طبعا وكمان شفت فورد مونديو والله على ما اقول شهيد
عرض للطباعة
طبعا وكمان شفت فورد مونديو والله على ما اقول شهيد
ياريت لو حد يقدر يرفع صور نكون له شاكرين
موضوع ال 80 ده مغرى قويييييييي بس بصراحة الواحد قلبه مش مطاوعه برضه
و مش معنى ان محصلش مشاكل دلوقتى يبقى مفيش مشاكل بعد كده عشان اى بنزين هيتحط العربية هتمشى مش هتقول لا
زى اللى بيتعرض لاشعاع او بياكل اكل مسرطن .. ماهو اكل عادى و طعمه كويس و مالوش تأثير وقتى ... لكن ليه تأثير تراكمى على مر الوقت
انا شايف نلتزم بكلام الشركه المصنعه .. و ال80 ممكن نحطه على فترات طويله وقت لما يكون الواحد قشمان و جيبه فاضى :)) و لو ان الواحد على طول جيبه فاضى فعلا
موضوع كويس جدا انا نفسى احط 80 بس مقلق مع انى معايا اوبل كورسا 94 كربيراتير هل فى مشكلة لو حطيطة ولا له تاثير على عمر الماتور
عزيزى الفاضل
الموضوع مغرى فعلا ومفيد صحيح :M_yes[1]: ولكن العواقب لايعلمها إلا الله وطالما حضرتك قلقان وخايف :_Alshmokh11: يبقى خليك فى الأمان وعامل العربية بحنان :babypubh: وخليك فى المضمون علشان تفضل بالعربية فرحان :unhappy: وربنا يرزقك خيرها ويكفيك شرها
هذه المشاركة للامانة ليس إلا
فكما شاركتكم فى وضع بنزين 80 حبيت ابلغ حضراتكم اننى رجعت فى كلامى وعملت عيل ورجعت امون تانى بنزين 92 حيث اننى عانيت من تأثر سلبى فى سحب السيارة وارتفاع فى صوت المحرك حسيت به فعلا بعدما مونت بنزين 92 ، فنسأل الله السلامة
ودمتم بود
اسمى اسفل مشاركتى
اولا : شكرا جزيلا لأمانه العضو المحترم
ثانيا : سبحان الله ...ياجماعه مش احنا قولنا كده من الاول ... لازم طبعا يحصل الكلام ده لان كده بيبقى في عدم انتظام في اشواط الضغط واشواط البور (الحصول على القوه المحركه) لان ال80 بتحرق بدري عن ميعاده وده بيعمل برجله لبقيه الاشواط في الاسطوانات الاخرى وبالتالي لازم يؤثر على المجموع الكلي للبور اللي خارج من الموتور وكمان يوثر على العمر الافتراضي ليه
والجدول ده للتذكره تاني
the compression ratio for logan = 9.5
C.C -------------------------------------------1600 -------1600 -------1600 -------1600 -------1600
Cylender No. -----------------------------4 ------------4 -------------4 -------------4 ------------4
Cy. Vol. befor Compression -------400 --------400 ----------400 ---------400 --------400
Cy. Vol. after Compression --------50 ----------44.5 ---------42 -----------40 ----------36
compression ratio ---------------------8.0 ---------9.0 -----------9.5 ----------10.0 -------11.1
Petrol octen No. ------------------------80 ----------90 ------------91 -----------92 ----------95
اخر ما افكر فيه هو تضليل السادة الزملاء الاعضاء بالمنتدى او اى انسان اخر ، فما قدمته تجربة قمت بها وثبت لى عدم جدواها وربما اثرها السلبى على المحرك على المدى الطويل ، وتأثر السحب على المدى القصير ، لذا فالاعتراف بالحق فضيلة وانا اجدع واحد فى الدنيا يرجع فى كلامه فى لحظة اذا حسيت ان كلامى غلط ولا اتوانى لحظة واحدة عن الاعتراف بالخطأ
وادامكم الله بكل الود
اسمى اسفل مشاركتى
مازلت سائراً على الدرب وماسك العصاية من النص ، كل تفويلة صفيحة 90 عليها صفيحة 80 بقى لى حوالى سنة ونص على كده ، ومركز مع الكركرة بس مافيش الحمد لله ، بس الحقيقة مش مركز مع موضوع السحب أو صوت الموتور لأن سواقتى غالباً هادية.
الاستثناء هو مشاوير السفر الطويلة دى بتبقى التفويلة كلها 80.
العربية فى خلال الفترة دى مافيهاش أى مشاكل باستثناء تأخير عارض فى الدوارة كان يحدث مرة كل 5 مرات دوارة مثلاً (تدور من تانى مرة) ولا أعتقد أن لهذا علاقة بنوع البنزين.