الموضوع: مساعدة بخصوص الحرفيين

بسم الله الرحمن الرحيم

السلام عليكم ورحمة الله وبركاته

ان شاء الله ناوى انزل الحرفيين اشترى شويه حاجات للعربيه عشان بشدها وبظبطها بس عندى مشكله انى بخلص شغلى الساعه 6 فى وسط البلد فخايف لما اوصل الحرفيين على 7 ولا 7.30 فى ظل الزحمه اللى احنا عايشينها الاقى الناس هناك قفلت وخصوصا انى مرحتش قبل كدة ومعرفش اية الدنيا هناك

فلو حد يعرف مواعيد المحلات هناك بيقفلوا امتى يقولى ياريت

ولو حد يعرف اسامى محلات الاقى عندها الحاجة دى لعربيتى البولو ولو امكن اسعار بالتقريب يبقى كتر خيركم بجد

1- اكصدامين امامى وخلفى
2- فانوسين امامى
3- فانوس خلفى
4- اسبويلر
5- مرايه جانبيه

واخيرا شكرا جدا لكل اللى هيساعدنى

المشاركة الأصلية كتبت بواسطة sheko_2000eg

بص ياباشا
من خلال خبرتي في الحرفين
احب اقولك ان شارع الالماني معظمه بيقفل الساعة 9 بليل تقريباً
و الله الاسعار مش هقدر افيداك لاني بي اماوي
بس اتكل علي الله و انزل بس متروحش غير شارع الالماني علشان متتعبش نفسك علي الفاضي
ربنا معاك و متنساش تلبس لبس الحرفيين استايل علشان البهدلة و التراب .

بجد مش عارف اشكرك ازاى على ردك جزاك الله خيرا