هل الفرق بين العربيتين في الأستهلاك ده يخليك تغير قرارك من شراء عربيه 1600 الي شراء عربيه 1300 وتغض البصر عن فرق امكانيات العربيه 1600 c.c عن امكانيات العربيه 1300 c.c ؟
او يخليك تبيع عربيتك 1600 c.c وتشتري عربيه 1300 c.c ؟
ده سؤال مهم وارجو المشاركه لان المناقشه دي ممكن تهم كتير فعلا ..
